ఇడ్లీ, దోశల్లోకి ఎంతో మంచిదైన స్ప్రౌట్స్ సాంబార్ తయారీ కోసం.. ముందుగా ఒక కప్పు పెసర రాత్రంతా నానబెట్టి ఆ తర్వాత ఉదయాన్నే ఒక గుడ్డలొ కట్టి పెట్టేయండి.
ఇవి మొలకలు వచ్చిన తర్వాత.. నీళ్లల్లో వేసి స్టవ్ పైన పెట్టి ఉడికించి పక్కన పెట్టుకోండి.
అవి చల్లారిన తరువాత అందులో.. అరకప్పు పెరుగు, అర స్పూను ధనియాల పొడి, మిరియాల పొడి, జీలకర్ర.. కొద్దిగా అల్లం వెల్లుల్లి పేస్ట్ వేసుకొని కలుపుకొని ఫ్రిడ్జ్ లో పెట్టుకోండి.
ఇప్పుడు స్టవ్ వెలిగించి గిన్నె పెట్టుకొని.. మూడు స్పూన్ల నూనె వేసి.. అందులో కొద్దిగా లవంగాలు, యాలకులు, బిర్యానీ ఆకు, దాల్చిన చెక్క.. వేసి వేయించండి.
అలానే సన్నగా కట్ చేసిన ఒక ఉల్లిపాయ ముక్క, మూడు పచ్చిమిరపకాయలు, కొద్దిగా అల్లం వెల్లుల్లి పేస్ట్.. రుచికి సరిపడా పసుపు, కారం వేసి ఒక్కసారి మెదిపి.. వెంటనే టమేటా పేస్ట్ వేసుకొని వేయించుకోండి.
ఈ మిశ్రమంలో కొద్దిగా నీళ్లు పోసి బాగా ఉడికించుకోండి. ఇప్పుడు మనం ముందుగా చేసిపెట్టుకున్న మొలకలను కూడా ఇందులో వేసుకొని.. రుచికి సరిపడా ఉప్పు వేసుకుని.. మరికొన్ని నీళ్లు పోసుకుని ఉడికించుకోండి.
చివరిగా కొద్దిగా కొత్తిమీర చల్లుకొని దించుకుంటే ఇడ్లీ దోశ అలానే చపాతీకి ఎంతో రుచికరంగా ఉండే స్ప్రౌట్స్ సాంబార్ రెడీ.