'ତାଜମହଲ କିଏ ନିର୍ମାଣ କରିଛନ୍ତି, ଯାଆନ୍ତୁ ପ୍ରଥମେ ପଢ଼ିବେ', ୨୨ କୋଠରୀ ଖୋଲିବା ଉପରେ ଆବେଦନକାରୀଙ୍କୁ ହୋଇକୋର୍ଟଙ୍କ ତାଗିଦ

ନୂଆଦିଲ୍ଲୀ: ଆଗ୍ରା (Agra) ସ୍ଥିତ ତାଜମହଲ (Taj Mahal) ର ୨୨ଟି କୋଠରୀ (Taj Mahal 22 Closed Room) ଖୋଲିବା ପାଇଁ ଆହ୍ଲାବାଦ ହାଇକୋର୍ଟର ଲକ୍ଷ୍ନୌ ବେଞ୍ଚ (Lucknow Bench) ରେ ଶୁଣାଣି ଚାଲିଛି । ଏହି ସମୟରେ ଜଷ୍ଟିସ୍ ଡିକେ ଉପାଧ୍ୟାୟ (Justice DK Upadhyay) ଆବେଦନକାରୀଙ୍କୁ ତାଗିଦ କରି କହିଛନ୍ତି ଯେ, ଜନସ୍ୱାର୍ଥ ମାମଲା (PIL) ବ୍ୟବସ୍ଥାର ଅପବ୍ୟବହାର କରନ୍ତୁ ନାହିଁ, କାଲି ଆପଣ ଆସିବେ ଓ କହିବେ କି ଆମକୁ ମାନ୍ୟବର ବିଚାରପତିଙ୍କ ଚାମ୍ବରକୁ ଯିବାକୁ ଅନୁମତି ଆବଶ୍ୟକ ।

ଜଷ୍ଟିସ ଡିକେ ଉପାଧ୍ୟାୟ ଓ ଜଷ୍ଟିସ ସୁଭାଷ ବିଦାର୍ଥୀଙ୍କ ଏକ ବେଞ୍ଚ ତାଜମହଲର ୨୨ଟି କୋଠରୀ ଖୋଲିବା ପାଇଁ ଦାଖଲ ହୋଇଥିବା ଯାଚିକା ଉପରେ ଶୁଣାଣି କରୁଛନ୍ତି । ହାଇକୋର୍ଟ ଆବେଦନକାରୀଙ୍କୁ କହିଛନ୍ତି ଯେ ଆପଣ ମନେ କରନ୍ତି ଯେ ତାଜମହଲ ଶାହ ଜାହାନ (Shah Jahan) ଙ୍କ ଦ୍ୱାରା ନିର୍ମିତ ହୋଇନାହିଁ? କ'ଣ ଆମେ ଏଠାରେ କୌଣସି ରାୟ ଶୁଣାଣି କରିବାକୁ ଆସିଛୁ? କିଏ ଯେପରି କି ଏହାକୁ କିଏ ନିର୍ମାଣ କରିଛନ୍ତି ଓ ତାଜମହଲର ବୟସ କେତେ?

ହାଇକୋର୍ଟ କଡ଼ା ତାଗିଦ କରି କହିଛନ୍ତି ଯେ, ଆପଣଙ୍କୁ ଯେଉଁ ବିଷୟ ଉପରେ ଜଣାନାହିଁ, ତାହା ଉପରେ ଆପଣ ଗବେଷଣା କରନ୍ତୁ । ଯାଆନ୍ତୁ MA କରିବେ, PhD କରନ୍ତୁ, ଯଦି କୌଣସି ଅନୁଷ୍ଠାନ ଆପଣଙ୍କୁ ଅନୁସନ୍ଧାନ କରିବାକୁ ଅନୁମତି ଦେଉ ନାହିଁ, ତେବେ ଆମ ପାଖକୁ ଆସନ୍ତୁ । ହାଇକୋର୍ଟ ସ୍ପଷ୍ଟ କରିଛନ୍ତି ଯେ, ଆମେ ଏହି ପିଟିସନର ଶୁଣାଣିକୁ ଆଗକୁ ବଢ଼ାଇବୁ ନାହିଁ, ଆପଣ ତାଜମହଲର ୨୨ କୋଠରୀର ସୂଚନା କାହାଠାରୁ ମାଗିଛନ୍ତି?

ଏହା ବି ପଢ଼ନ୍ତୁ:-ବିଜେପି ସଂଖ୍ୟାଲଘୁ ତ କଂଗ୍ରେସ ଯୁବ ବର୍ଗଙ୍କୁ ଆକର୍ଷିତ କରିବାରେ ବ୍ୟସ୍ତ, ଜାଣନ୍ତୁ ୨୦୨୪ ପାଇଁ ନଡ୍ଡା ଓ ସୋନିଆଙ୍କ କ'ଣ ରହିଛି ପ୍ଲାନ

ଏହା ବି ପଢ଼ନ୍ତୁ:-7th Pay Commission ପରେ ଆସିବନି ଅଷ୍ଟମ ପେ କମିଶନ! ସରକାରୀ କର୍ମଚାରୀଙ୍କ ଦରମା ବୃଦ୍ଧି ପାଇଁ ହେବ ନୂଆ ଫର୍ମୂଲା

ଏହା ବି ପଢ଼ନ୍ତୁ:-'ଶ୍ରୀଲଙ୍କାକୁ ସେନା ପଠାନ୍ତୁ ମୋଦି ସରକାର', ଚାଞ୍ଚଲ୍ୟକର ଖୁଲାସା କରି ଏହି ଦାବି କଲେ ବିଜେପି ସାଂସଦ

ହାଇକୋର୍ଟଙ୍କ ପ୍ରଶ୍ନର ଜବାବରେ ଆବେଦନକାରୀଙ୍କ ଓକିଲ କହିଛନ୍ତି ଯେ, ଆମେ କର୍ତ୍ତୃପକ୍ଷଙ୍କଠାରୁ ସୂଚନା ମାଗିଛୁ । ଏହା ଉପରେ ହାଇକୋର୍ଟ କହିଛନ୍ତି ଯେ, ଯଦି ସେମାନେ କହିଛନ୍ତି ଯେ ସୁରକ୍ଷା କାରଣରୁ କୋଠରୀଗୁଡିକ ବନ୍ଦ ଅଛି ତେବେ ଏହା ସୂଚନା ଅଟେ, ଯଦି ଆପଣ ସନ୍ତୁଷ୍ଟ ନୁହଁନ୍ତି ତେବେ ଏହାକୁ ଚ୍ୟାଲେଞ୍ଜ କରନ୍ତୁ । ଦୟାକରି MA ରେ ନିଜ ନାମ ଲେଖାନ୍ତୁ ତାପରେ NET, JRF ପାଇଁ ଯାଆନ୍ତୁ ଓ ଯଦି କୌଣସି ବିଶ୍ୱବିଦ୍ୟାଳୟ ଆପଣଙ୍କୁ ଏହି ବିଷୟରେ ଗବେଷଣା କରିବାକୁ ବାରଣ କରେ ତେବେ ଆମ ପାଖକୁ ଆସନ୍ତୁ ।

ଆବେଦନକାରୀ କହିଛନ୍ତି ଯେ, ଦୟାକରି ମୋତେ ସେହି କୋଠରୀକୁ ଯିବାକୁ ଦିଅନ୍ତୁ । ଏହା ଉପରେ ହାଇକୋର୍ଟ କଡ଼ା ଟିପ୍ପଣୀ କରି କହିଛନ୍ତି ଯେ, କାଲି ଆପଣ ଆସି ଆମକୁ ମାନନୀୟ ବିଚାରପତିଙ୍କ ଚାମ୍ବରକୁ ଯିବା ପାଇଁ କହିବେ? ଦୟାକରି PIL ସିଷ୍ଟମକୁ ମଜାକ ବନାନ୍ତୁ ନାହିଁ, ଏହି ଯାଚିକାକୁ ନେଇ ଅନେକ ଦିନ ଧରି ଗଣମାଧ୍ୟମରେ ଚର୍ଚ୍ଚା ହେଉଛି ଓ ବର୍ତ୍ତମାନ ଆପଣ ସମୟ ମାଗୁଛନ୍ତି?