వర్షాకాలంలో ఈ తప్పులు చేస్తే ఫ్రిడ్జ్ బాంబులా పేలుతుంది
దాదాపు ప్రతి ఒక్కరి ఇంట్లో రిఫ్రిజిరేటర్ ఉంటుంది. ఏడాది మొత్తం ఇది ఉపయోగంలోనే ఉంటుంది. ఫ్రిడ్జ్‌ను జాగ్రత్తగా చూసుకోకుంటే భారీ ప్రమాదం సంభవించే అవకాశం ఉంది.
ఫ్రిడ్జ్ వినియోగించేటప్పుడు కొన్ని తప్పులు చేస్తుంటాం. ఆ తప్పులతో రిఫ్రిజిరేటర్‌లో భారీ పేలుడు జరిగే ప్రమాదం ఉంది. మీరు రిఫ్రిజిరేటర్‌ను సరిగ్గా నిర్వహించకపోతే ప్రాణాంతకంగా మారుతుంది.
విద్యుత్ ప్రవాహంలో హెచ్చుతగ్గులు ఉంటే రిఫ్రిజిరేటర్‌ను ఉపయోగించకూడదు. నాణ్యమైన విద్యుత్ సరఫరా జరిగితేనే ఫ్రిడ్జ్ వినియోగించాలి.
డీప్‌ ఫ్రిజ్‌లో మంచు గడ్డ కట్టనివ్వవద్దు. ఎప్పటికప్పుడు డీఫ్రాస్ట్ చేయండి. అంటే గడ్డ కట్టిన మంచు ఎప్పుడూ కరిగేలా చూడాలి.
కంప్రెసర్ భాగంలో ఏదైనా సమస్య ఉంటే వెంటనే మరమ్మతులు చేసుకోవాలి. స్థానిక ఎలక్ట్రీషియన్‌ను కాకుండా ఫ్రిడ్జ్ కంపెనీ వారితో మరమ్మతు చేయిస్తే క్షేమదాయకం. రిఫ్రిజిరేటర్‌లో స్థానిక భాగాలను ఉపయోగిస్తే కంప్రెసర్‌లో పేలుడుకు కారణమవుతుంది.
ఫ్రిజ్‌లో ఎలాంటి వస్తువులు లేకపోతే ఫ్రిజ్‌ను ఆఫ్‌ చేసేయండి.
ఎల్లప్పుడూ ఫ్రిజ్‌ను 3 నుంచి 4 నంబర్‌లో మాత్రమే ఉంచండి. ఇది కంప్రెసర్‌ను పెద్దగా ప్రభావితం చేయదు. దీనివలన ఫ్రిడ్జ్ ప్రమాదం లేకుండా ఉంటుంది.