రోజు ఇది తింటే మధుమేహానికి బై బై.. అదనపు బరువుకు చెక్!

రోజు ఉదయాన్నే అల్పాహారానికి బదులుగా మధుమేహం ఉన్నవారు సలాడ్స్ తీసుకోవడం వల్ల ఎంతో మంచి ఫలితాలు పొందుతారు.

ముఖ్యంగా క్యాబేజీతో తయారుచేసిన సలాడ్ తినడం వల్ల శరీరంలోని బ్లడ్ షుగర్ లెవెల్స్ నియంత్రణలో ఉంటాయి.

అలాగే బరువు తగ్గడానికి డైట్లు పాటిస్తున్న వారు రోజు ఉదయాన్నే ఈ సలాడ్ తినడం వల్ల మంచి ఫలితాలు పొందుతారు.

తరచుగా దీర్ఘకాలిక వ్యాధులతో బాధపడేవారు తప్పకుండా ఈ సలాడ్ ను డైట్ లో భాగంగా చేర్చుకోండి.

మీరు కూడా ఇంట్లోనే సులభంగా ఈ క్యాబేజీ సలాడ్ ను తయారు చేసుకోవాలనుకుంటున్నారా? ఇంకెందుకు ఆలస్యం ఇలా ట్రై చేయండి..

క్యాబేజీ సలాడ్ కి కావలసిన పదార్థాలు: క్యాబేజీ - 1/2 ముక్క (తరిగినది), క్యారెట్ - 1 (తరిగినది), క్యాప్సికం - 1/2 (తరిగినది), ఉల్లిపాయ - 1 (తరిగినది)

కావలసిన పదార్థాలు: నిమ్మరసం - 2 టేబుల్ స్పూన్లు, ఆలివ్ ఆయిల్ - 1 టేబుల్ స్పూన్, ఉప్పు - రుచికి సరిపోయినంత, మిరియాల పొడి - రుచికి సరిపోయేంత, కొత్తిమీర - కొద్దిగా (తరిగినది)

తయారీ విధానం: ఈ సలాడ్ ను తయారు చేయడానికి ముందుగా క్యాబేజీ, క్యారెట్, క్యాప్సికంతో పాటు ఉల్లిపాయలను చిన్న చిన్న ముక్కలుగా తరగండి.

ఓ చిన్న బౌల్ తీసుకొని తరిగిన అన్నింటిని ఒక 15 నిమిషాల పాటు పక్కన పెట్టుకోవాల్సి ఉంటుంది.

ఆ తర్వాత ఒక పాత్రలో తరిగిన కూరగాయలను వేసి, నిమ్మరసం, ఆలివ్ ఆయిల్, ఉప్పు, మిరియాల పొడి వేసి బాగా కలపండి.

ఇదే మిశ్రమంలో చివరగా తరిగిన కొత్తిమీర వేసి సర్వ్ చేసుకోండి. అంతే ఎంతో రుచికరమైన క్యాబేజీ సలాడ్ రెడీ అయినట్లే..