ଭାଙ୍ଗି ଯିବ କି ସୋରେନ ସରକାର? ଝାଡ଼ଖଣ୍ଡରେ ସରକାର ଗଠନ ପାଇଁ ବିଜେପିକୁ ଆବଶ୍ୟକ କେବଳ ଏତିକି ବିଧାୟକ

ରାଞ୍ଚି: ଝାଡ଼ଖଣ୍ଡ କଂଗ୍ରେସ ପ୍ରଭାରୀ (Jharkhand Congress state in-charge) ଆରପିଏନ ସିଂ (RPN Singh) ଗତକାଲି (ମଙ୍ଗଳବାର) ବିଜେପି (BJP) ରେ ଯୋଗ ଦେଇଛନ୍ତି । ଏହାକୁ ନେଇ ଝାଡ଼ଖଣ୍ଡର ରାଜନୀତି ହଠାତ୍ ସରଗରମ ହୋଇଉଠିଛି । ରାଜ୍ୟର କଂଗ୍ରେସ ବିଧାୟକ (Congress MLA) ଙ୍କ ଉପରେ ଆରପିଏନ୍ ସିଂଙ୍କ ଦବଦବା ରହିଛି ବୋଲି ମନେ କରାଯାଇଥାଏ । ଏଠାରେ କଂଗ୍ରେସ ବିଧାୟକମାନେ ତାଙ୍କୁ ପଚାରି ପ୍ରତ୍ୟେକ ପଦକ୍ଷେପ ନେଉଥିଲେ । ଏଭଳି ପରିସ୍ଥିତିରେ ଝାଡ଼ଖଣ୍ଡ ସରକାର (Jharkhand Government) କୁ ନେଇ ଅନେକ ପ୍ରକାରର ଆଶଙ୍କା ବଢ଼ି ଚାଲିଛି ।

ସୂଚନାଯୋଗ୍ୟ, ଝାଡ଼ଖଣ୍ଡରେ ସରକାର ଅସ୍ଥିର ହେବାର ଦୀର୍ଘ ଇତିହାସ ରହିଛି । ରଘୁବର ଦାସଙ୍କ ନେତୃତ୍ୱରେ ଗଠିତ ବିଜେପି ସରକାର କେବଳ ପାଞ୍ଚ ବର୍ଷ ଧରି ଚାଲିଥିଲା । ଏହା ପୂର୍ବରୁ ଗଠିତ ସମସ୍ତ ସରକାର ସେମାନଙ୍କର କାର୍ଯ୍ୟକାଳ ପାଞ୍ଚ ବର୍ଷ ପୂରଣ କରିପାରିନଥିଲେ । କେବଳ ଏତିକି ନୁହେଁ, ଏଠାରେ ଜଣେ ସ୍ୱାଧୀନ ବିଧାୟକ ଥିବା ମଧୁକୋଡା ମଧ୍ୟ ମୁଖ୍ୟମନ୍ତ୍ରୀ ହେବାର ଇତିହାସ ରହିଛି ।

ଜେଏମଏମ ନେତୃତ୍ୱାଧୀନ ହେମନ୍ତ ସୋରେନ ସରକାର (Hemant Soren Government) ରେ କଂଗ୍ରେସ ବିଧାୟକମାନେ ଅନେକ ଥର ସେମାନଙ୍କ ବିରୋଧ ବ୍ୟକ୍ତ କରିଛନ୍ତି, କିନ୍ତୁ ପ୍ରତ୍ୟେକ ଥର ଆରପିଏନ ସିଂ ଏହି ମାମଲା ସମ୍ଭାଳି ନେଉଥିଲେ । ଏବେ ସେ ବିଜେପି (BJP) କୁ ଯିବା କାରଣରୁ ଜେଏମଏମ ସରକାର (JMM Government) ଉପରେ ସଙ୍କଟ ଆସିପାରେ । 

ଏଠାରେ କହି ରଖୁଛୁ ଯେ, କଂଗ୍ରେସର ଓବିସି ବିଧାୟକମାନେ ଝାଡ଼ଖଣ୍ଡ ମୁକ୍ତି ମୋର୍ଚ୍ଚା (JMM) ର ରାଜନୈତିକ ନିଷ୍ପତ୍ତି ଉପରେ ଅନେକ ଥର ଅସନ୍ତୋଷ ବ୍ୟକ୍ତ କରିସାରିଛନ୍ତି । ରାଜ୍ୟର ସମସ୍ତ ଜିଲ୍ଲାରେ କୋଡ଼ିଏ ସୂତ୍ରୀୟ ସମିତି ଗଠନ ହେବାକୁ ଥିବାବେଳେ କଂଗ୍ରେସ ବିଧାୟକଙ୍କ ଅସନ୍ତୋଷ ପ୍ରସଙ୍ଗ ମଧ୍ୟ ସାମ୍ନାକୁ ଆସିଥିଲା । ବହୁ ଆଲୋଚନା ପରେ ଜେଏମଏମ ଓ କଂଗ୍ରେସ ମଧ୍ୟରେ ବିବାଦ ଶେଷ ହୋଇଥିଲା ।

ଝାରଖଣ୍ଡର ସ୍ଥାନୀୟ ଭାଷାର ତାଲିକାରେ ଭୋଜପୁର, ମୈଥିଲୀ, ଅଙ୍ଗିକା ଏବଂ ମଗହୀକୁ ସ୍ଥାନ ଦେବା କିମ୍ୱା ନ ଦେବା ପ୍ରସଙ୍ଗକୁ ନେଇ କଂଗ୍ରେସ ଓ ଜେଏମଏମ ମଧ୍ୟରେ ବିବାଦ ସାମ୍ନାକୁ ଆସିଥିଲା । କଂଗ୍ରେସର ଚାପରେ ହେମନ୍ତ ସୋରେନ ସରକାର ଏହି ଭାଷାଗୁଡ଼ିକୁ ସ୍ଥାନୀୟ ଭାଷା ତାଲିକାରେ ସାମିଲ କରିଛନ୍ତି । ବର୍ତ୍ତମାନ ଏହି ପ୍ରସଙ୍ଗରେ ଜେଏମଏମରେ ବିରୋଧ ଚାଲିଛି ।

ଯଦି ଆମେ ଝାଡ଼ଖଣ୍ଡ ସରକାରଙ୍କ ସାମ୍ପ୍ରତିକ ପରିସ୍ଥିତିକୁ ଦେଖିବା ତ ବର୍ତ୍ତମାନ ବିଧାନସଭାରେ ୧୬ ଜଣ କଂଗ୍ରେସ ବିଧାୟକ ଅଛନ୍ତି, ବାଚସ୍ପତିଙ୍କ ହାତରେ JVM ର ଦୁଇଜଣ ବିଧାୟକଙ୍କ ମିଶ୍ରଣ ପ୍ରସ୍ତାବ ଉପରେ ବିଚାର ଚାଲିଛି । ତାହା ଏପର୍ଯ୍ୟନ୍ତ ସ୍ଥିର ହୋଇନାହିଁ । ଅନ୍ୟପଟେ ବିଜେପିର ୨୬ ଜଣ ବିଧାୟକ ଓ AJSU ର ଦୁଇ ଜଣ ବିଧାୟ ରହିଛି । ୩ ଜଣ ସ୍ୱାଧୀନ ବା ଛୋଟ ଦଳର ବିଧାୟକମାନେ ବିଜେପି ସମର୍ଥନରେ ଅଛନ୍ତି । ଏଭଳି ପରିସ୍ଥିତିରେ ୮୧ ସଦସ୍ୟ ବିଶିଷ୍ଟ ବିଧାନସଭାରେ ସରକାର ଗଠନ ପାଇଁ ବିଜେପିକୁ ଆଉ ୧୦ ଜଣ ବିଧାୟକଙ୍କ ଆବଶ୍ୟକତା ରହିଛି ।

ଏହା ବି ପଢ଼ନ୍ତୁ:-ପୁରୁଷମାନେ କିସମିସ୍ ସହିତ ଏହି ଜିନିଷଟି କରନ୍ତୁ ସେବନ, ମିଳିଥାଏ ଏହି ୫ଟି ଜବରଦସ୍ତ ଲାଭ

ଏହା ବି ପଢ଼ନ୍ତୁ:-ଅଖିଳେଶକୁ ମାତ୍ ଦେବା ପାଇଁ ବିଜେପିର ମାଷ୍ଟର ପ୍ଲାନ! ଜାଣନ୍ତୁ ଏହା ଉପରେ ଦଳ କିପରି କରୁଛି କାମ

ଏହା ବି ପଢ଼ନ୍ତୁ:-କାହିଁକି କଂଗ୍ରେସ ଛାଡ଼ି ବିଜେପିରେ ଯୋଗ ଦେଲେ ଆରପିଏନ ସିଂ, ନିଜେ କହିଲେ ଏହାର ପ୍ରକୃତ କାରଣ

ଏଠାରେ ଉଲ୍ଲେଖଯୋଗ୍ୟ ଯେ, ହେମନ୍ତ ସୋରେନଙ୍କ ସରକାର ଅଧିକ ଦିନ ଚାଲିବ ନାହିଁ ବୋଲି ବିଜେପିର ଅନେକ ବଡ଼ ନେତା ଦାବି କରିଛନ୍ତି । ଏହି ସରକାର ଯେକୌଣସି ସମୟରେ ଭାଙ୍ଗିପାରେ । ବରିଷ୍ଠ ବିଜେପି ନେତା ତଥା ପୂର୍ବତନ ମୁଖ୍ୟମନ୍ତ୍ରୀ ରଘୁବର ଦାସ ମଧ୍ୟ ଏହି କଥା ଅନେକ ଥର କହିଛନ୍ତି ।

ଯେଉଁଭଳି ଭାବରେ ଆରପିଏନ୍ ସିଂ ଝାଡ଼ଖଣ୍ଡ କଂଗ୍ରେସର ବିଧାୟକଙ୍କ ଉପରେ ଦବଦବା ରଖିଛନ୍ତି, ସେଥିରୁ କଂଗ୍ରେସ ବିଧାୟକମାନେ ଭାଙ୍ଗି ବିଜେପିରେ ଯୋଗ ଦେଇପାରନ୍ତି ବୋଲି କଳ୍ପନା କରାଯାଉଛି । ଏହା ଝାଡ଼ଖଣ୍ଡ ସରକାରକୁ ଅସ୍ଥିର କରିପାରେ । ଏବେ ସମସ୍ତଙ୍କ ନଜର କଂଗ୍ରେସ ବିଧାୟକଙ୍କ ଉପରେ ରହିଛି ।