షుగర్ ఫ్రీ బీట్రూట్ హల్వా కోసం ముందుగా 2 బీట్రూట్స్ ని బాగా కడిగి సన్నని తురుము తయారు చేసుకోవాలి.
తర్వాత స్టవ్ వెలిగించి.. ఒక కడాయిలో పెట్టుకొని.. అందులో మూడు స్పూన్లు నెయ్యి వేడి చేసుకోవాలి.
ఆ నెయ్యిలో ఒక గుప్పెడు జీడిపప్పు, ఒక గుప్పెడు ఎండు ద్రాక్ష..వేసి దోరగా వేయించుకొని పక్కన పెట్టుకోవాలి.
అదే కడాయిలో తురుముకున్న బీట్రూట్ ని వేసుకొని బాగా మగ్గించుకోవాలి.
బీట్రూట్ మగ్గిన తర్వాత అందులో కొంచెం పాలు చేర్చుకొని.. ఉడకనివ్వాలి.
బీట్రూట్ పూర్తిగా ఉడికిన తర్వాత ఒక కప్పు బెల్లం పొడి చేర్చుకోవాలి.
ఒక ఐదు నిమిషాలు ఉడికిన తర్వాత.. చివరిగా యాలకుల పొడి చేర్చుకోవాలి. అంతే ఎంతో రుచిగా ఉండే బీట్రూట్ హల్వా రెడీ.