మిల్లెట్స్ రవ్వ ఉప్మా.. గోధుమ ఉప్మా కంటే లాభాలు మెండు..

మిల్లెట్స్ ఉప్మా క్రమం తప్పకుండా అల్పాహారంలో చేర్చుకోవడం వల్ల బోలెడు లాభాలు కలుగుతాయి.

ఈ ఉప్మాలో ఉండే పోషకాలు కొలెస్ట్రాల్‌ను నియంత్రించేందుకు కూడా ఎంతగానో సహాయపడుతుంది.

ముఖ్యంగా రక్తంలో చక్కెర పరిమాణాలను నియంత్రించేందుకు ఈ ఉప్మా ఎంతగానో సహాయపడుతుందని ఆరోగ్య నిపుణులు తెలుపుతున్నారు.

మిల్లెట్స్ ఉప్మాకి కావలసిన పదార్థాలు: మిల్లెట్స్ - 1/2 కప్పు, నెయ్యి - 2 టీస్పూన్లు, పచ్చిశెనగ పప్పు - 1 టీస్పూన్, మినపప్పు - 1 టీస్పూన్

కావలసిన పదార్థాలు: ఆవాలు - 1/2 టీస్పూన్, జీలకర్ర - 1/2 టీస్పూన్, ఉల్లిపాయ - 1 (తరిగినది), పచ్చిమిరపకాయలు - 2 (తరిగినవి)

కావలసిన పదార్థాలు: అల్లం ముక్క - 1 (తరిగినది), కరివేపాకులు, క్యారెట్ - 1 (తరిగినది), బీన్స్, పచ్చిబఠాణీలు - 1/2 కప్పు

కావలసిన పదార్థాలు: టొమాటో - 1 (తరిగినది), ఉప్పు, పసుపు - 1/4 టీస్పూన్, నీళ్లు - 1 1/2 కప్పులు

తయారుచేసే విధానం: ఈ రెసిపీని తయారు చేయడానికి మిల్లెట్స్‌ రవ్వను 15 నిమిషాలపాటు నీళ్ళల్లో నానబెట్టాలి.

ఒక కడాయిలో కొద్దిగా నెయ్యి వేసి అందులో తాలింపుకు పచ్చిశెనగపప్పు, మినపప్పు, జీలకర్ర, ఆవాలు వేసి వేయించాలి.

ఆవాలు చిటపటలాడిన తరువాత ఉల్లిపాయలు, పచ్చిమిరపకాయలు, అల్లం, కరివేపాకులు వేసి వేయించాలి.

ఆ తరువాత క్యారెట్లు, బీన్స్, పచ్చిబఠాణీలు, టొమాటోలు, ఉప్పు, పసుపు వేసి వేయించాలి.

ఆ తర్వాత కొన్ని నీళ్లు పోసి, కడాయికి మూత పెట్టి 5 నిమిషాలు ఉడికించాలి.

మిల్లెట్స్‌ రవ్వను నీళ్ళ నుంచి తీసి, కడాయిలో వేసి బాగా కలపాలి. మిల్లెట్స్‌ మెత్తబడే వరకు ఉడికించాలి.

ఉప్మా సిద్ధం అయిన తర్వాత, కొత్తిమీర తురుము వేసి సర్వ్ చేయండి.