ஓடிடி தளங்களில் நேரலையில் ஒளிப்பரப்பட்ட நிகழ்வுகள், ஒரே நேரத்தில் பல கோடி பார்வையாளர்களை பெற்று சாதனைகளை படைத்தது. அந்த நிகழ்வுகளை இதில் காணலாம்.
டிஸ்னி+ஹாட்ஸ்டார் மற்றும் ஜியோ சினிமா உள்ளிட்ட ஓடிடி தளங்கள் இந்த சாதனைகளை வைத்துள்ளன.
நேற்று முன்தினம் (அக். 22) நடைபெற்ற இந்தியா - நியூசிலாந்து போட்டியை நேரலையில் ஒரே சமயத்தில் 4.2 கோடி பேர் பார்த்தனர்.
நடப்பு உலகக் கோப்பையில் கடந்த அக். 14ஆம் தேதி இந்தியா - பாகிஸ்தான் போட்டியை நேரலையில் ஒரே சமயத்தில் 3.5 கோடி பேர் பார்த்தனர்.
இந்தாண்டின் மே 29ஆம் தேதி நடைபெற்ற ஐபிஎல் இறுதிப்போட்டியை ஒரே நேரத்தில் 3.2 கோடி பேர் பார்த்தனர்.
கடந்தாண்டு டிசம்பர் 18ஆம் தேதி நடைபெற்ற ஃபிபா கால்பந்து உலகக் கோப்பையின் இறுதிப்போட்டியை ஒரே நேரத்தில் நேரலையில் 3.2 கோடி பேர் பார்த்தனர்.
இந்தாண்டு மார்ச் 31ஆம் தேதி நடைபெற்ற ஐபிஎல் தொடக்க ஆட்டத்தை (சென்னை - குஜராத்) நேரலையில் ஒரே நேரத்தில் 2.5 கோடி பேர் பார்த்தனர்.