ଏହି କେନ୍ଦ୍ର କର୍ମଚାରୀଙ୍କ ହୋଇସାରିଛି ୨.୮୮ ଲକ୍ଷ ଟଙ୍କାର କ୍ଷତି! ଜାଣନ୍ତୁ କେବେ ଫେରସ୍ତ ମିଳିବ ଏହି ଟଙ୍କା

ନୂଆଦିଲ୍ଲୀ: 7th Pay Commission, 7th CPC Latest News, Central Government Employees, Odia News: କୋରୋନା ମହାମାରୀ ଯୋଗୁଁ ମୋଦି ସରକାର ଗତ ବର୍ଷଠାରୁ କେନ୍ଦ୍ର କର୍ମଚାରୀଙ୍କ ମହଙ୍ଗା ଭତ୍ତା ଉପରେ ରୋକ ଲଗାଇରଖିଛନ୍ତି । ଏହି ପ୍ରତିବନ୍ଧକ ଯୋଗୁଁ କର୍ମଚାରୀ ଓ ପେନସନଭୋଗୀମାନେ ୧୮ ମାସ ହେବ ମହଙ୍ଗା ଭତ୍ତା ପାଇନାହାଁନ୍ତି । ଏଭଳି ପରିସ୍ଥିତିରେ ୧୦ ହଜାର ଗ୍ରେଡ୍ ଥିବା ଜଣେ ସରକାରୀ କର୍ମଚାରୀ ପ୍ରାୟ ୨.୮୮ ଲକ୍ଷ ଟଙ୍କାର କ୍ଷତି ସହୁଛନ୍ତି । ଯଦି ସବୁ କିଛି ଠିକ୍ ରହେ ତେବେ ଏହି କର୍ମଚାରୀମାନେ ଜୁଲାଇରେ ୧୭ ବଦଳରେ ୨୮ ପ୍ରତିଶତ ମହଙ୍ଗା ଭତ୍ତା ପାଇବେ । ଯଦି ସରକାର ନୂତନ ହାରରେ ସଂପୂର୍ଣ୍ଣ ରାଶି ପ୍ରଦାନ କରନ୍ତି, ତେବେ ୧୦,୦୦୦ ଟଙ୍କା ଗ୍ରେଡ୍ ଦରମା ଥିବା ବ୍ୟକ୍ତି ସର୍ବାଧିକ ୨.୮୮ ଲକ୍ଷ ଟଙ୍କା ପାଇପାରିବେ ।

ଅଧିକ ପଢ଼ନ୍ତୁ:-କର୍ମଚାରୀଙ୍କ ହାତରେ ଆସିବ କମ୍ ଟଙ୍କା, କିନ୍ତୁ ବଢ଼ିବ PF! ମୋଦି ସରକାର ଲାଗୁ କରିବାକୁ ଯାଉଛନ୍ତି ଏସବୁ ନିୟମ

ଜାଣନ୍ତୁ କିପରି ହେଉଛି କ୍ଷତି 

୧୦,୦୦୦ ଟଙ୍କା ଗ୍ରେଡ୍ ଦରମା ଥିବା ଜଣେ ସରକାରୀ କର୍ମଚାରୀ ୧୪୪୨୦୦ରୁ ୨୧୮୨୦୦୦ ଟଙ୍କା ମଧ୍ୟରେ ମୌଳିକ ବେତନ ସୀମା ମଧ୍ୟରେ ଆସନ୍ତି । ଏହି କର୍ମଚାରୀଙ୍କୁ ଜାନୁଆରୀ ୧, ୨୦୨୦ରୁ ଜୁନ୍ ୨୦୨୦ ପର୍ଯ୍ୟନ୍ତ ୩୪୬୦୮ରୁ ୫୨୩୬୮ ଟଙ୍କାର DA ମିଳିବାର ଥିଲା । ଏହା ପରେ ଜୁଲାଇ ୧, ୨୦୨୦ରୁ ଡିସେମ୍ବର ୩୧, ୨୦୨୦ ପର୍ଯ୍ୟନ୍ତ ଏହି କର୍ମଚାରୀଙ୍କୁ ୬୦୫୬୪ରୁ ୯୬୪୪ ଟଙ୍କାର DA ମିଳିବାର ଥିଲା । ଏଥି ସହିତ ୨୦୨୧ର ୬ ମାସରେ ଏହି କର୍ମଚାରୀଙ୍କ DA ୯୫୧୭୨ରୁ ୧୪୪୦୧୨ ଟଙ୍କା ମଧ୍ୟରେ ଥିଲା । ଯଦି ଏହି ତିନୋଟି କିସ୍ତି ଯୋଗ କରାଯାଏ, ତେବେ କେନ୍ଦ୍ର ସରକାରଙ୍କ କର୍ମଚାରୀମାନେ ଗତ ୧୮ ମାସ ମଧ୍ୟରେ ୧,୯୦,୩୪୪ରୁ ୨,୮୮,୦୨୪ ଟଙ୍କା ପର୍ଯ୍ୟନ୍ତ କ୍ଷତି ସହିଛନ୍ତି ।

ଅଧିକ ପଢ଼ନ୍ତୁ:-ସରକାର ଏମାନଙ୍କ ପାଇଁ ପେନସନରେ କରିଛନ୍ତି ବଡ଼ ବୃଦ୍ଧି, ଜାଣନ୍ତୁ କେତେ ମିଳିବ ଲାଭ

ଆପଣଙ୍କୁ କହି ରଖୁଛୁ ଯେ କୋରୋନା ମହାମାରୀକୁ ଦୃଷ୍ଟିରେ ରଖି କେନ୍ଦ୍ର କର୍ମଚାରୀ ଓ ପେନସନଭୋଗୀଙ୍କ ଜାନୁଆରୀ ୨୦୨୦, ଜୁଲାଇ ୨୦୨୦ ଏବଂ ଜାନୁୟାରୀ ୨୦୨୧ର DA ଓ DR ଉପରେ ରୋକ ଲଗାଇଦେଇଥିଲେ । ବର୍ତ୍ତମାନ ସରକାର ସ୍ପଷ୍ଟ କରିଛନ୍ତି ଯେ ଚଳିତ ବର୍ଷ ଜୁଲାଇ ୧ରେ ପୁଣି ମହଙ୍ଗା ଭତ୍ତା ମିଳିବା ଆରମ୍ଭ ହୋଇଯିବ । ଯାହାକି ଲକ୍ଷ ୪୮ କେନ୍ଦ୍ର କର୍ମଚାରୀ ଓ ଲକ୍ଷ ୬୭ ଲକ୍ଷ ପେନସନଭୋଗୀଙ୍କ ପାଇଁ ଏକ ବଡ଼ ଆଶ୍ୱସ୍ତିକର ଖବର । ମିଡିଆ ରିପୋର୍ଟରେ ପ୍ରକାଶିତ ରିପୋର୍ଟ ଅନୁଯାୟୀ, ବର୍ତ୍ତମାନ କର୍ମଚାରୀମାନେ ୧୭ ପ୍ରତିଶତ ହାରରେ DA, DR ପାଉଛନ୍ତି । ଯାହା ୨୮ ପ୍ରତିଶତକୁ ବୃଦ୍ଧି ପାଇପାରେ ।