எலும்புகள் வலுவிழந்தால், ஆஸ்டியோபோரோசிஸ் (Osteoporosis) என்னும் எலும்பு மெலிதல் நோய், மூட்டு வலிகள், எலும்பு முறிவு போன்ற பல உடல் நல பிரச்சனைகள் நம்மைச் சூழ்ந்து கொள்ளத் தொடங்குகின்றன.
எலும்புகள் வலுவாகவும், ஆரோக்கியமாகவும் இருக்க, உணவில் கால்சியம் மற்றும் வைட்டமின் D நிறைந்த உணவுகளை சேர்ப்பது மிகவும் அவசியம்.
சில உணவுகளை அதிகமாக சாப்பிடுவது, நமது எலும்புகளுக்கு கேடு விளைவிக்கும். எலும்புகளின் கால்ஷியத்தை உறிஞ்சும் உணவுகள் பற்றி ஊட்டசத்து நிபுணர்கள் கூறுவதை அறிந்து கொள்ளலாம்.
அதிக அளவில் உப்பு உட்கொள்வதால், அதில் உள்ள சோடியம் உடலில் உள்ள கால்சியத்தை உறிஞ்சி, ஆஸ்டியோபோரோசிஸ் என்னும் எலும்பு மெலிதல் அபாயத்தை அதிகரிக்கிறது.
சர்க்கரையை அதிகமாக சாப்பிடும் நிலையில், அத்தியாவசிய ஊட்டச்சத்துக்கள் கிடைக்காத போது, எலும்புகளில் இருந்து கால்ஷியம் உறிஞ்சப்பட்டு அவை, பலவீனமடைகின்றன.
காபியில் காஃபின் உள்ள நிலையில், காஃபின் உட்கொள்வது பெண்களின் எலும்பு அடர்த்தியையும் குறைக்கும். காஃபின் எலும்புகளில் இருந்து கால்சியத்தை உறிஞ்சி பலவீனமடையச் செய்கிறது.
அதிகமாக சோடா குடித்தால், குடிப்பதால், உடலில் உள்ள கால்ஷியம் உறிஞ்சப்பட்டு எலும்புகள் வலுவிழந்துவிடும். பெண்களுக்கு இடுப்பு எலும்பு முறிவு அபாயத்தையும் அதிகரிக்கிறது.
விலங்கு புரதங்கள் இரத்தத்தை சிறிது அமிலமாக்குகின்றன. இரத்தத்தில் pH-ன் மாற்றத்திற்கு உடல் எதிர்வினையாற்றும் போது, எலும்புகளில் இருந்து கால்சியத்தை உறிஞ்சி அதனை சமன்படுத்துகிறது.
மது அருந்துவது எலும்பு அடர்த்தியை குறைக்கும் என்பதால், மது அருந்துவதை தவிர்ப்பது நல்லது. முடியவில்லை என்றால், குறைந்த பட்சம் அதனை குறைக்க முயற்சிக்கவும்.
ஆஸ்டியோபோரோசிஸ் நோயை முற்றிலுமாகத் தீர்க்க எந்த மருந்தும் இல்லை என்பது குறிப்பிடத்தக்கது. எலும்பு மெலிதல் நோயின் காரணமாக வரும் வலியை, மருந்துகள் மூலம் குறைக்க மட்டுமே முடியும். அதனால் அதிக எச்சரிக்கை தேவை.