మందార జుట్టు పెరుగుదలలో చాలా ప్రభావవంతంగా పనిచేస్తుంది. జుట్టు మీద చాలా మంచి ప్రభావాన్ని చూపే అనేక సహజమైన అంశాలు ఉన్నాయి వాటిలో ఒకటి మందార పువ్వు.
మందార పువ్వు వల్ల జుట్టుకు ఒక్కటే కాదు అనేక ప్రయోజనాలు లభిస్తాయి. మందార పువ్వులలో యాంటీ-ఆక్సిడెంట్లు, అమినో యాసిడ్లు మరియు ఫ్లేవనాయిడ్లు ఉంటాయి, ఇవి సూర్యుని హానికరమైన కిరణాల నుండి జుట్టును రక్షిస్తాయి.
ఈ పువ్వులను సరిగ్గా ఉపయోగించినట్లయితే, ఇది జుట్టు పెరుగుదలకు సహాయపడుతుంది మరియు జుట్టు రాలడాన్ని తగ్గిస్తుంది. మందార నూనెను ఇంట్లో ఎలా తయారు చేసుకోవచ్చో ఇక్కడ తెలుసుకోండి.
జుట్టు పొడవుగా, ఒత్తుగా మరియు బలంగా చేయడానికి, ఈ మందార నూనెను సిద్ధం చేయండి. ముందుగా కొన్ని మందార పువ్వులు, ఆకులను తీసుకుని బాగా కడగాలి. పాన్ ని మంట మీద ఉంచి అందులో కొబ్బరి నూనె వేయాలి. ఇప్పుడు దానికి మందార ఆకులు, పువ్వులు వేసి ఉడికించాలి.
నూనె రంగు మారడం ప్రారంభించినప్పుడు, మంటను ఆపివేయండి. ఈ నూనెను 6 నుండి 7 గంటల పాటు అలాగే ఉంచి, ఆపై దానిని వడపోసి ఒక సీసాలో నింపండి. మీ మందార నూనె సిద్ధం అవుతుంది. ఈ నూనెను రెగ్యులర్ గా ఉపయోగించడం వల్ల జుట్టు రాలే సమస్య తొలగిపోతుంది.
పొడవాటి జుట్టు పెరగడానికి సహాయపడుతుంది. గంట నుండి గంటన్నర వరకు తలపై ఉంచిన తర్వాత, తలను కడగాలి లేదా రాత్రంతా ఉంచిన తర్వాత, మరుసటి రోజు కడగాలి.
మందార ఆకుల్ని హెయిర్ మాస్క్‌గా కూడా జుట్టు మీద అప్లై చేయవచ్చు. దీని కోసం మందార ఆకులను మెత్తగా రుబ్బి పేస్ట్ లా చేసుకోవాలి. ఈ పేస్ట్‌ను జుట్టుకు పట్టించి అరగంట సేపు ఉంచి తర్వాత కడిగేయాలి.
ఒక గిన్నెలో కొబ్బరినూనె లేదా ఆలివ్ నూనె తీసుకుని అందులో మందార పువ్వుల పొడిని వేయాలి. ఈ మిశ్రమాన్ని తలకు పట్టించి అరగంట పాటు ఉంచుకోవచ్చు. ఆ తరువాత, మీ తలను కడగాలి
మందార పువ్వులను నీటిలో వేసి మరిగించి ఈ నీటిని చల్లార్చాలి. ఈ నీటిని ఫిల్టర్ చేసి స్ప్రే బాటిల్‌లో నింపండి. ఈ నీటిని తలపై తల నుండి జుట్టు చివర్ల వరకు చిలకరించాలి. జుట్టు పెరుగుదలలో సహాయపడుతుంది.
మందార పూలతో పాటు మెంతి గింజలు, కరివేపాకు వేసి నూనె కూడా తయారు చేసుకోవచ్చు. వీటిని కొబ్బరినూనెలో కలిపి ఉడికించి తలకు పట్టిస్తే ఈ నూనె ప్రభావం మరింత పెరుగుతుంది.