கல்லீரலில் கொழுப்பு சேராமல் இருக்க என்ன செய்ய வேண்டும்?

கொழுப்பு கல்லீரல் நோய் என்பது அண்மைக்காலமாக பொதுவெளியில் அதிகம் பேசப்படுகிறது. மோசமான வாழ்க்கை முறை மற்றும் உணவுப் பழக்க வழக்கங்களால் இத்தகைய பாதிப்புகள் வருகின்றன. இதனை தவிர்க்கவோ அல்லது மீள முயற்சி செய்ய நினைத்தால், இங்கே இருக்கும் வழிமுறைகளை நீங்கள் பின்பற்றுங்கள்.

மூன்று வகையான உடற்பயிற்சிகள் கொழுப்பு கல்லீரலில் நன்மை பயக்கும். ஏரோபிக் உடற்பயிற்சி, ரெஸிட்டென்ட் பயிற்சி, அதிக தீவிர இடைவெளி பயிற்சி. இதில் ஏதேனும் ஒரு பயிற்சியை தினமும் மேற்கொள்ளுங்கள்.

மோசமான தூக்கம், போதிய தூக்கமின்மை (< 6h), மறுசீரமைக்கப்படாத தூக்கம் மற்றும் பகல்நேரத் தூக்கம் > 60 நிமிடங்கள் ஆகியவை அனைத்தும் மோசமான கொழுப்பு கல்லீரல் நோயுடன் நேரடி தொடர்பு கொண்டது. நீங்கள் வழக்கமான ஆரோக்கியமான தூக்கத்தைப் பெறுவது கட்டாயம். இது கல்லீரல் ஆரோக்கியத்துக்கு மிகவும் இன்றியமையாதது

கார்போஹைட்ரேட்டுகள் அல்லது கொழுப்புகள் சார்ந்த டையட்டைக் காட்டிலும் குறைவான கலோரிகள் கொண்ட உணவுகளை எடுத்துக் கொள்வது நல்லது. அதிக கலோரிகள் கொண்ட உணவுகள் எடுத்துக் கொள்வதை தவிர்த்து டையட்டில் ஆரோக்கியமான மற்றும் குறைவான கலோரி உணவுகளை தேர்ந்தெடுத்து சாப்பிடுங்கள்.

காபி எடுத்துக் கொள்வது கொழுப்பு கல்லீரல் பாதிப்புக்கு சிறந்தது. சர்க்கரை மற்றும் பால் இல்லாமல் வெறுமனே இருக்கும் பிளாக் காபியை நீங்கள் தினமும் மாலைக்குள் 3 கப் குடிக்கலாம். இது ரத்த அழுத்தத்தை பாதிக்காது.

சர்க்கரை - இனிப்பு மற்றும் பதப்பபடுத்தப்பட்ட உணவுகளில் இருந்து நீங்கள் முழுமையாக விலகி இருங்கள். இவை கல்லீரல் கொழுப்பை பெருமளவில் அதிகரிக்கலாம். குழந்தைகள் மற்றும் பெரியவர்களிடையே காணப்படும் கொழுப்பு கல்லீரலுக்கு இவை பிரதான காரணமாக இருக்கின்றன. அதேபோல் செயற்கை இனிப்பூட்டிகளையும் கட்டாயம் தவிர்த்துவிட வேண்டும்.

கொழுப்பு கல்லீரல் பாதிப்புக்கு மிகவும் பொதுவான காரணம் மது அருந்துதல் ஆகும். கொழுப்பு கல்லீரலைத் தடுப்பதில் பாதுகாப்பான ஆல்கஹால் அளவு ஜீரோ ஆகும். மது அருந்துவதை நிறுத்திவிட்டு, அதற்கு பதிலாக மது அல்லாத ஆல்கஹால் போன்ற குறைந்த கலோரி பானங்களுக்கு மாறவும்.