Monsoon Destinations: వర్షకాలంలో మస్ట్‌ విజిట్‌ ప్లేసెస్‌ లిస్ట్‌ని ఇక్కడ చూసేయండి..

వర్షాలు కురుస్తున్నప్పుడు, ప్రకృతి ఒక కొత్త అందాన్ని సంతరించుకుంటుంది. చినుకులు చిమ్ముతూ, చల్లగా గాలి వీస్తూ, చుట్టూ పచ్చని చెట్లు...

ఇలాంటి వాతావరణంలో బయటకు వెళ్లి, ప్రకృతి అందాలను ఆస్వాదించడం అంతకంటే ఆనందం ఏముంటుంది?

అందుకే ఈ వర్షాకాలంలో మీరు ఖచ్చితంగా సందర్శించాల్సిన కొన్ని అద్భుతమైన ప్రదేశాల లిస్ట్‌ ఇదిగో ..

చిరపుంజీ.. మేఘాలయలోని ఒక అద్భుతమైన పట్టణం. భారతదేశంలోనే అత్యధిక వర్షపాతం నమోదయ్యే ప్రాంతంగా ప్రసిద్ధి చెందింది.

హరిత కొండలు, జలపాతాలు, లోయలతో నిండిన ఈ ప్రదేశం ప్రకృతి ప్రేమికులకు స్వర్గధామం లాంటిది.

లోనావాలా భారతదేశంలోని మహారాష్ట్ర రాష్ట్రంలోని పుణె జిల్లాలో ఉన్న ఒక అందమైన పర్వత ఊరు.

లోనావాలా ప్రకృతి అందాలకు ప్రసిద్ధి చెందింది. కొండలు, లోయలు, జలపాతాలు, సరస్సులు, దట్టమైన అడవులు ఈ ప్రదేశాన్ని మరింత అందంగా మార్చాయి.

వయనాడ్ కేరళలోని పశ్చిమ కనుమలలో ఉన్న ఒక జిల్లా.

సుందరమైన ప్రకృతి దృశ్యాలు, పచ్చని కొండలు, లోతైన లోయలు, జలపాతాలు, కాఫీ తోటలకు ఇది ప్రసిద్ధి చెందింది.

మున్నార్ లో ఎటు చూసినా పచ్చని కొండలే కనిపిస్తాయి.

ఈ కొండలపై విస్తరించి ఉన్న తేయాకు తోటలు, కాఫీ తోటలు ఒక అద్భుతమైన దృశ్యాన్ని సృష్టిస్తాయి.

కర్ణాటకలోని కొడగు జిల్లాను కూర్గ్‌ అని పిలుస్తారు. ఇది పశ్చిమ కనుమలలో ఉంది.

కూర్గ్‌ను "భారతదేశపు స్కాట్లాండ్" అని పిలుస్తారు. పచ్చని కొండలు, కాఫీ తోటలు, జలపాతాలు స్కాట్లాండ్‌లోని ప్రకృతి దృశ్యాలను గుర్తు చేస్తాయి.