कोरोनाच्या फटक्यानंतर बॉलिवूडची गाडी पुन्हा एकदा पटरीवर खऱ्या अर्थाने आली ती 2023 मध्ये.
'जवान', 'रॉकी और राणी की प्रेम कहाणी', 'जेलर', 'पठाण', 'अॅनिमल' आणि 'गदर-2' सारख्या दमदार चित्रपटांनी 2023 चं वर्ष खऱ्या अर्थाने गाजवलं.
2023 मध्ये शाहरुख खान पुन्हा एकदा वर्षभरातील सर्वाधिक सुपरहीट आणि सर्वाधिक कमाई करणारा अभिनेता ठरला.
मात्र अभिनेत्रींबद्दल बोलायचं झालं तरी ढीगाने चित्रपट प्रदर्शित झाल्यानंतरही केवळ 4 अभिनेत्रीच आपली छाप सोडू शकल्या. या चौघी कोण ते पाहूयात...
आलिया भट्टसाठी 2023 चं वर्ष चांगलं गेलं. 'गंगुबाई काढीयावाडी' चित्रपटातील तिची भूमिका चांगलीच लक्षात राहिली.
त्यानंतर आलिया भट्टचा 'रॉकी और राणी की प्रेम कहाणी' ही बॉक्सऑफिसवर चांगलाच गाजला. आलियाचे ओटीटी चित्रपटही चांगलेच चर्चेत राहिले.
2023 मध्ये आलिया खालोखाल दीपिका पादुकोणनेही सलग 2 सुपरहीट चित्रपट दिले. तिला 'पठाण' आणि 'जवान'मध्ये चांगली पसंती मिळाली.
मात्र दीपिकाचा 'छपक' चित्रपट तिकीटबारीवर चांगलाच आपटला. इथेच आलिया तिच्यापेक्षा सरस ठरली.
अभिनेत्री किआरा अडवाणीला 'कबीर सिंग' चित्रपटापासून अच्छे दिन आले आहेत असं म्हटलं तरी चुकीचं ठरणार नाही.
किआराचे 'शेरशाहा', 'भूल भुल्लैया-2', 'जूग जूग जियो' आणि 'सत्यप्रेम की कथा' हे चित्रपटही या वर्षी प्रदर्शित झाले.
किआराचे 'गेम चेंजर' आणि 'वॉर-2' चित्रपट आगामी वर्षात तिला यश मिळवून देईल असं म्हटलं जात आहे.
अव्वल 4 अभिनेत्रींमध्ये श्रद्धा कपूर असण्याचं कारण म्हणजे ती फार मोजके चित्रपट करते.
श्रद्धा एक उत्तम अभिनेत्री असली तरी ती अगदीच हातावर मोजण्याइतक्या चित्रपटांमध्ये पाहायला मिळते.
'तू झुटी मै मक्कार' चित्रपटामध्ये श्रद्धा रणबीरबरोबर झळकली होती. तिचा 'स्री-2' चित्रपट बॉक्स ऑफिसवर खणखणीत कामगिरी करेल अशी अपेक्षा आहे.
या चौघींबरोबर कटरिना कैफ, करिना कपूर खान, क्रृती सेनॉन आणि दशा पटाणींच्या वाट्यालाही मोजकं यश आलं.