పూరీకి, చపాతీకి ఎంతో రుచికరమైన పొటాటో గ్రేవీ ఎలా చేసుకోవాలో ఒకసారి చూద్దాం..
ముందుగా స్టవ్ పైన కడాయి పెట్టి అందులో 2 టేబుల్ స్పూన్ల నూనె వెయ్యాలి.
అందులో 1 దాల్చిన చెక్క, 2 లవంగాలు,2 బిర్యానీ ఆకులు, ఇంగువ, జీలకర్ర, ఒక కట్ట కరివేపాకు వేయాలి.
ఆ తర్వాత ఒక సన్నగా తరిగిన ఉల్లిపాయ వేసి వేగించండి. అందులో ఒక టేబుల్ స్పూన్ అల్లం, వెల్లుల్లి పేస్ట్ వేసి పచ్చి వాసన పోయే వరకు వేయించుకోవాలి.
అనంతరం ఒక స్పూన్ ధనియాల పొడి, కొంచెం పసుపు, ఒకటిన్నర స్పూన్ కారం, అర టేబుల్ స్పూన్ గరం మసాలా వేసి 2 నిమిషాలు బాగా కలపాలి.
అందులోనే అరకప్పు పెరుగు బాగా కలిపి.. 2 నిమిషాలు ఉడకనివ్వాలి.
తర్వాత ఉడకబెట్టిన 2 బంగాళదుంపలను వేసి అందులో కలపాలి.
ఈ కూరలో కావల్సినంత నీళ్లు పోసి రుచికి సరిపడా ఉప్పు వేసి 5 నిమిషాలు బాగా మరిగించి పైన కొంచెం కొత్తిమీర చల్లితే.. ఎంతో రుచికరమైన పొటాటో గ్రేవీ రెడీ