రోజుకు ఒక ఈ లడ్డు తింటే.. శరీరానికి శక్తే శక్తి!

నల్ల నువ్వుల్లో శరీరానికి కావాల్సిన బోలెడు పోషకాలు, విటమిన్స్‌ లభిస్తాయి. ఇవి అనేక రకాల అనారోగ్య సమస్యల నుంచి విముక్తి కలిగిస్తుంది.

నల్ల నువ్వుల్లో ఐరన్, కాల్షియం, ప్రోటీన్‌ల సమృద్ధిగా లభిస్తాయి.

నల్ల నువ్వులు, బెల్లంతో తయారు చేసిన లడ్డును తినడం వల్ల రక్తహీనత సమస్యల నుంచి విముక్తి కలుగుతుంది.

మీరు కూడా ఇంట్లోనే నల్ల నువ్వుల లడ్డు తయారు చేసుకోవాలనుకుంటున్నారా?

నల్ల నువ్వుల లడ్డుకు కావలసిన పదార్థాలు: నల్ల నువ్వులు: 1 కప్పు, బెల్లం: 1 కప్పు (తురుము), నెయ్యి: 2 టేబుల్ స్పూన్లు, యాలకుల పొడి: 1/2 టీ స్పూన్

తయారీ విధానం..నువ్వులు వేయించడం: ఒక పాన్‌లో నల్ల నువ్వులను తక్కువ మంట మీద వేయించాలి. అవి సువాసన వచ్చే వరకు వేయించాలి.

బెల్లం పాకం తయారు: మరో పాన్‌లో బెల్లం తురుము, కొద్దిగా నీరు వేసి పాకం తయారు చేయాలి. పాకం చిక్కబడిన తర్వాత పక్కన పెట్టుకోవాల్సి ఉంటుంది.

నెయ్యి వేయడం: వేయించిన నువ్వులను పాకంలో వేసి బాగా కలపాలి. ఇప్పుడు నెయ్యి, యాలకుల పొడి వేసి మిశ్రమాన్ని బాగా కలపాలి.

లడ్డూలుగా చుట్టడం: మిశ్రమం గోరువెచ్చగా ఉన్నప్పుడు, చేతులకు నెయ్యి రాసుకుని చిన్న చిన్న ఉండలుగా లడ్డూలుగా చుట్టుకోవాలి.

సూచనలు: నువ్వులను వేయించేటప్పుడు జాగ్రత్తగా ఉండాలి, అవి త్వరగా వేగిపోయి మాడిపోయే ఛాన్స్‌లు ఉన్నాయి.

బెల్లం పాకం చిక్కబడినప్పుడు మాత్రమే నువ్వులను కలపాలి, లేదంటే లడ్డూలు సరిగా చుట్టలేవు.