ଖାଇବା ଦେବାରେ ବିଳମ୍ବ କରିବାରୁ ମା'କୁ ହତ୍ୟା କଲା ପୁଅ, ଘର ଅଗଣାରେ ଜାଳିଲା ମୃତଦେହ

ରାଞ୍ଚି: ଝାରଖଣ୍ଡ (Jharkhand) ର ପଶ୍ଚିମ ସିଂହଭୂମ (West Singhbhum) ଜିଲ୍ଲାର ଜୋଜୋଗୁଟ ଗାଁରେ ଏକ ଅଭାବନୀୟ ଘଟଣା ଘଟଣା ଘଟି ଯାଇଛି । ଏଠାରେ ଜଣେ ପୁଅ ନିଜ ମା'କୁ ହତ୍ୟା କରିଛି । ମଦ୍ୟପାନ କରି ଘରେ ପହଂଚିଥିବା ପୁଅ ମା'କୁ ଖାଇବା ମାଗିଥିଲା । ଯେତେବେଳେ ଖାଇବା ଦେବାରେ ବିଳମ୍ବ ହେଲା, ସେତେବେଳେ ସେ ବାଡ଼ିରେ ବୃଦ୍ଧ ମା'ଙ୍କୁ ଆକ୍ରମଣ କରିଥିଲା । ନିଃଶ୍ୱାସ ବନ୍ଦ ନହେବା ପର୍ଯ୍ୟନ୍ତ ସେ ତାଙ୍କୁ ପିଟିବାକୁ ଲାଗିଥିଲା । ମା'କୁ ହତ୍ୟା କରିବା ପରେ ସେ ଶବକୁ ନିଆଁ ଲଗାଇ ଦେଇଥିଲା । ଯେତେବେଳେ ଗ୍ରାମବାସୀ ଏହି ଘଟଣା ବିଷୟରେ ଜାଣିବାକୁ ପାଇଲେ, ସେମାନେ ଅଭିଯୁକ୍ତକୁ ଦଉଡିରେ ବାନ୍ଧି ରଖିଥିଲେ । ସୂଚନା ମୁତାବକ ପୋଲିସ ଘଟଣାସ୍ଥଳରେ ପହଞ୍ଚିଛି । ପୋଲିସ ଏହି ମାମଲାର ତଦନ୍ତ ଆରମ୍ଭ କରିଛି ।

ଅଧିକ ପଢ଼ନ୍ତୁ:-ଚିରାଗ ପାସୱାନଙ୍କ ଏନଡିଏରୁ ମୋହ ଭଙ୍ଗ, ଏବେ ଆଉ ପିଏମ ମୋଦିଙ୍କ ପ୍ରଶଂସକ ନୁହଁନ୍ତି ସେ!

ଜୋଜୋଗୁଟ ଗ୍ରାମରେ ରହୁଥିବା ଅଭିଯୁକ୍ତ ପୁଅର ନାମ ହେଉଛି ପ୍ରଧାନ ସୋୟ । ପୋଲିସ କହିଛି ଯେ, ଶୁକ୍ରବାର ରାତିରେ ପ୍ରଧାନ ସୋୟ ସୋ ନିଶାସକ୍ତ ଅବସ୍ଥାରେ ଘରକୁ ଆସିଥିଲା । ସେ ତାଙ୍କର ୬୦ ବର୍ଷ ବୟସ୍କା ମାତା ସୁମି ସୋୟଙ୍କୁ ଖାଇବା ମାଗିଥିଲା । ମା'କୁ ଖାଇବା ଆଣିବାରେ ବିଳମ୍ବ ହୋଇଥିଲା, କେବଳ ଏତିକିରେ ପୁଅ ମୁଣ୍ଡର କ୍ରୋଧରେ ନିଆଁ ଜଳୁଥିଲା । ପରେ ସେ ମା'କୁ ବାଡ଼ିରେ ପିଟିବା ଆରମ୍ଭ କରିଦେଇଥିଲା । ଘଟଣା ସମୟରେ ତାଙ୍କ ବୋହୂ ସୋମୱାରୀ ସୋୟ ଏକ ବର୍ଷର ଶିଶୁ ସହିତ ଉପସ୍ଥିତ ଥିଲେ । ସୋମୱାରୀ ତାଙ୍କୁ ଅଟକାଇବାକୁ ଚେଷ୍ଟା କରିଥିଲେ, କିନ୍ତୁ ସେ ମଧ୍ୟ ତାଙ୍କ ଉପରେ ଆକ୍ରମଣ କରିଥିଲା ।

ଅଧିକ ପଢ଼ନ୍ତୁ:-ବିଧାନ ପରିଷଦରେ ପର୍ଣ୍ଣ ଦେଖୁଥିଲେ କଂଗ୍ରେସ MLC! ଇସ୍ତଫା ଦାବି କଲା ବିଜେପି

ସେ ନିଜ ମା'କୁ ଏତେ ମାଡ଼ ମାରିଥିଲେ ଯେ ତାଙ୍କର ମୃତ୍ୟୁ ହୋଇଯାଇଥିଲା । ଏହା ପରେ ମଧ୍ୟ ସେ ଅଟକି ନଥିଲା । ମା'ର ମୃତ୍ୟୁକୁ ଲୁଚାଇବା ପାଇଁ ସେ ଶବକୁ ଜାଳି ଦେଇଥିଲା । ଗ୍ରାମବାସୀ ଏହା ଜାଣିବା ପରେ ସେମାନେ ଅଭିଯୁକ୍ତକୁ ବାନ୍ଧି ଦେଇଥିଲେ । ସୂଚନା ମୁତାବକ ପୋଲିସ ଘଟଣାସ୍ଥଳରେ ପହଞ୍ଚିଛି । ଘଟଣା ସ୍ଥଳର ଯାଞ୍ଚ ପରେ ପୋଲିସ ଅଭିଯୁକ୍ତକୁ ଗିରଫ କରିଛି ।

ଅଧିକ ପଢ଼ନ୍ତୁ:-ରେଲୱେ ପୁଣି ଦେଲା ଗୁଡ୍ ନ୍ୟୁଜ୍!

ଏଥିସହିତ ଏହି ଘଟଣାରେ ଏକ ଗୁଜବ ଶୁଣିବାକୁ ମିଳିଛି ​​ଯେ ଅଭିଯୁକ୍ତ ତାଙ୍କ ମା'ଙ୍କ ଚିତା ଉପରେ କୁକୁଡ଼ା ରାନ୍ଧିଥିଲା, ପରେ ଏହାକୁ ଖାଇଥିଲା । ଏହି ମାମଲାରେ ଏସଡିପିଓ ମନୋହରପୁର ବିମଲେଶ କୁମାର ତ୍ରିପାଠୀ କହିଛନ୍ତି ଯେ ଏହା କେବଳ ଗୁଜବ, ସେପରି କ କୌଣସି ପ୍ରମାଣ ମିଳିନାହିଁ । ସେ କହିଛନ୍ତି ଯେ ପୋଡିଯାଇଥିବା ଶବର ଏକ ଅଂଶ ଉଦ୍ଧାର କରାଯାଇଛି । ଅଧା ଜଳା ମୃତଦେହକୁ ଶବ ବ୍ୟବଚ୍ଛେଦ ପାଇଁ ପୋଲିସ ପଠାଇଛି । ଅଭିଯୁକ୍ତକୁ ପଚରାଉଚରା କରାଯାଉଛି । ଏଥିସହ ଅଭିଯୁକ୍ତ ଉପରେ ନିଜ ପିତାକୁ ହତ୍ୟା କରିଥିବା ଅଭିଯୋଗ ରହିଛି । ଚାରି ବର୍ଷ ପୂର୍ବେ ସେ ତାଙ୍କ ପିତାଙ୍କୁ ହତ୍ୟା କରିଥିଲା । ତାଙ୍କୁ ମଧ୍ୟ ଏହି ଅଭିଯୋଗରେ ଜେଲ ଯିବାକୁ ପଡିଥିଲା । ସେ ବର୍ତ୍ତମାନ ଜାମିନରେ ବାହାରକୁ ଆସିଥିଲା ।