పన్నీర్ బిర్యానీ తయారీ విధానం కోసం.. ముందుగా ఒక కప్పు బాస్మతి బియ్యాన్ని కడిగి గంట సేపు నానబెట్టాలి.
మరోపక్క ఒక గిన్నెలో.. పనీర్‌ ముక్కలు వేసుకొని.. పెరుగు, ధనియాల పొడి, గరం మసాలా, జీలకర్ర పొడి, పసుపు, ఉప్పు వేసి.. బాగా కలిపి పక్కన పెట్టుకోండి.
ఇప్పుడు స్టవ్ పైన.. గిన్నె పెట్టుకొని అందులో కొద్దిగా నూనె వేసి.. బిర్యానీ ఆకులు, రెండు సన్నగా తరిగిన ఎర్రగడ్డలు, ఒక స్పూన్ అల్లం వెల్లుల్లి పేస్ట్.. వేసి బాగా ఫ్రై చేసుకోండి.
అలానే అవి బాగా ఏగిన తర్వాత.. కొన్ని పన్నీర్ ముక్కలని అందులో వేసి.. కొద్దిగా గరం మసాలా కూడ వేసి కలుపుకోండి.
ఆ తరువాత నీళ్లు పోసుకోని.. ముందుగా నానబెట్టుకున్న బియ్యాన్ని ఇందులో వెయ్యండి.
అన్నం సగానికి పైగా ఉడికిన తర్వాత.. మిగిలిన పనీర్‌ ముక్కలు.. కొంచెం కొత్తిమీర, పుదీనా తురుము, వేయించిన ఉల్లిపాయ ముక్కలు వేసుకోండి.
ఆపైన మూతపెట్టి పావుగంటపాటు సన్నటి మంటపై అన్నాన్ని బాగా ఉడికించండి. ఇక స్టవ్ ఆపేసిన.. పది నిమిషాల తర్వాత వడ్డించుకుంటే ఎంతో నోరూరించే పన్నీరు బిర్యానీ సిద్ధం.