நாம் சாப்பிடுகிற ஒவ்வோர் உணவும் ஏதாவது ஒரு வடிவில் கல்லீரலைச் சென்றடையும். கல்லீரலைச் சுத்திகரிக்கவும் நச்சுக்களை நீக்கி பாதுகாக்கவும் உதவும் உணவுப் பொருட்களை பற்றி அறிந்து கொள்ளலாம்.
இஞ்சி, உணவின் சுவையைக் கூட்டுகிறது. அதோடு, கல்லீரல் பாதுகாப்பிலும் முக்கிய பங்காற்றுகிறது. இஞ்சி உடலின் செரிமான மண்டலத்தைச் சீராக்கும். வளர்சிதை மாற்றத்தை ஊக்குவிக்கும்.
நெல்லிக்காய் கல்லீரலுக்குப் புத்துயிரூட்டக்கூடியது. வீங்கிய நிலையில் இருக்கும் கல்லீரல்களைச் சரிசெய்யும் ஆயுர்வேத சிகிச்சையில், நெல்லிக்காய் பயன்படுத்தப்படுகிறது.
கல்லீரலைப் பாதுகாக்க தினசரி உணவில் ஒமேகா-3 அதிகமுள்ள உணவுகளை சேர்த்துக்கொள்ள வேண்டும். வஞ்சிர மீன், முட்டை, வால்நட் போன்றவற்றில் ஒமேகா-3 உள்ளது.
பூண்டு, வெங்காயம் போன்ற மணமுள்ள உணவுகளும் கல்லீரலைப் பாதுகாக்கின்றன. உடலின் நச்சுக்களை வெளியேற்றுவதற்கு கல்லீரலுக்குத் தேவையான என்ஸைம் உற்பத்திக்கு இதிலுள்ள சல்ஃபர் உதவுகிறது.
ஸ்ட்ராபெர்ரியில் உள்ள பாலிபினால் (Polyphenols) மற்றும் அந்தோசயனின் (Anthocyanins) கல்லீரலில் கொழுப்பு சேர்வதை தடுக்கிறது.
பீட்ரூட்டில் உள்ள ஃபிளேவனாய்ட்ஸ் (Flavonoids) என்ற நிறமி, கல்லீரலைப் பாதுகாக்கிறது. பீட்ரூட்டை நீண்ட நாட்களுக்குச் சாப்பிடுவது கல்லீரல் பாதிப்புகளிலிருந்து பாதுகாக்கும்.
க்ரீன் டீயில் கேடசின் அதிகம் உள்ளது. இது ஆல்கஹால் அல்லாத கல்லீரலில் சேரும் பிற கொழுப்பைக் குறைக்கிறது. கல்லீரல் செயல்பாட்டை மேம்படுத்துகிறது.
பப்பாளி மற்றும் அதன் விதைகளை உட்கொள்வது கொழுப்பு கல்லீரலில் கொழுப்பாக மாறாமல் தடுக்கிறது. பப்பாளியை தேனுடன் சேர்த்து சாப்பிடுவது நன்மை தரும்.
மஞ்சள் ஒரு ஆக்ஸிஜனேற்றியாகும். கல்லீரலில் படிந்திருக்கும் கொழுப்பை இது அழிந்து விடும். கல்லீரல் கொழுப்பை நீக்க, பாலில் கால் ஸ்பூன் மஞ்சளை சேர்த்து குடித்து வந்தால் நிவாரணம் கிடைக்கும்.
வாழைப்பழத்தில் உள்ள சத்துக்கள் கல்லீரலை ஆரோக்கியமாக வைத்திருக்கும். வாழைப்பழம் செரிமானத்திற்கும் உதவுகிறது.
தினமும் 2 ஸ்பூன் ஆப்பிள் வினிகர் கல்லீரலில் படிந்துள்ள கொழுப்பை எரிப்பதோடு எடையையும் குறைக்க உதவுகிறது. இது கல்லீரல் வீக்கம், வயிற்று வலியையும் குறைக்கிறது.
கல்லீரலில் சேரும் கொழுப்பை, நச்சுப்பொருட்களை வெளியேற்ற வேண்டியது அவசியம். அவை பெரிய நோய்களாக மாறி நம்மைப் பாதிப்பதற்கு முன்னர் இயற்கை வழிமுறைகள் மூலம் கல்லீரலைக் காப்போம்!