పల్లీల చట్నీ తినడం ద్వారా షుగర్ లెవెల్స్ పెరుగుతాయని డాక్టర్లు చెబుతూ ఉంటారు. మరి అలాంటి వారి కోసమే.. ఇడ్లీ, దోశల్లో తినడానికి ఈ టేస్టీ దొండకాయ చట్నీ.
స్టవ్ మీద కళాయి పెట్టి మూడు స్పూన్ల నూనె వేసుకొని.. వేడెక్కాక అందులో.. ఒక స్పూన్ మెంతులు, ఆవాలు, శనగపప్పు, మినప్పప్పు, జీలకర్ర.. కొద్దిగా కరివేపాకులు వేసి వేయించుకోవాలి.
వీటన్నిటిని చల్లారాక.. మిక్సీలో వేసుకొని పొడి చేసుకోవాలి. అదే కళాయిలో మరో రెండు స్పూన్ల నూనె వేసి.. సన్నగా తరుగుకున్న పన్నెండు పచ్చిమిరపకాయలను.. పావు కిలో దొండకాయలను వేయించుకోవాలి
వాటిని కొంచెం ఉప్పు వేసి మూత పెట్టి ఉడకనివ్వాలి.. చివర్లో నిమ్మకాయ సైజులో చింతపండు, కొత్తిమీరను కూడా వేసి ఒక నిమిషం పాటు వేయించాలి.
ఇప్పుడు ఈ మిశ్రమాన్ని.. ముందుగా మనం చేసి పెట్టుకున్న మసాలా పొడిని వేసి.. కలిపి రుబ్బుకోవాలి.
ఆ తరువాత మళ్లీ స్టౌ పైన కడాయి పెట్టి.. తాలింపు వేసుకోవడానికి జీలకర్ర, మినప్పప్పు, శనగపప్పు, ఎండుమిర్చి, కొంచెం ఇంగువ వేయించుకోవాలి.
ఇప్పుడు ముందుగా మనం చేసుకున్న మిశ్రమాన్ని వేసి కలుపుకోవాలి. అంతే టేస్టీ దొండకాయ చట్నీ సిద్ధం.