చాలా మందిని ఇబ్బంది పెట్టే సమస్యల్లో గ్యాస్ట్రిక్ ప్రాబ్లమ్ ఒకటి. గ్యాస్ట్రిక్ సమస్య తగ్గాలంటే ఆహార అలవాట్లలో చిన్న మార్పులు చేసుకుంటే సరిపోతుందని నిపుణులు చెబుతున్నారు. అవేంటో చూద్దాం.
చాలా మంది ఒకేసారి ఎక్కువ మొత్తంలో తింటారు. కానీ ఒకేసారి తినడం వల్ల జీర్ణవ్యవస్థపై ఒత్తిడి పెరిగి అనారోగ్య సమస్యలు వస్తాయి. రోజుకు 5 నుంచి 6 సార్లు చిన్న మొత్తంలో తినాలని సూచిస్తున్నారు.
మసాలాలు అధికంగా ఉండే ఫుడ్స్ తింటే గ్యాస్ట్రిక్ సమస్య మరింత ఎక్కువవుతుంది. కాబట్టి మసాలా ఫుడ్స్ కు దూరంగా ఉండాలి.
కొవ్వు ఆహారాలు జీర్ణించుకునేందుకు ఎక్కువ సమయం పడుతుంది. వీటిని తగ్గించుకోవడం మంచిది. వేయించిన ఆహారాలు, ఫ్రైడ్ చికెన్, పిజ్జా వంటి వాటిని దూరంగా ఉండాలి.
నిమ్మకాయలు, టమాటాలు, కాఫీ, టీ, కార్బొనేటెడ్ పానీయాలు కడుపులో ఆమ్లతను పెంచుతాయి. ఇవి గ్యాస్ట్రిక్ సమస్యకు కారణం అవుతాయి. వీటిని మానుకోవాలి.
కొంతమందికి పాల ఉత్పత్తులు ఎసిడిటినీ పెంచుతుంటాయి. వీటిని తగ్గించాలని వైద్యులు చెబుతున్నారు.
బిస్కెట్లు, బ్రెడ్, పాస్తా వంటి ప్రాసెస్ చేసిన కార్బోహైడ్రెట్లు జీర్ణం అయ్యేందుకు ఎక్కువ సమయం పడుతుంది. ఇవి గ్యాస్ట్రిక్ సమస్యను తీవ్రం చేస్తాయి.
ఒత్తిడి అనేది గ్యాస్ట్రిక్ సమస్యను తీవ్రం చేస్తుంది. సాధ్యమైనంత వరకు ఒత్తిడికి దూరంగా ఉండటం మంచిది.
పండ్లు, కూరగాయలు, జీర్ణక్రియను మెరుగుపరుస్తాయి. రోజుకు 8-10 గ్లాసుల నీరు తాగండి. ఫైబర్ ఫుడ్స్ తీసుకోండి. ఇవి గ్యాస్ట్రిక్ సమస్యను దూరం చేస్తాయి.