షుగర్ పేషెంట్స్ పల్లీల చట్నీ తినకూడదు.. మరి ఉదయాన్నే ఇడ్లీ, దోశల్లోకి ఈ దొండకాయ పచ్చడి ఒకసారి ట్రై చేయండి.
ముందుగా పావు కేజీ దొండకాయలు.. సన్నగా తరిగి పెట్టుకోవాలి.
ఇప్పుడు స్టవ్ వెలిగించి పాన్ పెట్టుకుని.. 10 ఎండు మిరపకాయలు, స్పూన్ ధనియాలు, ఒక స్పూన్ మెంతులు, ఒక స్పూన్ జీలకర్ర బాగా వేయించి పక్కన తీసి పెట్టుకోవాలి.
తర్వాత ఈ దొండకాయ ముక్కల్ని సుమారుగా వేయించి పక్కన పెట్టుకోవాలి.
తర్వాత మిక్సీలో.. వేయించినవి అన్ని వేసుకుని ఒక్కసారి పొడిగా చేసుకుని. దానిలో చిన్న సైజు చింతపండు వేసి అది కొద్దిగా మేడిగాక.. దొండకాయ ముక్కలు వేసి..తగినంత ఉప్పు వేసి.. కచ్చాపచ్చాగా మిక్సీ పట్టుకోవాలి.
తర్వాత తాలింపు కోసం కొద్దిగా నూనె వేసి.. నాలుగు వెల్లుల్లి రెబ్బలు, కరివేపాకు, ఒక్క ఎండు మిరపకాయ, కొద్దిగా ఆవాలు, ఉద్దిపప్పు, జీలకర్ర.. వేసి బాగా వేయించి.. కొద్దిగా ఇంగువ కూడా వేసుకోవాలి.
అందులో మనం ముందుగా చేసుకున్న దొండకాయ మిశ్రమాన్ని వేసి కాసేపు స్టవ్ పైన పెట్టి ఆపేస్తే ఎంతో రుచికరమైన దొండకాయ పచ్చడి రెడీ.