ପୁଣି ଆତଙ୍କ ସୃଷ୍ଟି କଲାଣି ନୂଆ କୋରୋନା ଭୂତାଣୁ, ଏହି ଦେଶର ସବୁଠାରୁ ବଡ଼ ସହରରେ ଲାଗିଲା ଲକଡାଉନ

ୱେଲିଙ୍ଗଟନ୍: ପୁଣି ସମଗ୍ର ବିଶ୍ୱରେ କୋରୋନା ଭୂତାଣୁ (Coronavirus) ର ଆତଙ୍କ ସୃଷ୍ଟି ହେବାରେ ଲାଗିଛି । କୋରୋନା ଭୂତାଣୁର ଏହି ନୂଆ ରୂପ ତାଣ୍ଡବ ଆରମ୍ଭ କରିଦେଇଛି । କୋରୋନା ଭୂତାଣୁ ଭ୍ୟାକ୍ସିନ ବା ଟିକା (Coronavirus Vaccine) ରହିବା ସତ୍ତ୍ୱେ କୋଭିଡ-19 (COVID-19) ର ଏହି ଭୂତାଣୁ ଆପଣଙ୍କୁ ଯେକୌଣସି ସ୍ଥାନର ଶିକାର କରିପାରେ । ବର୍ତ୍ତମାନ ଏହି ସୂଚନା ରହିଛି ଯେ କୋରୋନା ଭୂତାଣୁକୁ ମାତ୍ ଦେଇଥିବା ନ୍ୟୁଜିଲ୍ୟାଣ୍ଡ (New Zealand) ରେ କୋଭିଡ-19 ଭାଇରସର ସାଂଘାତିକ ଷ୍ଟ୍ରେନ୍ ମିଳିଛି । ଯାହା ପରେ ସେଠାକାର ସରକାର ଜରୁରୀ ପଦକ୍ଷେପ ସ୍ୱରୂପ ଦେଶର ସବୁଠାରୁ ବଡ଼ ସହରରେ ଲକଡାଉନ (Lockdown) ଲଗାଇବାର ଘୋଷଣା କରିଛି ।

ଅଧିକ ପଢ଼ନ୍ତୁ:-ବୈଜ୍ଞାନିକଙ୍କ ଚେତାବନୀ, ଖୁବ୍ ଶୀଘ୍ର ସାରା ଦୁନିଆରେ ତାଣ୍ଡବ କରିବ କୋରୋନାର ନୂଆ ମାରାତ୍ମକ ରୂପ!

ନ୍ୟୁଜିଲ୍ୟାଣ୍ଡର ପ୍ରଧାନମନ୍ତ୍ରୀ ଜାସିଣ୍ଡା ଆର୍ଡନ (Jacinda Ardern) କହିଛନ୍ତି ଯେ ବାକି ଦେଶକୁ ମଧ୍ୟ ଅତ୍ୟଧିକ ପ୍ରତିବନ୍ଧକ ମଧ୍ୟରେ ରଖାଯିବ ଯାହା ଦ୍ୱାରା ଅକଲ୍ୟାଣ୍ଡ (Auckland) ସହର ବ୍ୟତୀତ ଅନ୍ୟ କୌଣସି ସ୍ଥାନରେ ତାଲା ପକାଇବାକୁ ପଡ଼ିବ ନାହିଁ । ନ୍ୟୁଜିଲ୍ୟାଣ୍ଡର ସବୁଠୁ ବଡ ସହର ଅକଲ୍ୟାଣ୍ଡରେ ତିନି ଦିନ ପାଇଁ ଲକଡାଉନ କରାଯାଇଛି । ଏହି ଲକଡାଉନ ରବିବାର ମଧ୍ୟରାତ୍ରରୁ କାର୍ଯ୍ୟକାରୀ ହେବ । ସହରରେ ମିଳିଥିବା ନୂଆ କୋରୋନା ଭାଇରସ ମାମଲା ପରେ ସରକାର ଏହି ନିଷ୍ପତ୍ତି ନେଇଛନ୍ତି । 

ଅଧିକ ପଢ଼ନ୍ତୁ:ପିଏମ କିସାନ ସମ୍ମାନ ନିଧି: ଏହି କାଗଜ ବିନା ମିଳିବ ନାହିଁ ୬୦୦୦ ଟଙ୍କା, ତୁରନ୍ତ କରନ୍ତୁ ଏହି କାମ

ଶନିବାର ସନ୍ଧ୍ୟାରେ କ୍ୟାବିନେଟର ଗୁରୁତ୍ୱପୂର୍ଣ୍ଣ ସଦସ୍ୟଙ୍କ ସହ ଆଲୋଚନା ପରେ ନ୍ୟୁଜିଲ୍ୟାଣ୍ଡ ପ୍ରଧାନମନ୍ତ୍ରୀ ଜାସିଣ୍ଡା ଆର୍ଡନ ଏହି ନିଷ୍ପତ୍ତି ନେଇଛନ୍ତି । ପ୍ରଧାନମନ୍ତ୍ରୀ ଜାସିଣ୍ଡା ଆର୍ଡନ କହିଛନ୍ତି ଯେ ସେ ସହରରେ ନୂତନ କୋରୋନା ଭୂତାଣୁ ବିଷୟରେ ସମ୍ପୂର୍ଣ୍ଣ ସଠିକ୍ ସୂଚନା ନ ପାଇବା ପର୍ଯ୍ୟନ୍ତ ସେ ସତର୍କ ରହିବେ । ନୂତନ କୋରୋନା ଭୂତାଣୁ ପୂର୍ବ ଅପେକ୍ଷା ଅଧିକ ସଂକ୍ରମିତ କି ନୁହେଁ ସୂଚନା ମଧ୍ୟ ସଂଗ୍ରହ କରାଯାଉଛି?

ଅଧିକ ପଢ଼ନ୍ତୁ:-PF ଖାତାଧାରୀଙ୍କ ପାଇଁ ବଡ଼ ଖବର, ଜାଣନ୍ତୁ ନିୟମରେ କ'ଣ ପରିବର୍ତ୍ତନ କରିଛି EPFO

ରବିବାର ନ୍ୟୁଜିଲ୍ୟାଣ୍ଡର ସ୍ୱାସ୍ଥ୍ୟ ଅଧିକାରୀମାନେ ସୂଚନା ଦେଇଛନ୍ତି ଯେ, ଅକଲ୍ୟାଣ୍ଡରେ ଗୋଟିଏ ପରିବାରର ତିନିଜଣ ସଦସ୍ୟଙ୍କୁ କୋରୋନା ଭୂତାଣୁ ସଂକ୍ରମିତ ହୋଇଥିବା ଜଣାପଡିଛି । ତେଣୁ ସହରରେ ନୂତନ କୋରୋନା ଭୂତାଣୁ ବିସ୍ତାରକୁ ରୋକିବା ପାଇଁ ଏକ ସତର୍କତାମୂଳକ ନିଷ୍ପତ୍ତି ନିଆଯାଇଛି ।