SRH vs MI: ముంబై వర్సెస్ సన్ రైజర్స్ మ్యాచ్ లో ఎన్ని రికార్డులు బద్దలయ్యాయో తెలుసా?

అత్యధిక సిక్సర్లు: ముంబై ఇండియన్స్ వర్సెస్ సన్‌రైజర్స్ హైదరాబాద్ మ్యాచ్‌లో 38 సిక్సర్లు నమోదయ్యాయి. టీ20 క్రికెట్‌లో ఇది సరికొత్త రికార్డు. అంతకుముందు ఆఫ్ఘనిస్తాన్ ప్రీమియర్ లీగ్‌లో బాల్ఖ్ లెజెండ్స్ వర్సెస్ కాబుల్ జవానాన్ మ్యాచ్‌లో 37 సిక్సర్లు నమోదయ్యాయి

టీ20 మ్యాచ్‌లో ఇరు జట్లు కలిసిన స్కోరు 523. ఇది ఐపీఎల్ మరియు టి20 క్రికెట్‌లో అతిపెద్ద రికార్డు.

ఒక ఇన్నింగ్స్‌లో అత్యధిక సిక్సర్లు: నిన్న జరిగిన మ్యాచ్ లో ముంబై ఇండియన్స్ (MI) 20 సిక్సర్లు కొట్టి రెండో స్థానంలో నిలిచింది. తొలి స్థానంలో ఆర్సీబీ(21 సిక్సర్లు) ఉంది.

రెండో ఇన్నింగ్స్‌లో అత్యధిక స్కోరు: ఐపీఎల్‌లో రెండో ఇన్నింగ్స్‌లో అతిపెద్ద టీమ్ స్కోర్(246) చేసిన జట్టుగా ముంబై టీమ్ నిలిచింది. గతంలో ఆ రికార్డు రాజస్థాన్ రాయల్స్ పేరిట(226) ఉండేది.

ముంబై ఇండియన్స్ టాప్-6 బ్యాటర్లు 20 పరుగులు చేశారు. ఇలా జరగడం ఐపీఎల్ హిస్టరీలో ఇదే తొలిసారి.

ముంబై వర్సెస్ హైదరాబాద్ మ్యాచ్‌లో 69 ఫోర్లు, సిక్సర్లు నమోదయ్యాయి. అంతకుముందు, CSK vs RR మ్యాచ్ (IPL 2010)లో కూడా ఇన్నే బౌండరీలు వచ్చాయి.

చెత్త రికార్డు: ఈ మ్యాచ్‌లో ముంబైకి చెందిన క్వేనా మఫాకా 4 ఓవర్లలో 66 పరుగులు ఇచ్చాడు. ఐపీఎల్ అరంగేట్రంలో ఏ బౌలర్ కూడా ఇంత చెత్త బౌలింగ్ చేయలేదు.