రుచికరమైన కొర్రల పులవ్ చేసుకోవడానికి.. ముందుగా ఒక కప్పు కొర్రలను కడిగి నీటిలో నానబెట్టుకోండి.
ఆ తర్వాత స్టవ్ పైన..కుక్కర్ పెట్టి కొద్దిగా నూనె వేసి..అందులో జీలకర్ర వేయించండి.
అందులోనే సన్నగా తరిగిన 2 ఉల్లిపాయలను, 2 వెల్లుల్లి రెబ్బలను వేసి వేయించుకొని.. అందులో కొద్దిగా కారం, పసుపు, ధనియాల పొడి కూడా వేసి వేయించండి.
అందులో పావు కప్పు స్వీట్ కార్న్, సన్నగా తరుక్కున్న ఒక క్యాప్సికం, క్యారెట్లు.. కొన్ని పచ్చి బఠానీలను వేసి వేయించుకోండి.
ఇవన్నీ ఉడికాక.. ముందుగా కడిగి పెట్టుకున్న కొర్రలు వేసి ఒక నిమిషం పాటు చిన్న మంట మీద వేయించండి.
ఆ తరువాత అందులో సరిపడినంత నీతిని పోసి.. రుచికి సరిపడా ఉప్పును కలిపి.. కుక్కర్ పైన మూత పెట్టి.. రెండు విజిల్స్ వచ్చేదాకా ఉంచండి.
కుక్కర్ మూత తీసాక అందులో కొత్తిమీర ఆకులను పైన చల్లుకోండి. అంతే ఎంతో రుచికరమైన మిల్లెట్స్ బిర్యానీ రెడీ.