శరీరానికి ఎంతో శక్తినిచ్చే సేమ్యా పాయసం..

పిల్లలకు క్రమం తప్పకుండా రాగి సేమ్యా పాయసాన్ని ఇవ్వడం వల్ల మంచి శక్తిని పొందుతారు.

ఈ రాగి సేమ్యా పాయసంలో ఉండే పోషకాలు శరీరానికి బోలెడు లాభాలను అందిస్తాయి.

ముఖ్యంగా ఇందులో ఉండే మూలకాలు జీర్ణక్రియను ఆరోగ్యం ఉంచుతాయి.

అయితే మీరు కూడా ఇంట్లోనే రాగి సేమ్యా పాయసంను ట్రై చేయాలనుకుంటున్నారా? ఇప్పుడే ఇలా తయారు చేసుకోండి.

రాగి సేమ్యా పాయసానికి కావాల్సిన పదార్థాలు: రాగి సేమియా - 1 కప్పు, పాలు - 2 కప్పులు, చక్కెర - 1/2 కప్పు, కొబ్బరి పొడి - 2 టేబుల్ స్పూన్లు

కావాల్సిన పదార్థాలు: నెయ్యి - 2 టేబుల్ స్పూన్లు, జీడిపప్పు - 1/4 కప్పు, ఎండుద్రాక్ష - 1/4 కప్పు, యాలకుల పొడి - 1/2 టీస్పూన్

తయారీ విధానం: ముందుగా ఈ రాగి సేమ్యా పాయసాన్ని రెడీ చేసుకోవడానికి ఓ పెద్ద బౌల్‌ తీసుకోవాల్సి ఉంటుంది.

ఆ బౌల్‌లో నెయ్యి వేడి చేసి జీడిపప్పు, ఎండుద్రాక్షను వేయించి పక్కన పెట్టుకోండి.

అదే పాత్రలో రాగి సేమియా వేసి బంగారు గోధుమ రంగు వచ్చేవరకు వేయించాలి.

ఆ తర్వాత అందులోనే పాలు పోసి, చక్కెర కలిపి బాగా ఉడకబెట్టాలి.

ఇలా అన్ని వేసుకున్న పాయసం చిక్కబడే వరకు ఉడికించాలి.

అందులోనే యాలకుల పొడి, కొబ్బరి పొడి, వేయించిన జీడిపప్పు, ఎండుద్రాక్ష వేసి బాగా కలపాలి.

కావాలనుకుంటే ఇందులో ఫ్రూట్స్‌ను కలుపుకుని తినొచ్చు. ఇలా క్రమం తప్పకుండా తింటే మంచి ఫలితాలు పొందుతారు.