நெல்லிக்காய் அனைவராலும் விரும்பப்படும் ஒரு கனி. ஒரு ஆரஞ்சுப் பழத்தில் இருக்கும் வைட்டமின் 'சி'-யின் அளவைப்போல் இருபது மடங்கு வைட்டமின் சத்தைக் கொண்டது நெல்லிக்காய்.
நெல்லிக்காய் சாறு, தூள் மற்றும் பழங்களை உட்கொள்வது வளர்சிதை மாற்றத்தை அதிகரிக்கும். இதனால் உங்கள் உடலில் கொழுப்பு எரிக்கப்பட்டு உடல் பருமன் குறைகிறது
நெல்லிக்காய் நம் உடலில் தோன்றும் நஞ்சுகளை வெளியேற்றி இளமையாக இருக்க வழி செய்கிறது. உடல் திசுக்களுக்கு புத்துணர்ச்சியளித்து உடல் செல்கள் நன்கு செயல்பட உதவி புரிகிறது.
நெல்லிக்காய் நோய் எதிர்ப்பு சக்தியை அதிகரிப்பதுடன் மூளை வளர்ச்சிக்கும் உதவுகிறது. நெல்லிக்கனி உண்டால் நெடுநாள் வாழலாம் என்பது உண்மை.
நெல்லிக்காயில் இருக்கும் வைட்டமின் சி இரத்தக் குழாய்களில் படிந்திருக்கும் கொழுப்புச் சத்துக்களை சுலபமாக கரைத்து விடும். இதனால் மாரடைப்பைத் தவிர்க்கலாம்.
அதிகமான நார்ச்சத்து உள்ளடக்கம் காரணமாக குடல் இயக்கத்தை சீராக்க நெல்லிக்காய் உதவுகிறது.
மலச்சிக்கல் முதல் வீக்கம் வரை வயிறு சம்பந்தமான அனைத்து பிரச்சனைகளையும் நீக்கி செரிமானத்தை மேம்படுத்தும்.
பருவ கால நோய்களை அண்டாமல் தடுத்து, நோய் தொற்றில் இருந்து நம்மை காத்துக் கொள்ள நோய் எதிர்ப்பு சக்தியை அதிகரிக்கிறது.