నూనె-3 టేబుల్ స్పూన్స్, 1 1/2 కప్పుల మెంతి ఆకులు, 2-కప్పుల పనీర్ క్యూబ్స్, ఎండు మిరపకాయలు, ఏలాకులు, దాల్చిన చెక్క, జీలకర్ర, ఉల్లిపాయలు, అల్లం వెల్లుల్లి పేస్ట్, టమోటా గుజ్జు, తాజా క్రీమ్ కొత్తిమీర
కప్పు పెరుగు, కశ్మీరి కారం, పసుపు, మిరపపొడి, జీలకర్ర పొడి, ధనియాల పొడి, గరం మసాలా, చాటా మసాలా
నాన్ స్టిక్ పాన్ తీసుకుని అందులో 1 టేబుల్ స్పూన్ నూనె పోసి వేడి చేయాలి. ఇప్పుడు మెంతి ఆకులు వేసి సన్నని మంట మీద 4-5 నిమిషాలు వేయించి పక్కన పెట్టుకోవాలి.
ఇప్పుడు మరోపాన్ తీసుకుని అందులో మిగిలిన నూనె పోసి వేడి కారం, యాలకులు, దాల్చినచెక్క, జీలకర్ర వేసి కొంత సేపు వేయించాలి.
ఇప్పుడు అందులో సన్నగా తరిగిపెట్టుకున్న ఉల్లిపాయలు వేసి 2-3 నిమిషాలు వేయించాలి. తర్వాత అందులో అల్లంవెల్లుల్లి పేస్టు వేసి వేయించాలి.
ఇప్పుడు ముందుగానే రెడీ చేసి పెట్టుకున్న టమాటో గుజ్జు అందులో వేసి మగ్గనివ్వాలి. ముందుగా సిద్ధం చేసుకున్న మసాలా పేస్టు వేసి నూనె బయటకు వచ్చేంత వరకు ఉడికించాలి.
ఇప్పుడు అందులో ముందుగా వేయించి పక్కన పెట్టిన మెంతి ఆకులను వేయాలి. వీటితోపాటు పనీర్ ముక్కలు , సరిపడా ఉప్పు వేసి బాగా కలపాలి.
ఇప్పుడు అందులో కప్పు నీళ్లు పోసి స్టౌ సిమ్ లో పెట్టాలి. 8-10 నిమిషాలు ఉడికించాలి.
అంతే సింపులో మేతీ పన్నీర్ మసాల రెడీ. పైన కొత్తీమీర చల్లి వేడివేడిగా చపాతీ, అన్నంలో తింటే రుచి అదిరిపోతుంది. మీరూ ట్రై చేయండి.