మీ పిల్లలకు రోజు నీరు ఎంత తాగించాలి..? ఈ విషయాలు తెలుసుకోండి..!

పిల్లలకు రోజు ఎంత నీరు తాగించాలి..? అనే విషయంపై ఆస్ట్రేలియాలోని నార్మన్ గార్డెన్స్‌లోని 'బల్లారట్ క్లారెండన్ కాలేజ్' ఒక అధ్యయనాన్ని నిర్వహించింది.

4 నుంచి 8 ఏళ్ల వయస్సు ఉన్న పిల్లలు ప్రతిరోజూ 1.2 లీటర్ల నీరు తాగాలని అధ్యయనం వెల్లడించింది.

9 నుంచి 13 సంవత్సరాల వయస్సు ఉన్న అబ్బాయిలు 1.6 లీటర్ల నీరు తాగాలని.. అమ్మాయిలు 1.4 లీటర్ల నీరు తాగాలని సూచించింది.

14 ఏళ్ల కంటే ఎక్కువ వయస్సు ఉన్న అబ్బాయిలు 1.9 లీటర్ల నీరు తాగాలని.. అమ్మాయిలు 1.6 లీటర్ల నీరు తాగాలని తెలిపింది.

పిల్లలకు ప్రతిరోజూ సరైన మోతాదులో నీరు తాగించాలని సూచించింది. లేకపోతే డీహైడ్రేషన్ కారణంగా మెదడు సరిగా పనిచేయదని హెచ్చరించింది.

ఏకాగ్రత లేకపోతే పిల్లలు చిరాకు పడతారు. అంతేకాకుండా బద్ధకం పెరిగిపోయి తల తిరగడం వంటి లక్షణాలు కనిపిస్తాయి.

ఉదయం లేచిన వెంటనే స్కూలుకు వెళ్లే పిల్లలు తాగాలని.. దీని వల్ల మెదడు మరింత చురుగ్గా పని చేస్తుందని రీసెర్చ్‌లో తేలింది.

గమనిక: ఇక్కడ అందజేసిన సమాచారం పాటించే ముందు తప్పకుండా వైద్యుల సలహా తీసుకోండి.