ଏହି ସରକାରୀ କର୍ମଚାରୀଙ୍କ ପାଇଁ ଖୁସି ଖବର, ଖୁବ୍ ଶୀଘ୍ର ପୁଣିଥରେ ବଢ଼ିବ ମହଙ୍ଗା ଭତ୍ତା? ଜାଣନ୍ତୁ ସଂପୂର୍ଣ୍ଣ ବିବରଣୀ...

ନୂଆଦିଲ୍ଲୀ: 7th Pay Commission, 7th CPC Latest News, Government Employees: କେନ୍ଦ୍ର ସରକାର ଖୁବ୍ ଶୀଘ୍ର କେନ୍ଦ୍ର କର୍ମଚାରୀଙ୍କୁ ଏକ ବଡ଼ ଉପହାର ଦେଇପାରନ୍ତି । ବିଗତ ଦିନରେ କେନ୍ଦ୍ର ସରକାର ଲକ୍ଷ ଲକ୍ଷ କେନ୍ଦ୍ର କର୍ମଚାରୀଙ୍କୁ ଅଟକି ଥିବା ମହଙ୍ଗା ଭତ୍ତା (Dearness Allowance, DA) ଓ ମହଙ୍ଗା ରିଲିଫ (DR) କୁ ରିଲିଜ କରିଥିଲେ । ଜୁଲାଇ ୧ରୁ କେନ୍ଦ୍ର କର୍ମଚାରୀମାନେ ୨୮ ପ୍ରତିଶତ ମହଙ୍ଗା ଭତ୍ତା (DA) ପାଇବେ ବୋଲି ସରକାର ଘୋଷଣା କରିଥିଲେ । ଏବେ କୁହାଯାଉଛି ଯେ କେନ୍ଦ୍ର ସରକାର ପୁଣି ଥରେ କେନ୍ଦ୍ର କର୍ମଚାରୀଙ୍କ ମହଙ୍ଗା ଭତ୍ତା (DA) ବୃଦ୍ଧି କରିପାରେ ।

ବାସ୍ତବରେ, ଅନେକ ଗଣମାଧ୍ୟମ ରିପୋର୍ଟରେ ଦାବି କରାଯାଇଛି ଯେ କେନ୍ଦ୍ର ସରକାର ଜୁନ୍ ୨୦୨୧ ପାଇଁ ମଧ୍ୟ ମହଙ୍ଗା ଭତ୍ତା (DA) ଅନୁମୋଦନ କରିପାରେ ଏବଂ ଏଥି ସହିତ କେନ୍ଦ୍ର ସରକାର ପୁଣି ଥରେ କେନ୍ଦ୍ର କର୍ମଚାରୀଙ୍କ DA କୁ ୩ ପ୍ରତିଶତ ବୃଦ୍ଧି କରିପାରେ । ଯଦି ସରକାର ଏହି ନିଷ୍ପତ୍ତି ନିଅନ୍ତି, ତେବେ କେନ୍ଦ୍ର କର୍ମଚାରୀଙ୍କ DA ୩୧ ପ୍ରତିଶତକୁ ବୃଦ୍ଧି ପାଇବ ।

ଅଧିକ ପଢ଼ନ୍ତୁ:-କୋରୋନାକୁ ନେଇ ଆସିଲା ଆଶ୍ୱସ୍ତିକର ଖବର!

ସୂଚନାଯୋଗ୍ୟ, ନିକଟ ଅତୀତରେ କେନ୍ଦ୍ର ସରକାର କର୍ମଚାରୀଙ୍କ ଜୁଲାଇ ୧ରୁ ମୌଳିକ ବେତନର ୨୮ ପ୍ରତିଶତ ମହଙ୍ଗା ଭତ୍ତା (DA) ମିଳିବାର ପ୍ରସ୍ତାବକୁ ଅନୁମୋଦନ କରିଛନ୍ତି । କୋରୋନା ମହାମାରୀ ହେତୁ ଗତ ବର୍ଷ ଜାନୁଆରୀ ମାସରୁ ମହଙ୍ଗା ଭତ୍ତା (DA) ବୃଦ୍ଧି ବନ୍ଦ ହୋଇଯାଇଥିଲା । ଏଥିରେ ୧ ଜାନୁଆରୀ ୨୦୨୦ର 3% ବୃଦ୍ଧି, ୧ ଜୁଲାଇ ୨୦୨୦ର 4%, ୧ ଜାନୁୟାରୀ ୨୦୨୧ର 4% ବୃଦ୍ଧି ଅନ୍ତର୍ଭୁକ୍ତ ରହିଛି । ଅଟକାଯାଇଥିବା ମହଙ୍ଗା ଭତ୍ତାର ପୁନଃ ରିଲିଜ ସହିତ କେନ୍ଦ୍ର କର୍ମଚାରୀଙ୍କ DA ବର୍ତ୍ତମାନ ୧୭ ପ୍ରତିଶତରୁ ୨୮ ପ୍ରତିଶତକୁ ବୃଦ୍ଧି ପାଇଛି ।

ଅଧିକ ପଢ଼ନ୍ତୁ:-ପୁରୁଷଙ୍କ ପାଇଁ ଅତ୍ୟନ୍ତ ବିପଜ୍ଜନକ ଏହି ୫ଟି ଅଭ୍ୟାସ, ଯୌନ ସ୍ୱାସ୍ଥ୍ୟ ହୋଇଯିବ ଖରାପ!

ତେବେ କେନ୍ଦ୍ର କର୍ମଚାରୀଙ୍କୁ ବକେୟା ମହଙ୍ଗା ଭତ୍ତା ମିଳିବ ନାହିଁ ବୋଲି ତାହା କେନ୍ଦ୍ର ସରକାର ସ୍ପଷ୍ଟ କରିଛନ୍ତି । ବର୍ଦ୍ଧିତ DA ଦ୍ୱାରା ପ୍ରାୟ ୪୮ ଲକ୍ଷ କେନ୍ଦ୍ର ସରକାରୀ କର୍ମଚାରୀ ଓ ୬୫ ଲକ୍ଷ ପେନସନଭୋଗୀଙ୍କୁ ଲାଭ ହେବ । କେନ୍ଦ୍ର ସରକାରଙ୍କ ମହଙ୍ଗା ଭତ୍ତା ବୃଦ୍ଧି ଘୋଷଣା ହେବା ପରେ ଅନେକ ରାଜ୍ୟ ସରକାର ମଧ୍ୟ ସେମାନଙ୍କ କର୍ମଚାରୀଙ୍କ ଡିଏ ବୃଦ୍ଧି କରିବାକୁ ଘୋଷଣା କରିଛନ୍ତି ଏବଂ ରାଜସ୍ଥାନ ଏଥିରେ ଶୀର୍ଷରେ ରହିଛି ।