Bigg Boss ଫେମ୍ ଓ ଟିଭି ଅଭିନେତା ସିଦ୍ଧାର୍ଥ ଶୁକ୍ଲାଙ୍କ ହୃଦଘାତରେ ନିଧନ

ନୂଆଦିଲ୍ଲୀ: ବଲିଉଡ ଜଗତରୁ ବହୁତ ଦୁଃଖଦ ଖବର ସାମ୍ନାକୁ ଆସିଛି । ଜଣାଶୁଣା ଟିଭି ଅଭିନେତା ସିଦ୍ଧାର୍ଥ ଶୁକ୍ଲା (Siddharth Shukla) ଙ୍କ ଦେହାନ୍ତ ହୋଇଛି । ୪୦ ବର୍ଷ ବୟସରେ ସିଦ୍ଧାର୍ଥ ଶୁକ୍ଲା ଶେଷ ନିଶ୍ୱାସ ତ୍ୟାଗ କରିଛନ୍ତି । ଏପର୍ଯ୍ୟନ୍ତ ମିଳିଥିବା ସୂଚନା ଅନୁଯାୟୀ, ହୃଦଘାତ ଯୋଗୁଁ ତାଙ୍କର ମୃତ୍ୟୁ ହୋଇଛି । ହୃଦଘାତ (heart attack) ପରେ ତାଙ୍କୁ ଆଜି ମୁମ୍ବାଇର କୁପର ହସ୍ପିଟାଲକୁ ଅଣାଯାଇଥିଲା, ଯେଉଁଠାରେ ତାଙ୍କର ମୃତ୍ୟୁ ଘଟିଛି ।

ସିଦ୍ଧାର୍ଥ ଶୁକ୍ଲାଙ୍କୁ ଟିଭି ସିରିଏଲ 'ବାଳିକା ବଧୁ' ରୁ ଲୋକପ୍ରିୟତା ମିଳିଥିଲା । ଏହା ପରେ ସେ ଆଉ ପଛକୁ ଚାହିଁ ଦେଖିନାହିଁ । ସେ ସିରିଏଲ 'ଦିଲ ସେ ଦିଲ ତକ୍'ରେ ମଧ୍ୟ ନଜର ଆସିଥିଲେ । ସେ ହମ୍ପ୍ଟି ଶର୍ମା କି ଦୁଲହାନିଆ (Humpty Sharma Ki Dulhania) ଚଳଚ୍ଚିତ୍ରରୁ ବଲିଉଡରେ ଡେବ୍ୟୁ କରିଥିଲେ ।

ବିଗ୍ ବସ୍ ୧୩ (Bigg Boss 13) ରେ ତାଙ୍କୁ ବହୁତ ଖ୍ୟାତି ମିଳିଥିଲା । ପଞ୍ଜାବୀ ଅଭିନେତ୍ରୀ ଶାହନାଜ ଗିଲଙ୍କ ସହ ତାଙ୍କର ଯୋଡିକୁ ବହୁତ ପସନ୍ଦ କରାଯାଉଥିଲା । ସେ ବିଗ ବସ୍ ୧୩ ଟାଇଟେଲ ଜିତିଥିଲେ । ଉଭୟଙ୍କୁ ବିଗ୍ ବସ୍ OTT ରେ ମଧ୍ୟ ଦେଖିବାକୁ ମିଳିଥିଲା ।​

ସିଦ୍ଧାର୍ଥ ଶୁକ୍ଲାଙ୍କ ପ୍ରଶଂସକ ଓ ପରିବାର ସଦସ୍ୟଙ୍କ ପାଇଁ ଏହା ଏକ ବଡ଼ ଝଟକା । ସିଦ୍ଧାର୍ଥ ସମ୍ପୂର୍ଣ୍ଣ ସୁସ୍ଥ ଥିଲେ, ତେଣୁ ତାଙ୍କର ଆକସ୍ମିକ ମୃତ୍ୟୁ ପରିବାର ଓ ତାଙ୍କ ପ୍ରିୟଜନଙ୍କୁ ଭାଙ୍ଗି ଦେଇଛି । ଡାକ୍ତରଖାନାରେ ପହଞ୍ଚିବା ପୂର୍ବରୁ ସିଦ୍ଧାର୍ଥ ଶୁକ୍ଲାଙ୍କର ମୃତ୍ୟୁ ହୋଇଥିଲା । ସୂଚନା ଅନୁଯାୟୀ, ଅଭିନେତା ସିଦ୍ଧାର୍ଥ ଶୁକ୍ଲା ରାତିରେ ଶୋଇବା ପୂର୍ବରୁ କିଛି ଔଷଧ ସେବନ କରିଥିଲେ କିନ୍ତୁ ପରେ ସେ ଉଠି ପାରିନଥିଲେ ପରେ ତାଙ୍କୁ ଡାକ୍ତରଖାନା ନିଆଯାଇଥିଲା ।

୧୨ ଡିସେମ୍ବର ୧୯୮୦ରେ ମୁମ୍ବାଇରେ ଜନ୍ମଗ୍ରହଣ କରିଥିବା ସିଦ୍ଧାର୍ଥ ଶୁକ୍ଲା ତାଙ୍କ କ୍ୟାରିଅରର ପ୍ରାରମ୍ଭରେ ମଡେଲିଂ କରିଥିଲେ । ୨୦୦୪ ମସିହାରେ ସେ ଡେବ୍ୟୁ କରିଥିଲେ । ୨୦୦୮ ମସିହାରେ ସେ 'ବାବୁଲ କା ଆଙ୍ଗନ ଛୁଟେ ନା' ନାମକ ଏକ ଟିଭି ସିରିଏଲରେ ଅଭିନୟ କରିଥିଲେ । ସେ ବାଳିକା ବଧୁରେ ଶିବଙ୍କ ଚରିତ୍ରରୁ ପ୍ରସିଦ୍ଧ ଲାଭ କରିଥିଲେ । ଏହି ଶୋ’ରେ ଲୋକପ୍ରିୟ ହୋଇଥିବା ସିଦ୍ଧାର୍ଥ ଶୁକ୍ଲା ପରେ ଅନେକ ରିଆଲିଟି ସୋରେ ଭାଗ ନେଇଥିଲେ । ସେ 'ଖତରୋ କେ ଖିଲାଡି' ଓ 'ଝଲକ ଦିଖଲାଜା' ଭଳି ଶୋ’ର ସିଦ୍ଧାର୍ଥ ବିଜେତା ହୋଇଥିଲେ ।

ନିକଟ ଅତୀତରେ ସିଦ୍ଧାର୍ଥଙ୍କୁ 'ବ୍ରୋକେନ ବଟ ବ୍ୟୁଟି 3' ନାମକ ଏକ ୱେବ୍ ସିରିଜରେ ଦେଖିବାକୁ ମିଳିଥିଲା ​​। ଲୋକମାନେ ଏହି ସିରିଜ୍କୁ ବହୁତ ପସନ୍ଦ କରିଥିଲେ । ସିଦ୍ଧାର୍ଥ ଶୁକ୍ଲାଙ୍କୁ ଶେଷ ଥର ପାଇଁ ଶାହନାଜ ଗିଲଙ୍କ ସହ 'ଡ୍ୟାନ୍ସ ଦିୱାନ'ରେ ଦେଖିବାକୁ ମିଳିଥିଲା । ସିଦ୍ଧାର୍ଥଙ୍କ ହଠାତ୍ ଦେହାନ୍ତ ହେତୁ ଲୋକଙ୍କୁ ଏକ ବଡ଼ ଝଟକା ଲାଗିଛି ।