తెలుగు రాష్ట్రాల్లో విషజ్వరాలు పంజా విసురుతున్నాయి. ముఖ్యంగా చికున్ గున్యా, డెంగీ, రోటోవైరస్, నోరోవైరస్ తోపాటు పలు రకాల వ్యాధులు కొరలు చాచుతున్నాయి.
వర్షాకాలం సీజనల్ వ్యాధులతో ప్రజలు తీవ్ర ఇబ్బందులు పడుతున్నారు. ఈ లక్షణాలు ఉంటే ముందస్తు జాగ్రత్తలు తీసుకోవాలని వైద్యులు సూచిస్తున్నారు.
ఉన్నట్లుండి తీవ్రం జ్వరం, మోకాళ్లు, మోచేతుల్లో విపరీతమైన నొప్పి. తలనొప్పి, కండరాల నొప్పి, ఒంటిపై దద్దుర్లు వచ్చినట్లయితే వెంటనే వైద్యులను సంప్రదించాలి. ఎందుకంటే ఇవి చికున్ గున్యా లక్షణాలు.
డెంగీ దోమల ద్వారా వ్యాపిస్తుంది. విపరీతమైన తలనొప్పి, కంతల్లో నొప్పి, కీళ్ల నొప్పులు, కండరాలు నొప్పులు, ఒంటిపై దద్దుర్లు ఇవన్నీ కూడా డెంగీ లక్షణాలు
కోవిడ్ ప్రభావం తక్కువగా ఉన్నప్పటికీ అక్కడక్కడా కేసులు నమోదు అవుతున్నాయి. జ్వరం, దగ్గు, ఊపిరి ఆడకపోవడం, గొంతునొప్పి, ముక్కులో నుంచి నీరు కారడం ఇవన్నీ కూడా కోవిడ్ లక్షణాలే
ఈ వైరస్ ఎక్కువగా చిన్నపిల్లల్లో వస్తుంది. విరేచనాలు, వాంతులు, జ్వరం, కడుపునొప్పి, డీ హైడ్రేషన్. ఇవన్నీ కూడా రోటో వైరస్ లక్షణాలు. పిల్లల్లో ఈ లక్షణాలు కనిపించిన వెంటనే వైద్యులను సంప్రదించాలి.
విరేచనాలు, వాంతులు, కడుపునొప్పి, జ్వరం, తలనొప్పి నీరసం ఇవన్నీ కూడా నోరో వైరస్ లక్షణాలు
వర్షాకాలంలో వచ్చే సీజనల్ వ్యాధుల బారిన పడకుండా ఉండాలంటే రోగనిరోధకశక్తిని పెంచుకోవడం చాలా ముఖ్యం. పండ్లు, కూరగాయలు, పోషకాలు పుష్కలంగా ఉన్నఆహారం తీసుకుంటే ఇమ్యూనిటీ పెరుగుతుంది.
మీరు తీసుకునే ఆహారంలో ఎక్కువగా విటమిన్ డి, సి, అల్లంవెల్లుల్లి, పసుపు, ఒమేగా -3 ఫాటీ యాసిడ్స్ వంటి తీసుకోవాలి. డెంగీ లక్షణాలు ఉంటే వైద్యుల సలహాతో బొప్పాయి ఆకుల రసం తీసుకోవచ్చు.