इतर कोणत्याही क्रिकेटपटूपेक्षा धोनीचा चाहतावर्ग मोठा आहे. आयपीएलच्या स्पर्धेत त्याचा अनुभव आला.
आयपीएलचा अंतिम सामना अहमबादला असतानाही गुजरात टायटन्सपेक्षा धोनीला पाठिंबा देणाऱ्या चाहत्यांची संख्या दुप्पट होती.
आयपीएलच्या ट्रॉफीवर पाचव्यांदा नाव कोरल्यानंतर दुसऱ्याच दिवशी धोनीच्या गुडघ्यावर शस्त्रक्रिया करण्यात आली.
मुंबईतल्या कोकिलाबेन रुग्णालयात धोनीच्या गुडघ्यावर तज्ज्ञ डॉ. दिनशॉ पारदीवाला यांनी यशस्वी शस्त्रक्रिया केली.
यादरम्यान, महेंद्रसिंग धोनीचा एक व्हिडिओ सोशल मीडियावर व्हायरल होत असून लोकं त्याचं कौतुक करत आहेत.
व्हायरल होणाऱ्या या व्हिडिओत धोनी कारमध्ये बसला असून भर रस्त्यात तो एका चाहत्याला कार थांबवून सेल्फी देताना दिसतोय.
स्कुटरवर असणाऱ्या चाहत्याने धोनीबरोबर सेल्फीची इच्छा व्यकत केली. धोनीने लगेच कार थांबवत काच खाली घेऊन चाहत्याबरोबर सेल्फी घेतला.
त्याआधी धोनीचा कारमध्ये हातात श्रीभगवद्गीता गीता घेतलेला फोटो व्हायरल झाला होता.
धोनीच्या डाव्या पायाच्या गुडघ्याला दुखापत झाली होती. या दुखापतीसह तो आयपीएलचा संपूर्ण हंगाम खेळला होता.