நடிகர் கவின், சின்னத்திரையில் இருந்த போதே பெருமளவு ரசிகர்கள் கூட்டத்தை சேர்த்து வைத்திருந்தார். பிறகு, திரைப்படங்கிளில் சிறு சிறு கதாப்பாத்திரங்களில் நடித்துக்கொண்டிருந்தார்.
2019 ஆம் ஆண்டு நட்புன்னா என்னான்னு தெரியுமா என்ற திரைப்படத்தின் மூலம் கதாநாயகனாக அறிமுகமானார். இதன் பின்னர் லிஃப்ட்’ படத்தில் நடித்தார்.
இதனை அடுத்து அபர்ணா தாஸ் கதாநாயகியாக நடிக்க அவருக்கு ஜோடியாக ‘டாடா’ என்ற எமோஷனல் காதல் கதையில் நடித்திருந்தார். இப்படம் ப்ளாக் பஸ்ட்ர் ஹிட் அடித்தது.
அண்மையில் நடிகர் கவின் ஸ்டார் படத்தில் நடித்திருந்தார். ஸ்டார் திரைப்படம் வெளியாவதற்கு முன்பே, ரசிகர்களுக்கு இப்படத்தின் மீது அதிகளவில் எதிர்பார்ப்பு எழுந்தது. கவின் இதில் ஒரு நடிகராக ஜெயித்திருக்கிறார்.
ஸ்டார் திரைப்படம், வெளியான முதல் நாளிலேயே ஒரு கோடிக்கும் அதிகமாக உலகளவில் வசூல் செய்தது. 2 வார முடிவில் படம் ரூ. 21 கோடி வரை வசூலித்து ஹிட் லிஸ்டில் இடம்பெற்றுள்ளதாம்.
ஸ்டார் படத்தின் ஒடிடி ரிலீஸ் தேதிக்காக பலரும் காத்து கொண்டிருக்கும் நிலையில் தற்போது ஜூன் மாதம் 14ஆம் தேதி அமேசான் பிரைம் ஓடிடி தளத்தில் அந்த திரைப்படம் வெளியாக உள்ளது.
தற்போது நடிகர் கவின் வெற்றிமாறன் தயாரிப்பில் மாஸ்க் என்கிற திரைப்படத்தில் நடிக்கிறார். இதைத் தொடர்ந்து விஷ்ணு இடவன் இயக்கும் படத்தில் நயன்தாராவுடன் நடிக்க உள்ளார்.