'ତୁର୍କୀର ଆତଙ୍କବାଦୀଙ୍କ ସହାୟତାରେ ଯୁଦ୍ଧ ଲଢୁଛି ଆର୍ମେନିଆ'

Armenia-Azerbaijan war: ଆମୀରବୟୋଭ କହିଛନ୍ତି ଯେ, ଗୁଇନ୍ଦା ସୂତ୍ରରୁ ଆମେ ବହୁତ ଦୃଢ଼ ସୂଚନା ପାଇଛୁ ଯେ ଆର୍ମେନିଆ ଅଗଷ୍ଟରେ ତୁର୍କୀର ନିଷିଦ୍ଧ PKK ଗୋଷ୍ଠୀରୁ ହଜାର ହଜାର ଆତଙ୍କବାଦୀଙ୍କୁ ଡାକିଥିଲା ।

ନୂଆଦିଲ୍ଲୀ: Armenia-Azerbaijan war: ଆଜେରବାଇଜାନ (Azerbaijan) ଆର୍ମେନିଆ (Armenia) ଉପରେ ତୁର୍କୀର ନିଷିଦ୍ଧ ଆତଙ୍କବାଦୀ ସଂଗଠନ ପି.କେ.କେ  (turkish terrorist group PKK) ର ହଜାର ହଜାର ଆତଙ୍କବାଦୀଙ୍କ ସହାୟତା ନେବାର ଅଭିଯୋଗ ଆଣିଛି । ଆଜେରବାଇଜାନର ଭାରତ ସ୍ଥିତ ରାଷ୍ଟ୍ରଦୂତ ଏଲଚିନ ଅମୀରବୟୋଭ କହିଛନ୍ତି ଯେ ଆର୍ମେନିଆ ସହ ମୁକାବିଲା କରିବା ପାଇଁ ଆମକୁ ପାକିସ୍ତାନ କିମ୍ବା ସିରିଆ ଆତଙ୍କବାଦୀର ଆବଶ୍ୟକତା ନାହିଁ । ଆମୀରବୟୋଭଙ୍କ ବୟାନ ଏପରି ଏକ ସମୟରେ ଆସିଛି, ଯେତେବେଳେ ଆଜେରବାଇଜାନ ଉପରେ ନାଗୋର୍ଣ୍ଣୋ-କରାବାଖ୍ ଯୁଦ୍ଧରେ ତୁର୍କୀ ସମର୍ଥିତ ସିରିଆ ଆତଙ୍କବାଦୀଙ୍କୁ ବ୍ୟବହାର କରୁଥିବାର ଅଭିଯୋଗ ଆସିଛି ।

ଆମୀରବୟୋଭ କହିଛନ୍ତି ଯେ, ଗୁଇନ୍ଦା ସୂତ୍ରରୁ ଆମେ ବହୁତ ଦୃଢ଼ ସୂଚନା ପାଇଛୁ ଯେ ଆର୍ମେନିଆ ଅଗଷ୍ଟରେ ତୁର୍କୀର ନିଷିଦ୍ଧ PKK ଗୋଷ୍ଠୀରୁ ହଜାର ହଜାର ଆତଙ୍କବାଦୀଙ୍କୁ ଡାକିଥିଲା । ଆଜେରବାଇଜାନ ସହିତ ଲଢ଼ିବା ପାଇଁ ସେମାନଙ୍କୁ ପଶ୍ଚିମ ଏସିଆରୁ ଆର୍ମେନିଆକୁ ଡକାଯାଇଥିଲା । ସେ କହିଛନ୍ତି ଯେ ତୁର୍କୀ ନିଜର ଯୁଦ୍ଧବିମାନ ପଠାଇ ନାହିଁ । ତୁର୍କୀ କେବଳ କୂଟନୈତିକ ଏବଂ ରାଜନୈତିକ ସମର୍ଥନ ପ୍ରଦାନ କରୁଛି । ତୁର୍କୀ ହେଉଛି ଆମର ସ୍ୱାଭାବିକ ସହଯୋଗୀ ।

ଅଧିକ ପଢ଼ନ୍ତୁ:-ପୁଣି ଉଗ୍ର ରୂପ ନେଲା ଆର୍ମେନିଆ-ଆଜେରବାଇଜାନ ଯୁଦ୍ଧ, ସେନା ମୁତୟନ କଲା ଋଷ

ସେ କହିଛନ୍ତି ଯେ, ଆର୍ମେନିଆ ଆଜେରବାଇଜାନକୁ ବାହ୍ୟ ଜଗତରୁ ଅଲଗା କରିବାକୁ ଚାହୁଁଛି । ରୁଷ ସହିତ ତାର ସାମରିକ ସହଯୋଗ ଅଛି ଏବଂ ଏହା ସହିତ ଅନ୍ୟ ଦେଶକୁ ଆଣିବାକୁ ଚେଷ୍ଟା କରୁଛି । ତୁର୍କୀ ଆମ ସହିତ ଆସିବା ପରେ ଏହି ଅଞ୍ଚଳରେ ସ୍ଥିରତା ଆସିଛି । ଯଦି ଆର୍ମେନିଆ ଋଷକୁ ନିଜ ସପକ୍ଷରେ ଆଣିବାରେ ସଫଳ ହୁଏ, ତେବେ ଏହା ଆଜେରବାଇଜାନର ସ୍ୱାଧୀନତାକୁ ସମାପ୍ତ କରିବ । ଭାରତ ହେଉଛି ବିଶ୍ୱର ସବୁଠୁ ବଡ ଗଣତାନ୍ତ୍ରିକ ଦେଶ ଏବଂ ସ୍ୱାଧୀନତାର ଅର୍ଥ କ’ଣ ତାହା ଭଲ ଭାବରେ ଜାଣେ । ସେ କହିଛନ୍ତି ଯେ ଆମେ ଏହି ପୁରା ଘଟଣା ବିଷୟରେ ଭାରତକୁ ସମ୍ପୂର୍ଣ୍ଣ ସୂଚନା ଦେଇଛୁ ।

ଅଧିକ ପଢ଼ନ୍ତୁ:-ତାଣ୍ଡବ କରୁଛି କୋରୋନାର ଦ୍ୱିତୀୟ ତରଙ୍ଗ, ଭୟଙ୍କର ଚେତାବନୀ ଜାରି କଲା WHO

ରାଷ୍ଟ୍ରଦୂତ ଏଲଚିନ ଆମୀରବୟୋଭ କହିଛନ୍ତି ଯେ, ଆଜେରବାଇଜାନ ଓ ଆର୍ମେନିଆର ବୈଦେଶିକ ମନ୍ତ୍ରୀମାନେ ଅନେକ ଘଣ୍ଟା ଧରି ଏକାଠି ବସି ମାନବୀୟ ଅସ୍ତ୍ରବିରତିର ସର୍ତ୍ତ ଉପରେ ଆଲୋଚନା କରିଛନ୍ତି । ପୂର୍ବରୁ ତିନି ଥର ଅସ୍ତ୍ରବିରତି ହୋଇଥିଲା କିନ୍ତୁ ଏହା ପରେ ଆର୍ମେନିଆ ସୈନ୍ୟମାନେ ଆଜେରବାଇଜାନର ନାଗରିକଙ୍କ ଉପରକୁ ଗୁଳି ଚଳାଇବା ଆରମ୍ଭ କରି ଦେଇଥିଲେ । ଏଥର ଦୁଇ ଦେଶର ବୈଦେଶିକ ମନ୍ତ୍ରୀମାନେ MINSK ଗୋଷ୍ଠୀର ସହ-ଅଧ୍ୟକ୍ଷଙ୍କ ସହ ଆମେରିକା, ଋଷ, ଫ୍ରାନ୍ସ ସହ ମାନବିକ ଚୁକ୍ତି ଉପରେ କଥାବାର୍ତ୍ତା କରୁଛନ୍ତି । ଏହା ଅଧୀନରେ ଉଭୟ ଦେଶ ଯୁଦ୍ଧ ସମୟରେ ନିହତ ସୈନିକମାନଙ୍କ ଶବକୁ ବାହାର କରିବାକୁ ଅନୁମତି ଦେବେ । ରେଡ କ୍ରସକୁ ମଧ୍ୟ ଅନୁମତି ଦେବ ଏବଂ ଗିରଫ ହୋଇଥିବା ସୈନିକଙ୍କ ସଂଖ୍ୟା ବାଣ୍ଟିବେ । ଯାହା ଦ୍ୱାରା ସେମାନଙ୍କ ଆଦାନ-ପ୍ରଦାନ କରାଯାଇହେବ ।