ଦେଶରେ ଏବେ ବି ଜାରି ରହିଛି କୋରୋନାର ତାଣ୍ଡବ: ଦିନକରେ ପୁଣି ୨ ଲକ୍ଷ ପାର କଲା ନୂଆ ମାମଲା, ୪,୧୭୨ ସଂକ୍ରମିତଙ୍କ ମୃତ୍ୟୁ

ନୂଆଦିଲ୍ଲୀ: Coronavirus in India: ବର୍ତ୍ତମାନ ଭାରତରେ କୋରୋନା ଭୂତାଣୁ  ମାମଲା (Coronavirus Cases) ରେ ସାମାନ୍ୟ ହ୍ରାସ ଘଟିଛି । କୋରୋନାର ନୂଆ ମାମଲାରେ ହ୍ରାସ ଘଟିବା ସହ ସଂକ୍ରମଣ ହାରରେ କମି ଦେଖାଦେଇଛି, କିନ୍ତୁ ମୃତ୍ୟୁ ସଂଖ୍ୟା ଏବେବି ଡରାଉଛି । ଭାରତରେ ଗୋଟିଏ ଦିନରେ କୋରୋନା ଭୂତାଣୁ (COVID-19) ର ନୂଆ ମାମଲା ୨ ଲକ୍ଷ ପାଖାପାଖି ଆସିଯାଇଛି, କିନ୍ତୁ ଦୈନିକ ମୃତ୍ୟୁ ସଂଖ୍ୟା ଚାରି ହଜାର ପାଖାପାଖି ରହିଛି । ବୁଧବାର ଅର୍ଥାତ ଗତ ୨୪ ଘଣ୍ଟା ମଧ୍ୟରେ ଦେଶରେ ୪,୧୭୨ କୋରୋନା ସଂକ୍ରମିତଙ୍କର ମୃତ୍ୟୁ ଘଟିଛି, ଯାହା ମଙ୍ଗଳବାରର ଆକଳନଠାରୁ ଅଧିକ । ମଙ୍ଗଳବାର ଦେଶରେ ୨୧ ଦିନ ପରେ ୩,୪୯୮ ସଂକ୍ରମିତଙ୍କ ମୃତ୍ୟୁ ଘଟିଥିଲା ।

ଅଧିକ ପଢ଼ନ୍ତୁ:-ସୁବୋଧ ଜୟସୱାଲ ହେଲେ ସିବିଆଇର ନୂଆ ନିର୍ଦ୍ଦେଶକ, ୨ ବର୍ଷ ହେବ କାର୍ଯ୍ୟକାଳ

ସ୍ୱାସ୍ଥ୍ୟ ମନ୍ତ୍ରଣାଳୟର ତଥ୍ୟ ଅନୁଯାୟୀ ଗତ ୨୪ ଘଣ୍ଟା ମଧ୍ୟରେ ଦେଶରେ ୨,୦୮,୮୮୬ ନୂଆ କୋରୋନା ମାମଲା ରିପୋର୍ଟ ହୋଇଥିବାବେଳେ ଏହି ସମୟ ମଧ୍ୟରେ ପ୍ରାୟ ୪,୧୭୨ ଜଣ ଲୋକ ପ୍ରାଣ ହରାଇଛନ୍ତି । ମଙ୍ଗଳବାର ଏହି ସଂଖ୍ୟା ଥିଲା ୩,୪୯୮ । ଏଥି ସହିତ ୧,୯୫,୮୧୫ ନୂତନ କୋରୋନା ମାମଲା ଚିହ୍ନଟ ହୋଇଥିଲା । ଏପରି ଦେଖିବା ତ ବିଗତ ଦିନ ତୁଳନାରେ କୋରୋନା ମାମଲା କ୍ଷେତ୍ରରେ ପୁଣି ବଡ଼ ବୃଦ୍ଧି ଘଟିଛି । ମହାରାଷ୍ଟ୍ର ଓ କର୍ଣ୍ଣାଟକରେ କୋରୋନାର ସବୁଠାରୁ ଅଧିକ ମାମଲା ଦେଖିବାକୁ ମିଳୁଛି ।

ଅଧିକ ପଢ଼ନ୍ତୁ:-ବାତ୍ୟା ବେଳେ କ'ଣ କରିବେ, ଆଉ ନକରିବେ; ଜାଣନ୍ତୁ...

ତଥ୍ୟ ଅନୁଯାୟୀ, ଦେଶରେ ମୋଟ ୨,୭୧,୫୬,୩୮୨ କୋରୋନା ମାମଲା ଚିହ୍ନଟ ହୋଇସାରିଛି । ସେଥିମଧ୍ୟରୁ ସକ୍ରିୟ ସଂକ୍ରମିତଙ୍କ ସଂଖ୍ୟା ୨୪,୯୦,୮୭୬ ରହିଛି । ଏହା ଏକ ଆଶ୍ୱସ୍ତିକର ବିଷୟ ଯେ କୋରୋନାରୁ ସୁସ୍ଥ ହେଉଥିବା ରୋଗୀଙ୍କ ବେଗରେ କ୍ରମାଗତ ବୃଦ୍ଧି ଘଟିଛି । ବର୍ତ୍ତମାନ ପର୍ଯ୍ୟନ୍ତ ଦେଶରେ ୨,୪୩,୪୩,୨୯୯  କୋରୋନା ସଂକ୍ରମିତ ଆରୋଗ୍ୟ ଲାଭ କରିଛନ୍ତି । ଗତ ୨୪ ଘଣ୍ଟା ମଧ୍ୟରେ ଦେଶରେ ୨,୯୫,୦୮୫ ଜଣ ସଂକ୍ରମିତ ସୁସ୍ଥ ହୋଇଛନ୍ତି । କିନ୍ତୁ ଦେଶରେ ମୃତ୍ୟୁସଂଖ୍ୟା ୩ ଲକ୍ଷ ଅତିକ୍ରମ କରିଛି । ବର୍ତ୍ତମାନ ପର୍ଯ୍ୟନ୍ତ କୋରୋନା ଯୋଗୁଁ ଦେଶରେ ୩,୧୧,୪୨୧ ଲୋକ ପ୍ରାଣ ହରାଇଛନ୍ତି ।