ଏହି ଦୀପାବଳିରେ ଚୀନକୁ ଲାଗିବ ବଡ଼ ଝଟକା ! ୪୦ ହଜାର କୋଟି ଟଙ୍କାର ହେବ କ୍ଷତି

ନୂଆଦିଲ୍ଲୀ: ଦୀପାବଳିରେ ଘର-ଅଫିସକୁ ସଜାଇବା ଏବଂ ନିଜ ପାଇଁ ନୂଆ ପୋଷାକ ଏବଂ ଜୋତା କିଣିବା ପ୍ରକ୍ରିୟା ଏକ ମାସ ପୂର୍ବରୁ ଆରମ୍ଭ ହୋଇଥାଏ । ପିଲାମାନେ ମଧ୍ୟ ଏହି ଦୌଡ଼ରେ ପଛରେ ରହନ୍ତି ନାହିଁ । ସେମାନଙ୍କର ପ୍ରସ୍ତୁତି ଫାୟାରକ୍ରାକର୍ ବା ବାଣ ସହିତ ଆରମ୍ଭ ହୋଇଥାଏ । ହୋଲସେଲ ଏବଂ ଖୁଚୁରା ବ୍ୟବସାୟୀଙ୍କ ଅନୁଯାୟୀ ଦୀପାବଳିର ଏହ ବ୍ୟବସାୟ ହଜାରେ କୋଟି ଟଙ୍କାର ହୋଇଥାଏ । କେବଳ ଚାଇନାରୁ ପ୍ରାୟ ୪୦ ହଜାର କୋଟି ଟଙ୍କାର ସାମଗ୍ରୀ ଆସୁଥିଲା । ଏଥିରେ 5 ଟଙ୍କାର ବାଣ ଠାରୁ ଆରମ୍ଭ କରି ହଜାରେ ଟଙ୍କା ମୂଲ୍ୟର ଆଇଟମ୍ ପର୍ଯ୍ୟନ୍ତ ସାମିଲ ଥାଏ । ଯାହା ଭାରତ-ଚୀନ୍ ବିବାଦ କାରଣରୁ ଠିକ୍ ସମୟରେ ଆସି ନାହିଁ । ଏଭଳି ପରିସ୍ଥିତିରେ ଚୀନ୍ ଦୀପାବଳିରେ ବହୁତ କ୍ଷତି ସହିଛି ।

ଦୀପାବଳିରେ ଅଧିକାଂଶ ସାମଗ୍ରୀ ଚାଇନାରୁ ଆସିଥାଏ । କନଫେଡେରେସନ୍ ଅଫ୍ ଅଲ୍ ଇଣ୍ଡିଆ ଟ୍ରେଡର୍ସ (CAIT) ର ସାଧାରଣ ସମ୍ପାଦକ ପ୍ରବୀଣ ଖଣ୍ଡେଲୱାଲ କହିଛନ୍ତି ଯେ, ଚୀନରୁ ଘର-ଅଫିସ୍ ସାଜସଜ୍ଜା ସାମଗ୍ରୀ ସମେତ ଦୀପାବଳୀରେ ହେଉଥିବା ପୂଜାରେ ସାମିଲ ସମସ୍ତ ସାମଗ୍ରୀ ବର୍ତ୍ତମାନ ଆସିବାରେ ଲାଗିଛି । ଏଥିରେ ଲକ୍ଷ୍ମୀ ଏବଂ ଗଣେଶ ଜୀଙ୍କର ବହୁତ ସୁନ୍ଦର ଦେଖାଯାଉଥିବା ପ୍ରତିମା ମଧ୍ୟ ସାମିଲ ରହିଛି । ଏହା ସହିତ ଶିଶୁ ଏବଂ ବୟସ୍କମାନଙ୍କ ପାଇଁ ବାଣର ବଜାର ମଧ୍ୟ ଅଛି ।

ଅଧିକ ପଢ଼ନ୍ତୁ:-ଅର୍ଣ୍ଣବ ଗୋସ୍ୱାମୀଙ୍କ ବିରୋଧରେ କାର୍ଯ୍ୟାନୁଷ୍ଠାନ ଆରମ୍ଭ କଲା ମୁମ୍ୱାଇ ପୋଲିସ! ଜାଣନ୍ତୁ କ'ଣ ହୋଇଥାଏ ଚାପ୍ଟର ପ୍ରୋସିଡିଙ୍ଗ ?

ଦୀପାବଳିର ଏକ ମାସ ପୂର୍ବରୁ ଚାଲୁଥିବା ଏହି ସପିଂରେ କପଡା, ବସ୍ତ୍ର, ହାର୍ଡୱେର୍, ଫୁଟୱେୟର, ବସ୍ତ୍ର, ରୋଷେଇ ସାମଗ୍ରୀ, ଉପହାର ସାମଗ୍ରୀ, ବୈଦ୍ୟୁତିକ ଏବଂ ଇଲେକ୍ଟ୍ରୋନିକ୍ସ, ଫ୍ୟାଶନ୍, ଘଣ୍ଟା, ଅଳଙ୍କାର, ଘର ସାମଗ୍ରୀ, ଆସବାବପତ୍ର, ଜଳୁଥିବା-ବନ୍ଦ ହେଉଥିବା ଛୋଟ ଲାଇଟ୍ (ଫେରି ଲାଇଟ୍), ଆସବାବପତ୍ର ଏବଂ ଫ୍ୟାନ୍ସି ଲାଇଟ୍, ଲ୍ୟାମ୍ପସ୍ ଏବଂ ରଙ୍ଗୋଲି ସାମିଲ ରହିଛି । କିନ୍ତୁ ଡୋକଲାମ, ଲଦାଖ ଇତ୍ୟାଦି ଅଞ୍ଚଳରେ ହୋଇଥିବା ବିବାଦ ହେତୁ ଅଧା ସାମଗ୍ରୀ ମଧ୍ୟ ଚାଇନାରୁ ଆସିନାହିଁ ।