தினம் கோடிக்கணக்கான மக்கள் பயணம் செய்யும் இந்திய ரயில்வே, உலகின் நான்காவது பெரிய ரயில்வே நெட்வொர்க் என அழைக்கப்படுகிறது.
ரயிலில் பயணிக்க, முன்கூட்டியே முன்பதிவு செய்ய வேண்டும். எனினும் சில சமயங்களில், ஏதோ ஒரு காரணத்தால் பயணிக்க முடியாமல் போகலாம்.
பயணிக்க முடியாத சமயத்தில், உங்கள் டிக்கெட்டை, உங்களுக்கு பதிலாக உங்கள் குடும்பத்தினர், பயணம் செய்ய அவரது பெயருக்கு மாற்றும் வசதி உண்டு.
கன்ஃபார்ம் டிக்கெட்டை வேறொருவர் பெயருக்கு மாற்ற, கவுண்டருக்கு சென்று விண்ணப்பத்தை சமர்ப்பிக்க வேண்டும்.
விண்ணப்பத்துடன் உங்களது அடையாள அட்டை மற்றும் நீங்கள் டிக்கெட்டை மாற்ற விரும்பும் உங்கள் குடும்பத்தினரின் அடையாள அட்டை இரண்டையும் சமர்ப்பிக்க வேண்டும்.
உங்கள் ரயில்வே டிக்கெட்டை, நண்பருக்கு அல்லது வேறு நபருக்கு மாற்ற முடியாது என்பதை நினைவில் கொள்ளவும். குடும்ப உறுப்பினர் பெயருக்கு மாற்ற மட்டுமே அனுமதி உண்டு.
நீங்கள் பயணம் செய்யும் ரயில், புறப்படும் நேரத்திற்கு 24 மணி நேரம் முன்னதாகவே, டிக்கெட்டை வேறு பெயருக்கு மாற்ற விண்ணப்பிக்க வேண்டும் என்பது குறிப்பிடத்தக்கது.