சமைக்கும் போது சில உணவுகள், அதன் ஊட்டச்சத்தை இழக்க கூடும் என நிபுணர்கள் எச்சரிக்கின்றனர். இந்நிலையில், சமைக்காமல் சாப்பிட வேண்டிய சில உணவுகளை பற்றி அறிந்து கொள்ளலாம்.
பூண்டை பச்சையாக சாப்பிடும் போது அதிக பலனை கொடுக்க கூடியது. பூண்டில் உள்ள அல்லிசின் என்னும் சிறந்த கலவை சூடுப்படுத்தப்படும் போது, அதன் வீரியத்தை இழக்கக் கூடும்.
கிரீன் டீயை அளவிற்கு அதிகமாக சூடேற்றுவதால், அதில் உள்ள ஆக்ஸினேற்றங்கள் வலுவிழக்கும். எனவே கிரீன் டீயை கொதிக்க விடுவதை விட, சூடான தண்ணீரில் 3 நிமிடம் வைத்து அருந்துவது நல்லது.
ஆக்ஸிஜனேற்றிகல் மற்றும் என்சைம்கள் நிறைந்த தேனை சூடாக்கும் போது, அதன் மதிப்பு மிக்க சத்துக்கள் அழியக் கூடும்.
பாதாம் பருப்பை சூடாக்கினால் அதிலுள்ள ஆரோக்கியமான கொழுப்புகள் சிதைந்து விடும். எனவே பச்சையாக உட்கொள்வதே சிறந்தது. ஊற வைத்து சாப்பிடுவதும் சிறந்தது.
ப்ரோக்கோலியை அதிக நேரம் சமைப்பதால், அதன் ஊட்டசத்துக்கள் குறிப்பாக விட்டமின் சியை இழக்க நேரிடும்.
தக்காளியை சமைத்து சாப்பிடுவதால், அதிலுள்ள விட்டமின் சி உடையலாம். அதனால் அதனை முடிந்த வரை பச்சையாக சாப்பிடுங்கள்
ஆலிவ் எண்ணெய் சூடு படுத்தப்படும் போது, அதில் உள்ள ஆக்ஸீஜனேற்றங்கள் மற்றும் ஆரோக்கியமான கொழுப்புகள் சிதைகின்றன. எனவே அதனை சாலட்டுகளில் பயன்படுத்துவதே சிறந்தது.
புரோபயோடிக் தன்மை நிறைந்த தயிரை சூடுபடுத்தாமல் சாப்பிடுவதே சிறந்தது. சூபடுத்தினால் அது புரோபயோடிக் தனமையை இழந்து விடும்.
பொறுப்புத் துறப்பு: எங்கள் கட்டுரை தகவல்களை வழங்குவதற்காக மட்டுமே. மேலும் விவரங்களுக்கு எப்போதும் நிபுணர் அல்லது உங்கள் மருத்துவரை அணுகவும். ZEE NEWS இதற்கு பொறுப்பேற்காது.