చెడు కొలెస్ట్రాల్‌ మంచులా కరగాలంటే ఇది తినండి చాలు..

ప్రస్తుతం చాలా మంది చెడు కొలెస్ట్రాల్‌తో బాధపడుతున్నారు. దీని కారణంగా అనేక సమస్యలు వస్తాయి.

శరీరంలో చెడు కొలెస్ట్రాల్‌ పెరగడం కారణంగా బరువు పెరిగే ఛాన్స్‌ ఉంది.

చెడు కొవ్వు పెరగడం వల్ల కొంతమందిలో గుండెపోటు వచ్చే ప్రమాదం కూడా ఉంది.

ముఖ్యంగా బ్యాడ్‌ కొలెస్ట్రాల్‌ పెరగడం వల్ల అనేక దీర్ఘకాలిక వ్యాధులు వచ్చే అవకాశాలు ఉన్నాయి.

కాబట్టి ఈ చెడు కొలెస్ట్రాల్ పెరగకుండా ఉండడానికి ప్రతి రోజు మంచి అల్పాహారం తీసుకోవాల్సి ఉంటుంది.

ముఖ్యంగా బ్యాడ్‌ కొలెస్ట్రాల్‌తో బాధపడుతున్నవారు డైట్‌లో భాగంగా ఓట్స్‌తో తయారు చేసిన అట్టును తినడం వల్ల మంచి ఫలితాలు పొందుతారు.

మీరు కూడా కొవ్వును తగ్గించుకోవడానికి ఓట్స్‌ అట్టును తినాలనుకుంటున్నారా? ఇప్పుడే తయారు చేసుకోండి.

ఓట్స్‌ అట్టుకి కావాల్సిన పదార్థాలు: 1 కప్పు ఓట్స్ (రోల్డ్ ఓట్స్ లేదా క్విక్ ఓట్స్), 1/2 కప్పు బియ్యం పిండి, 1/4 కప్పు మినపప్పు పిండి

కావాల్సిన పదార్థాలు: 1/2 టీస్పూన్ జీలకర్ర, 1/4 టీస్పూన్ మెంతులు, 1/4 టీస్పూన్ పసుపు, 1/2 టీస్పూన్ ఉప్పు, 2-3 కప్పుల నీరు, నూనె, వేయించడానికి

తయారీ విధానం: ఒక గిన్నెలో ఓట్స్ పిండి, బియ్యం పిండి, మినపప్పు పిండి, జీలకర్ర, మెంతులు, పసుపు మరియు ఉప్పు కలపాలి.

క్రమంగా నీటిని కలుపుతూ, గడ్డలు లేకుండా మృదువైన పిండిని కలుపుకోవాల్సి ఉంటుంది.

ఇలా తయారు చేసుకున్న పిండిని 10 నుంచి 15 నిమిషాలు నానబెట్టండి.

ఆ తర్వాత ఒక నాన్-స్టిక్ ప్యాన్‌ను మీడియం వేడి మీద వేడి చేసి, కొద్దిగా నూనె వేయండి.

ఒక చెంచా పిండిని తీసుకొని, దానిని పెనంపై పలుచని అట్టులా వేసుకోండి..

ఇలా వేసుకున్న అట్టును బంగారు గోధుమ రంగులోకి వచ్చేవరకు కల్చుకోండి. ఆ తర్వాత మరొక వైపు తిప్పి కాల్చుకోండి.

అట్టును తీసి, వేడిగా టమాటో చట్నీ, కొబ్బరి చట్నీ లేదా మీకు ఇష్టమైన చట్నీతో సర్వ్ చేయండి.