କୋଟି କୋଟି ଟଙ୍କାର ମାଲିକ ଧୋନି, ଜାଣନ୍ତୁ ତାଙ୍କ ଆୟ ବିଷୟରେ...

ତମାଲ ବାକଚି, ନୂଆଦିଲ୍ଲୀ: ଭାରତୀୟ କ୍ରିକେଟ୍(Indian Cricket) ଇତିହାସର ସବୁଠାରୁ ସଫଳତମ ଅଧିନାୟକ ମହେନ୍ଦ୍ର ସିଂ ଧୋନି(Mahendra Singh Dhoni) ଅନ୍ତର୍ଜାତୀୟ କ୍ରିକେଟରୁ ଅବସର ଘୋଷଣା କରିଛନ୍ତି । ଏମଏସ ଧୋନି(MS Dhoni)ଙ୍କ ଅବସର ଘୋଷଣା ପରେ ବିଭିନ୍ନ ବ୍ୟକ୍ତି ସୋସିଆଲ ମିଡିଆରେ ନିଜର ମତ ରଖୁଛନ୍ତି । କ୍ରିକେଟ୍ ମୈଦାନରେ କୌଣସି କଠିନ ପରିସ୍ଥିତିରେ ନିଜ ମସ୍ତିଷ୍କକୁ ଥଣ୍ଡା ରଖିବା ଓ ବହୁତ ଚତୁରତା ସହ ନିଷ୍ପତ୍ତି ନେଇବା ପାଇଁ ସେ ବେଶ ଜଣାଶୁଣା ଥିଲେ । ଏହା ବ୍ୟତୀତ ଆଉ ଏକ ଜିନିଷ ଅଛି ଯାହା ଧୋନିଙ୍କ ଅନ୍ଦାଜ ଅନ୍ୟ ଖେଳାଳିଙ୍କଠାରୁ ଭିନ୍ନ କରିଥାଏ । ଆୟ ମାମଲାରେ ୩୯ ବର୍ଷୀୟ ଏହି ଖେଳାଳି ଅନ୍ୟ କ୍ରିକେଟରଙ୍କଠାରୁ ଅଲଗା ପରିଚୟ ରଖିଥାଏ । 

GQ India ଅନୁଯାୟୀ, ଏମଏସ ଧୋନିଙ୍କ ସମ୍ପତ୍ତି ମୂଲ୍ୟ ପ୍ରାୟ ୭୫୦ ରୁ ୮୦୦ କୋଟି ଟଙ୍କା ହେବ । ଆସନ୍ତୁ ଜାଣିବା କ୍ରିକେଟ୍ ବ୍ୟତୀତ କ୍ୟାପଟେନ୍ କୁଲଙ୍କ ପାଖରେ ଅନ୍ୟ କେଉଁଠାରୁ ଅର୍ଥ ଆସିଥାଏ ।

ଅଧିକ ପଢ଼ନ୍ତୁ:-'ଧୋନି ଜଣେ ଭଲ ଲିଡର, ତାଙ୍କୁ ୨୦୨୪ ଲୋକସଭା ନିର୍ବାଚନ ଲଢ଼ିବା ଉଚିତ'

ସ୍ପୋର୍ଟିଂ ଟିମ: ଧୋନି ମଧ୍ୟ ସେହି ଖେଳାଳୀମାନଙ୍କ ମଧ୍ୟରୁ ଅନ୍ୟତମ, ଯେଉଁମାନେ ଅନ୍ୟ ପ୍ରକାର ସ୍ପୋର୍ଟସରେ ଅର୍ଥ ନିବେଶ କରି ରଖିଛନ୍ତି । ଏକଦା ଫୁଟବଲରେ ଗୋଲକିପର ହେବାର ସ୍ୱପ୍ନ ଦେଖୁଥିବା ଧୋନି ହେଉଛନ୍ତି ଇଣ୍ଡିଆନ ସୁପରଲିଗ୍ ଦଳ 'ଚେନ୍ନାଇଇନ୍ ଏଫ୍ସି'ର ମାଲିକ । ଏହା ବ୍ୟତୀତ ମୋଟର ଯାନର ପ୍ୟାଶନକୁ ସେ ନିଜ ବ୍ୟବସାୟରେ ସାମିଲ କରିଛନ୍ତି । ଯଦିଓ ତାଙ୍କ ପାଖରେ ବହୁତ ବଡ଼ ବାଇକ୍ ଏବଂ କାର୍ ଅଛି, କିନ୍ତୁ ଏହା ବ୍ୟତୀତ ଧୋନି ସୁପରସପୋର୍ଟ ବିଶ୍ୱ ଚାମ୍ପିଅନସିପରେ 'ମାହି ରେସିଂ ଟିମ୍ ଇଣ୍ଡିଆ'ର ମାଲିକ ଅଟନ୍ତି । ଅଭିନେତା ଆକ୍କିନେନି ନାଗାର୍ଜୁନଙ୍କ ସହ ପାର୍ଟନରଶିପରେ ସେ ଏହି ଦଳର ମାଲିକ ଅଛନ୍ତି । ତାଙ୍କର ତାଲିକା ଏଠାରେ ଶେଷ ହୁଏ ନାହିଁ । ସେ ମଧ୍ୟ ଏକ ହକି ଦଳର ମାଲିକ ଅଛନ୍ତି । ଏହି ଦଳ ହେଉଛି ରାଞ୍ଚିର ହକି କ୍ଲବ ରାଞ୍ଚି ରେଜର ।

ବ୍ରାଣ୍ଡସ: ଏମଏସ ଧୋନି ୨୦୧୬ ମସିହାରେ ପୋଷାକ ବ୍ରାଣ୍ଡ 'ସେଭେନ'ର ବ୍ରାଣ୍ଡ ଆମ୍ବାସାଡର ହେବାକୁ କୁହାଯାଇଥିଲା । ଏହା ପରେ ସେ ଏହି ବ୍ରାଣ୍ଡର ଫୁଟୱେୟର କଲେକଶନର ମାଲିକାନା ହାସଲ କରିନେଇଛନ୍ତି । ସେ ସ୍ପୋର୍ଟସଫିଟ୍ ୱାର୍ଲ୍ଡ ପ୍ରାଇଭେଟ ଲିମିଟେଡ୍ ନାମକ ଏକ ଜିମର ମାଲକି ଅଛନ୍ତି ।  ସାରା ଦେଶରେ ଏହି କମ୍ପାନୀର ୨୦୦ରୁ ଅଧିକ ଜିମ୍ ରହିଛି ।

ଆତିଥ୍ୟ ଇଣ୍ଡଷ୍ଟ୍ରୀ: ଏମ୍ଏସ୍ ଧୋନି ମଧ୍ୟ ଆତିଥ୍ୟ ଇଣ୍ଡଷ୍ଟ୍ରୀ((Hospitability Industry)) ମାଧ୍ୟମରେ ବହୁତ ରୋଜଗାର କରନ୍ତି । ତାଙ୍କର ଝାଡଖଣ୍ଡରେ ଏକ ହୋଟେଲ ଅଛି, ଯାହାର ନାଁ ହେଉଛି 'ହୋଟେଲ ମାହି ରେସିଡେନ୍ସି' । ଏହା ଏକମାତ୍ର ୟୁନିଟ୍ ଏବଂ ଏହାର ଅନ୍ୟ କୌଣସି ଶାଖା ନାହିଁ ।

ଏଣ୍ଡୋର୍ସମେଣ୍ଟ: କ୍ୟାରିୟର ଆରମ୍ଭରୁ ଧୋନିଙ୍କର ଅନେକ ଏଣ୍ଡୋମେଣ୍ଟ ଅଛି । ବର୍ତ୍ତମାନ ସେ ପେପ୍ସୀ, ଷ୍ଟାର, ଗୋଡାଡି, ବୋଷ, ସ୍ନିକର୍ସ, ଭିଡିଓକନ୍, ବୁଷ୍ଟ, ଓରିଏଣ୍ଟ ଇଲେକ୍ଟ୍ରିକ୍, ନେଟମେଡସ୍ ଭଳି ବ୍ରାଣ୍ଡ ସହିତ ଚୁକ୍ତି କରିଛନ୍ତି ।

ଅଧିକ ପଢ଼ନ୍ତୁ:-ରାଜସ୍ଥାନରୁ ଆସିଲା ବଡ଼ ଖବର, ରାଜ୍ୟ କଂଗ୍ରେସରେ ବଡ଼ ପରିବର୍ତ୍ତନ

ଫୋର୍ବସ୍ ତାଲିକାରେ ବି ହୋଇଥିଲେ ସାମିଲ 

କ୍ରୀଡା ୱେବସାଇଟ୍ କ୍ଲଚ୍ ପଏଣ୍ଟ ଅନୁଯାୟୀ, ଧୋନି ଇଣ୍ଡିଆନ୍ ପ୍ରିମିୟର ଲିଗ(IPL)ରେ ସର୍ବାଧିକ ଆୟ କରିଥିବା ଦ୍ୱିତୀୟ ଖେଳାଳି । ଚେନ୍ନାଇ ସୁପରକିଙ୍ଗ୍ସ(Chennai Super Kings) ସହିତ ତାଙ୍କର ୨୧ ଲକ୍ଷ ଡଲାରର ଚୁକ୍ତି ରହିଛି । ୨୪ ଲକ୍ଷ ଡଲାର ସହିତ ଟିମ ଇଣ୍ଡିଆର ଅଧିନାୟକ ବିରାଟ କୋହଲି(Virat Kohli) ପ୍ରଥମ ସ୍ଥାନରେ ଅଛନ୍ତି । ୨୦୧୪ ଓ ୨୦୧୫ ରେ ସେ ଏକମାତ୍ର ଭାରତୀୟ ଆଥଲେଟ୍ ଥିଲେ, ଯିଏକି ଫୋର୍ବସ(Forbes)ର ଟପ୍ ୧୦୦ ଆଥଲେଟରେ ସ୍ଥାନ ପାଇଥିଲେ । ଏହି ସମୟ ମଧ୍ୟରେ ତାଙ୍କର ର଼୍ୟାଙ୍କିଙ୍ଗ୍ ଯଥାକ୍ରମେ ୨୨  ଏବଂ ୨୩ ଥିଲା । ଏହି ତାଲିକାରେ ତାଙ୍କର ସର୍ବଶ୍ରେଷ୍ଠ ମାନ୍ୟତା ୧୬ତମ ସ୍ଥାନରେ ରହିଥିଲା ।