ఆరోగ్యకరమైన శరీరం కోసం విటమిన్లు, ఖనిజాలను తగినంత మొత్తంలో కలిగి ఉండటం చాలా ముఖ్యం. వాటి లోపం వల్ల శరీరంలో చాలా తీవ్ర సమస్యలు వస్తాయి.
మీరు తీసుకునే ఆహారంలో విటమిన్లు, ప్రొటీన్లు, ఐరన్ ఉండటం చాలా ముఖ్యం. ఏయే ఆహారంలో ఏ పోషకాలు పుష్కలంగా లభిస్తాయో తెలుసుకుందాం.
గ్రీకు పెరుగు, కాయధాన్యాలు, చియాగింజలు, క్వినోవా, కాటేజ్ చీజ్, బీన్స్, పచ్చి బఠానీలు, గుడ్లు, లీన్ మాంసం, చేపలు, గింజలు, ప్రొటీన్ ఐరన్ పుష్కలంగా ఉంటుంది. వీటిని తీసుకోవడం వల్ల ఆరోగ్యంగా ఉంటాం.
బయోటిన్ విత్తనాలు, డ్రైఫ్రూట్స్, చిలకడదుంపలు, త్రుణధాన్యాలు వంటి కొన్ని కూరగాయల్లో పుష్కలంగా ఉంటుంది. కార్బొహైడ్రేట్లను గ్లూకోజ్ గా మార్చడంలో సహాయపడుతుంది.
కివి, నారింజ, నిమ్మ, బచ్చలికూర, బ్లాక్ బెర్రీస్ లో విటమిన్ సి పుష్కలంగా ఉంటుంది. ఇది ఇమ్యూనిటీ బలపరుస్తుంది. కొల్లాజెన్ ఉత్పత్తిని కూడా పెంచుతుంది.
ఐరన్, ఫొలేట్ ఆకుపచ్చ కూరగాయలు, దానిమ్మ, బీట్ రూట్, బ్రౌన్ రైస్, పప్పులు, బీన్స్, గింజలు, విత్తనాలు, చేపల్లో పుష్కలంగా లభిస్తుంది. ఇది శరీరంలో రక్తహీనతను నివారిస్తుంది.
విటమిన్ డి పుష్కలంగా ఉండే ఫుడ్స్ సాల్మన్, మాకేరెల్, సార్డినెస్ తో సహా చేపలు, ఇవే కాకుండా పాలు, పాల ఉత్పత్తుల్లో కూడా పెద్ద పరిమాణంలో లభిస్తుంది.
మాకేరెల్, సాల్మన్, సార్డినెస్, కాడ్ లివర్ ఆయిల్, హెర్రింగ్, ఫ్లాగ్స్ సీడ్స్ లో ఒమేగా 3 ఫ్యాటీ యాసిడ్స్ పుష్కలంగా లభిస్తుంది. ఇవి గుండె ఆరోగ్యానికి అద్బుతంగా పనిచేస్తుంది.
ఈ సమాచారం కేవలం పాఠకుల అవగాహన కోసం మాత్రమే. మీకు ఏవైనా ఆరోగ్య రుగ్మతలు ఉన్నట్లయితే వెంటనే వైద్యనిపుణుల సలహా తీసుకోండి.