CBSE 10th, 12th Result 2021: ଆଜି ଦିନ ୨ଟାରେ ପ୍ରକାଶ ପାଇବ CBSE ଦ୍ୱାଦଶ ରେଜଲ୍ଟ, ଜାଣନ୍ତୁ କିପରି କରିବେ ଚେକ୍

ନୂଆଦିଲ୍ଲୀ: କେନ୍ଦ୍ରୀୟ ମାଧ୍ୟମିକ ଶିକ୍ଷା ବୋର୍ଡର ଦ୍ୱାଦଶ ଶ୍ରେଣୀ ଫଳାଫଳ (CBSE Class 12th Result) ଆଜି (ଜୁଲାଇ ୩୦) ଅପରାହ୍ନ ୨ଟାରେ ପ୍ରକାଶ ପାଇବ । ଛାତ୍ରମାନେ ନିଜର ରେଜଲ୍ଟ CBSE ବୋର୍ଡର  ଅଫିସିଆଲ୍ ୱେବସାଇଟ୍ cbseresults.nic.in କିମ୍ବା cbse.gov.in ରେ ଚେକ୍ କରିପାରିବେ । ଟ୍ୱିଟ୍ କରି ଏହି ସୂଚନା CBSE ଦେଇଛି ।

ଏହି ଫର୍ମୂଲା ଉପରେ ପ୍ରସ୍ତୁତ ହୋଇଛି ରେଜଲ୍ଟ 

CBSE ଦ୍ୱାଦଶ ଫଳାଫଳ 30:30:40 ର ଫର୍ମୂଲାରେ ପ୍ରସ୍ତୁତ ହୋଇଛି । ଏଥିରେ ଦଶମ ଓ ଏକାଦଶ ମାର୍କକୁ 30-30 ପ୍ରତିଶତ ୱେଟେଜ ଏବଂ ଦ୍ୱାଦଶ ଶ୍ରେଣୀର ଇନଟରନାଲ ପରୀକ୍ଷାକୁ ୪୦ ପ୍ରତିଶତ ୱେଟେଜ ଦିଆଯାଇଛି । ଛାତ୍ରଛାତ୍ରୀଙ୍କ ଦଶମ ଶ୍ରେଣୀର ୫ଟି ମଧ୍ୟରୁ ଶ୍ରେଷ୍ଠ ୩ଟି ପେପର୍ସର ମାର୍କ ନିଆଯାଇଛି । ସେହିଭଳି ୧୧ ଶ୍ରେଣୀର ଶ୍ରେଷ୍ଠ ୩ ପେପର୍ସର ମାର୍କ ମଧ୍ୟ ନିଆଯାଇଛି । ଏଥି ସହିତ ଦ୍ୱାଦଶ ଶ୍ରେଣୀରେ ୟୁନିଟ୍ ର ମାର୍କ, ଟର୍ମ ଏବଂ ଛାତ୍ରଛାତ୍ରୀମାନଙ୍କର ପ୍ର୍ୟାକ୍ଟିକାଲ ପରୀକ୍ଷାର ମାର୍କ ନିଆଯିବ । ଯେଉଁ ଛାତ୍ରଛାତ୍ରୀମାନେ ଫଳାଫଳରେ ସନ୍ତୁଷ୍ଟ ନୁହଁନ୍ତି ସେମାନଙ୍କୁ ପରୀକ୍ଷା ଦେବା ପାଇଁ  ସୁଯୋଗ ଦିଆଯିବ । ତେବେ ଏଥିପାଇଁ କୋରୋନା ସ୍ଥିତି ସ୍ୱାଭାବିକ ହେବାକୁ ଅପେକ୍ଷା କରିବାକୁ ପଡିବ ।

ଅଧିକ ପଢ଼ନ୍ତୁ:-ଯୌନ ସମସ୍ୟା ଯୋଗୁଁ ଚିନ୍ତାରେ ଥିବା ପୁରୁଷ ଏହି ୩ଟି ଜିନିଷ ସହିତ କରିନିଅନ୍ତୁ ବନ୍ଧୁତା, ମିଳିବ ଅନେକ ଲାଭ

ଏହିପରି CBSE ୱେବସାଇଟରେ ଚେକ୍ କରନ୍ତୁ ଫଳାଫଳ

୧. CBSE ର ଅଫିସିଆଲ୍ ୱେବସାଇଟ୍ cbseresults.nic.in କିମ୍ବା cbse.gov.in ର  ଭିଜିଟ କରନ୍ତୁ ।

 ୨. ଏଠାରେ ହୋମପେଜରେ ଆପଣଙ୍କୁ ଫଳାଫଳ ଟ୍ୟାବ୍ ଉପରେ କ୍ଲିକ୍ କରିବାକୁ ପଡିବ ।

୩. CBSE ଦ୍ୱାଦଶ ଫଳାଫଳ 2021 ଯାଞ୍ଚ କରିବାକୁ ରୋଲ୍ ନମ୍ବର ଦାଖଲ କରନ୍ତୁ ।

୪. CBSE ଦ୍ୱାଦଶ ଫଳାଫଳ 2021 ସ୍କ୍ରିନରେ ଖୋଲିବ, ବିବରଣୀ ଚେକ୍ କରନ୍ତୁ ।

୫. CBSE ଦ୍ୱାଦଶ ବୋର୍ଡ ଫଳାଫଳ 2021 ମାର୍କସିଟ୍ ଡାଉନଲୋଡ୍ କରନ୍ତୁ ଏବଂ ଏକ ପ୍ରିଣ୍ଟଆଉଟ୍ ବାହାର କରନ୍ତୁ ।

ଅଧିକ ପଢ଼ନ୍ତୁ:-ଦେଶରେ ତୃତୀୟ ଲହରର ହୋଇସାରିଛି କି ଏଣ୍ଟ୍ରି? ଦିନକରେ ୪୪ ହଜାରରୁ ଉର୍ଦ୍ଧ୍ୱ ମାମଲା ଚିହ୍ନଟ, ଏତିକି ସଂକ୍ରମିତଙ୍କ ମୃତ୍ୟୁ

IVRS ଓ SMS ମାଧ୍ୟମରେ ଏହିପରି ଜାଣନ୍ତୁ ଫଳାଫଳ

ଛାତ୍ରମାନେ ମଧ୍ୟ IVRS ଓ SMS ମାଧ୍ୟମରେ CBSE ଦଶମ ଓ ଦ୍ୱାଦଶ ଫଳାଫଳ ଜାଣିପାରିବେ । ପଞ୍ଜୀକୃତ ମୋବାଇଲ୍ ନମ୍ବରରେ ସିବିଏସ୍ଇ ବୋର୍ଡ ଫଳାଫଳ ପଠାଇବ । ଏଥିପାଇଁ ଛାତ୍ରମାନଙ୍କୁ CBSE12 <ROLLNUMBER> <ADMITCARDID> ଲେଖି 7738299899 ନମ୍ବରକୁ ପଠାଇବାକୁ ପଡିବ । ଏହିପରି ସେମାନେ ସେମାନଙ୍କର ଫଳାଫଳ ଜାଣିପାରିବେ ।

ଅଧିକ ପଢ଼ନ୍ତୁ:-ତୈଳ କମ୍ପାନୀଗୁଡିକ ଜାରି କଲେ ଆଜିର ଡିଜେଲ-ପେଟ୍ରୋଲର ଦାମ୍, Fuel ଭରିବା ପୂର୍ବରୁ ଚେକ୍ କରନ୍ତୁ ରେଟ୍

Digi Locker ରେ ଏପରି ଦେଖନ୍ତୁ ରେଜଲ୍ଟ ଓ ପାଆନ୍ତୁ ସାର୍ଟିଫିକେଟ୍ 

ଏହା ସହିତ ଛାତ୍ରମାନେ ଡିଜିଲୋକର୍, UMANG ଆପ୍ ଏବଂ ଅନ୍ୟାନ୍ୟ ପ୍ଲାଟଫର୍ମରେ ଦଶମ ଓ ଦ୍ୱାଦଶ ଫଳାଫଳ ମଧ୍ୟ ପାଇପାରିବେ । ଛାତ୍ରମାନେ CBSE ରେ ପଞ୍ଜୀକୃତ ମୋବାଇଲ୍ ନମ୍ବର ବ୍ୟବହାର କରି Digilocker - digilocker.gov.in କୁ ଲଗ୍ଇନ୍ କରିପାରିବେ ଏବଂ ଆପରୁ ସେମାନଙ୍କର ମାର୍କ ସିଟ୍ ଏବଂ ପ୍ରମାଣପତ୍ର ଡାଉନଲୋଡ୍ କରିପାରିବେ । ଏହି ବର୍ଷ ଠାରୁ ବୋର୍ଡ ଡିଜି ଲକର ମାଧ୍ୟମରେ ମାଇଗ୍ରେଶନ ସାର୍ଟିଫିକେଟର ସଫ୍ଟ କପି ମଧ୍ୟ ପ୍ରଦାନ କରିବ । କେବଳ ଅନୁରୋଧ ଅନୁଯାୟୀ ହାର୍ଡ କପି ପ୍ରଦାନ କରାଯିବ ।