గతేడాది అత్యంత చర్చనీయాంశమైన చిత్రం ఐపీఎస్ మనోజ్ శర్మ జీవితం ఆధారంగా తెరకెక్కిన 12th ఫెయిల్. విక్రాంత్ మాస్సే టైటిల్ రోల్ పోషించిన ఈ చిత్రం 69వ ఫిల్మ్‌ఫేర్ అవార్డ్స్‌లో ఉత్తమ చిత్రం టైటిల్‌ను గెలుచుకుంది.
యువతకు ప్రేరణ కలిగించాలనే ఉద్దేశ్యంతో.. ఐపీఎస్ అధికారి అయిన మనోజ్ కుమార్ శర్మ జీవితాన్ని సినిమాగా తీశారు.
2005 బ్యాచ్ ఐపీఎస్ అధికారి మనోజ్ కుమార్ శర్మ మధ్యప్రదేశ్‌లోని మొరెనా జిల్లా నివాసి. జీవితంలో ఎన్నో కష్టాలను ఎదుర్కొని ఈ స్ఖాయికి చేరుకున్నాడు.
9, 10వ థర్డ్ డివిజన్‌లో ఉత్తీర్ణత సాధించిన మనోజ్ కుమార్ 12వ తరగతిలో హిందీ మినహా అన్ని సబ్జెక్టుల్లో ఫెయిల్ అయ్యారు. రెండోసారి ఆయన ఉత్తర్ణీత సాధించారు. అతడి మార్కులు ఆయన విజయానికి అడ్డంకిగా మారలేదు.
మనోజ్ కుమార్ చాలా పేదరికాన్ని అనుభవించాడు. కూలి పనులు చేసుకుంటూ చదువు కొనసాగించాడు. టెంపో డ్రైవర్‌గా కూడా పనిచేశాడు.
ఢిల్లీలోని ఒక లైబ్రరీలో ప్యూన్‌గా పనిచేస్తూ చాలా మంది ప్రముఖ రచయితల పుస్తకాలు చదివాడు. లింకన్, ముక్తిబోధ్ మరియు గోర్కీ వంటి ప్రముఖుల జీవిత చరిత్రలలో మునిగిపోయాడు.
మనోజ్ అనేక సవాళ్లను ఎదుర్కొన్నప్పటికీ తన UPSC ప్రిపరేషన్‌ను కొనసాగించాడు. ఆయన మూడు ఎటెంప్ట్ లో ఫెయిల్ అయ్యాడు. చివరకు నాలుగో ప్రయత్నంలో విజయం సాధించాడు.
నాలుగో ప్రయత్నంలో సక్సెస్ అందుకున్న మనోజ్ కుమార్ యూపీఎస్సీ పరీక్షలో ఆల్ ఇండియా 121వ ర్యాంక్ సాధించాడు.
ఐపీఎస్ అధికారి మనోజ్ భార్య శ్రద్ధ ఐఆర్‌ఎస్‌ అధికారి. మనోజ్ యూపీఎస్సీకి ప్రిపేరేషన్ సమయంలో నిరుత్సాహానికి గురైన ప్రతిసారి ఆమెను పోత్సాహించేది శ్రద్ధా.
ఇటీవల అతను మహారాష్ట్ర పోలీస్‌లో డిప్యూటీ ఇన్‌స్పెక్టర్ జనరల్ (డిఐజి) నుండి ఇన్‌స్పెక్టర్ జనరల్ (ఐజి) గా పదోన్నతి పొందాడు.