ଟିମ୍ ଇଣ୍ଡିଆରୁ ବିଦା ହେଲେ ଏହି ୫ ଖେଳାଳି, ଦକ୍ଷିଣ ଆଫ୍ରିକାରେ ଖରାପ ପ୍ରଦର୍ଶନ ପାଇଁ ମିଳିଲା 'ଦଣ୍ଡ'

ନୂଆଦିଲ୍ଲୀ: Team India Squad: ୱେଷ୍ଟଇଣ୍ଡିଜ୍ ବିପକ୍ଷ ତିନି ମ୍ୟାଚ୍ ବିଶିଷ୍ଟ ଏକ ଦିବସୀୟ ସିରିଜ୍ (West Indies ODI Series) ପାଇଁ ବିସିସିଆଇ (BCCI) ଭାରତୀୟ ଦଳ (Indian Team) ଘୋଷଣା କରିଛି । ୧୮ ସଦସ୍ୟ ବିଶିଷ୍ଟ ଦଳରେ ୮ ବ୍ୟାଟ୍ସମ୍ୟାନ୍, ୪ ସ୍ପିନର, ୫ ଦ୍ରୁତ ବୋଲର ଏବଂ ଜଣେ ୱିକେଟ୍ କିପର ସ୍ଥାନ ପାଇଛନ୍ତି । ରୋହିତ ଶର୍ମା (Rohit Sharma) ଦଳର ନେତୃତ୍ୱ  କରୁଥିବାବେଳେ କେଏଲ ରାହୁଲ (KL Rahul) ଉପ ଅଧିନାୟକ ଅଛନ୍ତି । ଏହି ଦଳରେ ୫ ଖେଳାଳିଙ୍କୁ ସ୍ଥାନ ମିଳି ନାହିଁ ଯେଉଁମାନେ ଦକ୍ଷିଣ ଆଫ୍ରିକା ବିପକ୍ଷ ଏକ ଦିବସୀୟ ସିରିଜର ଅଂଶ ଥିଲେ ।

ଅଲରାଉଣ୍ଡର ଭେଙ୍କଟେଶ ଆୟର (Venkatesh Iyer), ଜୟନ୍ତ ଯାଦବ (Jayant Yadav), ଆର ଅଶ୍ୱିନ (R Ashwin), ଦ୍ରୁତ ବୋଲର ଭୁବନେଶ୍ୱର କୁମାର (Bhuvneshwar Kumar) ଏବଂ ଇଶାନ କିଶନ (Ishan Kishan) ଙ୍କୁ ଦଳରୁ ବିଦା କରାଯାଇଛି । ଭାରତୀୟ ଦଳ (Team India) କୁ ଏକ ଦିବସୀୟ ସିରିଜରେ ୦-୩ ପରାଜୟର ସମ୍ମୁଖୀନ ହେବାକୁ ପଡିଥିଲା, ଏହା ପରେ କିଛି ଖେଳାଳିଙ୍କ ପତା କଟିବ ବୋଲି ପୂର୍ବରୁ ଅନୁମାନ କରାଯାଉଥିଲା । 

ଦଳରୁ ଭୁବନେଶ୍ୱର ଓ ଅଶ୍ୱିନଙ୍କୁ ବାଦ ଦେବା ନିଶ୍ଚିତ ବୋଲି ମନେ କରାଯାଉଥିଲା, କିନ୍ତୁ ଭେଙ୍କଟେଶ ଆୟର ଓ ଇଶାନ କିଶନଙ୍କ ବିଦା କରିବା ଏକ ଆଶ୍ଚର୍ଯ୍ୟଜନକ ନିଷ୍ପତ୍ତି । ODI ସିରିଜରେ ଇଶାନଙ୍କୁ ସୁଯୋଗ ମିଳିନଥିଲା । ଏଥି ସହିତ ଭେଙ୍କଟେଶଙ୍କୁ ଅଲରାଉଣ୍ଡର ଭାବରେ ଦଳରେ ସାମିଲ କରାଯାଇଥିଲା, କିନ୍ତୁ ତାଙ୍କୁ ବୋଲିଂ କରିବାକୁ ପର୍ଯ୍ୟାପ୍ତ ସୁଯୋଗ ମିଳିନଥିଲା । ଯଦିଓ ସେ ଦୁଇଟି ମ୍ୟାଚ୍‌ରେ ବ୍ୟାଟିଂ କରିବାକୁ ବାହାରିଥିଲେ, କିନ୍ତୁ ଏହାର ପ୍ରଭାବ ପକାଇ ପାରିନଥିଲେ ।

ଭେଙ୍କଟେଶ ଆୟର ପ୍ରଥମ ODIରେ ବୋଲିଂ କରିନଥିଲେ । ବ୍ୟାଟିଂ ବିଷୟରେ କହିବାକୁ ଗଲେ ସେ ୭ଟି ବଲରେ ୨ ରନ୍ ସଂଗ୍ରହ କରିଥିଲେ । ଦ୍ୱିତୀୟ ODI ରେ ସେ ୩୩ଟି ବଲରେ ୨୨ ରନ୍ ସଂଗ୍ରହ କରିଥିଲେ । ଏଥିସହିତ ସେ କୌଣସି ୱିକେଟ୍ ନ ନେଇ ୫ ଓଭରରେ ୨୮ ରନ୍ ଦେଇଥିଲେ । ଏଥି ସହିତ ତୃତୀୟ ODI ରେ ତାଙ୍କୁ ଅନ୍ତିମ ଏକାଦଶରେ ସାମିଲ କରାଯାଇ ନଥିଲା ।

ଏହି ସିରିଜରେ ଟିମ୍ ଇଣ୍ଡିଆର ସବୁଠାରୁ ଅଭିଜ୍ଞ ବୋଲର ଆର ଅଶ୍ୱିନ୍ ମଧ୍ୟ ପ୍ରଭାବହୀନ ଥିଲେ । ପ୍ରଥମ ମ୍ୟାଚରେ ସେ ୧୦ ଓଭରରେ ୫୩ ରନ୍ ଦେଇ ୧ ୱିକେଟ୍ ନେଇଥିଲେ, ଦ୍ୱିତୀୟ ODI ରେ ସେ ୧୦ ଓଭର ବୋଲିଂ କରି ୬୮ ରନ୍ ଦେଇଥିଲେ । ସେ ଏହି ମ୍ୟାଚରେ ଗୋଟିଏ ୱିକେଟ୍ ନେଇପାରିନଥିଲେ । ତୃତୀୟ ODI ରେ ଜୟନ୍ତ ଯାଦବ ଅଶ୍ୱିନଙ୍କ ସ୍ଥାନରେ ସୁଯୋଗ ପାଇଥିଲେ । ଜୟନ୍ତ ୧୦ ଓଭରରେ ୫୩ ରନ୍ ଦେଇଥିଲେ ଓ ଗୋଟିଏ ୱିକେଟ୍ ମଧ୍ୟ ପାଇନଥିଲେ । ସେ ବ୍ୟାଟ୍ସମ୍ୟାନଙ୍କ ଭାବେ ବିଫଳ ହୋଇ ୨ ରନ୍ ସ୍କୋର କରିବା ପରେ ପାଭିଲିୟନକୁ ଫେରିଥିଲେ ।

ଏହା ବି ପଢ଼ନ୍ତୁ:-ସର୍ଭେ: ଉତ୍ତରାଖଣ୍ଡରେ ବିଜେପିକୁ ଲାଗିବ ଝଟକା! ଜାଣନ୍ତୁ କେଉଁ ଦଳ ଗଢ଼ିବାକୁ ଯାଉଛି ସରକାର

ଏହା ବି ପଢ଼ନ୍ତୁ:-ଭାଙ୍ଗି ଯିବ କି ସୋରେନ ସରକାର? ଝାଡ଼ଖଣ୍ଡରେ ସରକାର ଗଠନ ପାଇଁ ବିଜେପିକୁ ଆବଶ୍ୟକ କେବଳ ଏତିକି ବିଧାୟକ

ଏହା ବି ପଢ଼ନ୍ତୁ:-ପୁରୁଷମାନେ କିସମିସ୍ ସହିତ ଏହି ଜିନିଷଟି କରନ୍ତୁ ସେବନ, ମିଳିଥାଏ ଏହି ୫ଟି ଜବରଦସ୍ତ ଲାଭ

ଅଶ୍ୱିନଙ୍କ ଏହି ପ୍ରଦର୍ଶନ ଟିମ୍ ଇଣ୍ଡିଆ ଉପରେ ପ୍ରଭାବ ପକାଇଥିଲା । ପାର୍ଲର ପିଚର ଉପରେ ଯେଉଁଠାରେ ଦକ୍ଷିଣ ଆଫ୍ରିକାର ସ୍ପିନରମାନେ ଟିମ୍ ଇଣ୍ଡିଆର ବ୍ୟାଟ୍ସମ୍ୟାନମାନଙ୍କୁ ବାନ୍ଧି ରଖିଥିଲେ ଓ ମିଡିଲ୍ ଓଭରରେ ୱିକେଟ୍ ମଧ୍ୟ ନେଉଥିଲେ, ଅନ୍ୟପଟେ ଅଶ୍ୱିନ୍ ନା ରନକୁ ବନ୍ଦ କରିଥିଲେ ନା ୱିକେଟ୍ ନେବାରେ ସକ୍ଷମ ହୋଇପାରିଥିଲେ ।

ସେହିପରି ଭୁବନେଶ୍ୱର ଏହି ଟୁର୍ ୨ଟି ମ୍ୟାଚ୍ ଖେଳିବାର ସୁଯୋଗ ପାଇଥିଲେ, ଯେଉଁଥିରେ ସେ ଫ୍ଲପ୍ ଥିଲେ । ପ୍ରଥମ ଦୁଇଟି ODI ରେ ଖରାପ ପ୍ରଦର୍ଶନ ପରେ ତାଙ୍କୁ ତୃତୀୟ ମ୍ୟାଚରେ ବାହାର ରଖାଯାଇଥିଲା । ଭୁବନେଶ୍ୱର ଏକଦା ଟିମ୍ ଇଣ୍ଡିଆର ମୁଖ୍ୟ ବୋଲର ଥିଲେ । ପ୍ରାରମ୍ଭିକ ସଫଳତା ପାଇଁ ଦଳ ତାଙ୍କ ଉପରେ ନିର୍ଭର କରୁଥିଲା, କିନ୍ତୁ ଗତ କିଛି ମ୍ୟାଚରୁ ତାଙ୍କ ବୋଲରୁ ସେହି ଧାର ଆଉ ଦେଖିବାକୁ ମିଳୁ ନାହିଁ ।

ଭୂବନେଶ୍ୱର ସିରିଜର ପ୍ରଥମ ମ୍ୟାଚରେ ୧୦ ଓଭରରେ ୬୪ ରନ୍ ଦେଇଥିଲେ । ତାଙ୍କ ଖାତାରେ ଗୋଟିଏ ବି ୱିକେଟ୍ ଆସି ନଥିଲା । ଏଥିସହ ଦ୍ୱିତୀୟ ଦିନିକିଆରେ ସେ ୮ ଓଭର ବୋଲିଂ କରି ୬୭ ରନ ଦେଇଥିଲେ । ଭୁବନେଶ୍ୱରକୁ ସମଗ୍ର ସିରିଜରେ ୱିକେଟ୍ ମିଳି ନଥିଲା ।

ସୂଚନାଯୋଗ୍ୟ, ୱେଷ୍ଟଇଣ୍ଡିଜ୍ ବିପକ୍ଷ ସିରିଜ୍ ପାଇଁ ଦଳ କିଛି ଏପରି ରହିଛି, ରୋହିତ ଶର୍ମା (ଅଧିନାୟକ), କେ.ଏଲ୍ ରାହୁଲ (ଉପ-ଅଧିନାୟକ), ଋତୁରାଜ ଗାଇକୱାଡ, ଶିଖର ଧୱନ, ବିରାଟ କୋହଲି, ସୂର୍ଯ୍ୟ କୁମାର ଯାଦବ, ଶ୍ରେୟସ୍ ଆୟର, ଦୀପକ ହୁଡ୍ଡା, ଋଷଭ ପନ୍ତ (ୱିକେଟକିପର), ଦୀପକ ଚହର, ଶାର୍ଦ୍ଦୁଲ ଠାକୁର, କୁଲଦୀପ ଯାଦବ , ୱାଶିଂଟନ୍ ସୁନ୍ଦର, ରବି ବିଷ୍ଣୁ, ମହମ୍ମଦ ସିରାଜ, ପ୍ରସିଦ୍ଧ କୃଷ୍ଣା, ଆବେଶ ଖାନ ।