या सेटिंग्जमुळे तुमच्यासोबत काय होत आहे याची तुम्हाला जाणीवही नसते

विनाकारण सुरु असतात या सेटिंग्स

या सेटिंग्ज बंद केल्याने तुमच्या स्मार्टफोनची बॅटरीही वाचेल आणि हॅकिंगही टाळता येईल. कारण या सेटिंग्ज फक्त अनावश्यकपणे चालू असतात.

वायफाय आणि ब्लूटूथ स्कॅन

आजकाल वायफाय आणि ब्लूटूथशिवाय काम करणे खूप अवघड आहे. सहसा दोन्ही वैशिष्ट्ये नेहमी चालू असतात. ते सोडा कारण आता स्मार्टफोन्स इतके स्मार्ट झाले आहेत की दोन्ही फीचर्स चालू असतानाही त्यांची बॅटरी कमी लागते.

हॅकर्सना निमंत्रण

वायफाय आणि ब्लूटूथ असताना बॅकग्राऊंडला दोघांसाठी स्कॅनिंग सुरु असते. त्यामुळे तुमचा स्मार्टफोन नवीन कनेक्शन शोधतो. यामुळेच हॅकर्सला आयते निमंत्रण मिळते.

कसे थांबवायचे हे?

त्यामुळे जेव्हा तुम्हाला गरज असेल तेव्हा तुम्ही स्कॅनिंग सुरु करा. यासाठी लोकेशन सेटिंगवर जा आणि ऑटो स्कॅन बंद करा

लोकेशन सुरु ठेवणं वाढवेल डोक्याचा ताप

प्रत्येक अॅपला तुमच्या लोकेशनची गरज नसते. अॅप्स केवळ डेटा गोळा करण्यासाठी आणि जाहिराती देण्यासाठी तुमचे लोकेशन ट्रॅक करतात.

असे बंद करा प्रिसाईज लोकेशन

त्यामुळे अॅप्सना लोकेशन ऍक्सेस देणे थांबवा. तुम्हाला लोकेशन द्यायचे असेल तर प्रिसाईज लोकेशनचा पर्याय बंद ठेवा. सेटिंग्जमध्ये, तुम्हाला त्याच नावाचा पर्याय दिसेल.

वैयक्तिक माहिती सगळ्यांना दाखवू नका

स्मार्टफोनवर पासवर्डपासून OTP पर्यंत सगळं काही येते. जर त्यात तुमची वैयक्तिक माहिती असेल तर ती फक्त तुम्हालाच दिसायला हवी

लगेच बंद करा हे फिचर

त्यामुळे सेंसिटिव्ह नोटिफिकेशन सेटिंग्स बंद ठेवणे चांगले. स्मार्टफोनमध्ये हे फिचर सुरु असते, जे तुम्हाला बंद करावे लागेल.