அனைவருக்கும் பேன் தொல்லை இருந்து கொண்டு இருக்கிறது. குறிப்பாக பெண்களுக்கு அதிகளவில் உள்ளது.
வாரம் இரண்டு முறை எண்ணெய் வைத்து பார்த்தாலும் பேன் தொல்லை குறையாது.
பிராண்டட் ஷாம்பூ பயன்படுத்தினாலும் இந்த தொல்லை குறையாது.
இதனை போக்க வீட்டிலேயே இயற்கையான முறையில் ஷாம்பூ தயார் செய்யலாம்.
இதற்கு பூந்திக்கொட்டை- 100 கிராம், சீகைக்காய்- 20 கிராம், உலர வைத்த நெல்லிக்காய்- 20 கிராம், தண்ணீர்- 2 கப் தேவை
பூந்திக்கொட்டை, சீகைகாய் விதைகளை அகற்றி, நெல்லிக்காய் சேர்த்து 2 கப் தண்ணீர் ஊற்றி நன்கு கொதிக்க வைத்து ஆற விடவும்.
வடிகட்டியைப் பயன்படுத்தி, ஷாம்பூவை வடிகட்டி பாட்டிலில் சேமிக்கவும், இதை பயன்படுத்துவதற்கு முன் முடிக்கு எண்ணெய் தடவவும்.
இந்த ஷாம்பூ முடியை பளபளப்பாகவும், பொலிவாகவும் ஆக்குகிறது, முடி நரைப்பதைக் கட்டுப்படுத்த உதவுகிறது.
சிறந்த முடி வளர்ச்சியைத் தூண்டி, பொடுகை போக்கி, உச்சந்தலையில் உள்ள பேன்களை அழிக்கிறது.