राम मंदिर सोहळ्यासाठी आलेल्या पाहुण्यांना बॉक्समध्ये काय मिळालं?

राम मंदिराचे उद्घाटन मोठ्या थाटामाटात झाले. देशातील अनेक बडे सेलिब्रिटी या सोहळ्याचा भाग झाले होते.

राम मंदिरासह अयोध्या फुलांनी सजवली होती. संपूर्ण शहर दिव्यांनी उजळून निघाले होते. यावेळी सर्वांना विशेष प्रसादही देण्यात आला.

सेलिब्रिटींसह सर्व आमंत्रित पाहुण्यांना एक प्रकारचा भोजन प्रसाद वाटण्यात आला. हा प्रसाद पाहून त्यामध्ये नक्की काय होतं याची चर्चा सुरु झाली आहे.

अयोध्येत रामलल्लांच्या प्राणप्रतिष्ठा सोहळ्यानिमित्त संघाकडून दिव्य भोजनाची व्यवस्था करण्यात आली होती. अयोध्येच्या सरस्वती बाल विद्या मंदिर शाळेत पाहुण्यांसाठी पाकिटे तयार करण्यात आली.

आलिया-रणबीर, विकी-कतरिना, माधुरी दीक्षित पती राम नेनेंसोबत राम मंदिर प्राणप्रतिष्ठा सोहळ्यात सहभागी झाले होते. यावेळी अमिताभ बच्चन मुलगा अभिषेक बच्चनसोबत दिसले. कंगना रणौत देखील या सोहळ्यात उपस्थित होती.

प्राणप्रतिष्ठा सोहळ्यानंतर सर्व पाहुण्यांना हा प्रसादाचा बॉक्स वाटण्यात आला. या बॉक्सचे फोटो आता व्हायरल होत आहे.

या बॉक्सवर श्रीरामाचे नाव लिहून भोजन प्रसाद असे लिहीले होते. या बॉक्समध्ये स्वादिष्ट खाद्य पदार्थांचा समावेश करण्यात आला होता.

या भोजन प्रसादाच्या बॉक्समध्ये बेसन आणि मेथी थेपला, एक बदाम बर्फी, मटर कचोरी, दोन पराठे आणि दोन पुरी, गाजर वटाणा भाजी होती.