జీవ జాతుల్లో రక్తాన్ని పీల్చే జంతువులు కొన్ని ఉన్నాయి. అవి రక్తాన్ని మాత్రమే ఆహారంగా తీసుకుంటాయి.
దోమలు రక్తం తాగే జీవుల్లో ఒకటి. ఆడ దోమలు గుడ్లు ఉత్పత్తి చేయడానికి రక్తాన్ని తింటాయి. దోమలు కాటువేసి రక్తాన్ని తాగుతాయి. అయితే దోమకాటుతో మలేరియా, డెంగ్యూ వంటి జ్వరాలు వ్యాపిస్తాయి.
చేపల్లో లాంప్రే ఒకటి. వీటిని దవడలు లేని చేపలు అంటారు. ఇవి రక్తం పీల్చడంతోపాటు మాంసం కూడా తింటాయి.
క్షీరదాల రకానికి చెందిన ఈగలు రక్తాన్ని తినే పరాన్నజీవి కీటకాలు. ఈగలు వాలితే చికాకు, దురద, రక్తహీనత సమస్యలు కలుగుతాయి.
పిచ్చుక జాతికి చెందిన వాంపైర్ ఫించ్ అనే పక్షి రక్తాన్ని తాగేస్తుంది. గాలాపాగోస్ దీవులలో ఈ పక్షి కనుగొన్నారు. రక్తాన్ని తాగడం కోసం తన పదునైన ముక్కు ద్వారా పొడిచి పొడిచి రక్తాన్ని తాగుతుంది.
గబ్బిల్లాల్లో పిశాచ గబ్బిలం ఒక రకం. ఇది తన పదునైన దంతాలను ఉపయోగించి చర్మం ఒలిచి రక్తం సేవిస్తుంది. ఇవి దక్షిణ అమెరికా, మధ్య అమెరికాలో ఉంటాయి.
ఇది చేప జాతికి చెందిన కాండిర్‌ నీటిలో ఉంటుంది. ఇది రక్త పిశాచం. చిన్నగా తెల్ల రంగులో ఉండే కాండిర్‌ ఒంటిపై ఉన్న రక్తాన్ని పీల్చేస్తుంది. అమెజాన్, ఒరినోకో నదుల్లో కాండిర్‌ను చూడవచ్చు.