ରାଜଧାନୀରେ ପାଣି ଠାରୁ ବି ଶସ୍ତାରେ ମିଳିବ ମଦ ଓ ବିୟର

Delhi Liquor Discount: ସୂତ୍ରରୁ ପ୍ରକାଶ ଯେ ସରକାରଙ୍କ ଦ୍ୱାରା ଗଠିତ କମିଟି ଏଥିରେ ସହମତ ହୋଇଛି । ଏହା ସହିତ ବିକ୍ରେତାମାନେ ପ୍ରଶ୍ନ ଉଠାଇଥିଲେ ଯେ ଦିଲ୍ଲୀର କିଛି ଅଞ୍ଚଳ ଅଛି ଯେଉଁଠାରେ ଦୋକାନଗୁଡ଼ିକର ସଂଖ୍ୟା ବୃଦ୍ଧି କରାଯାଇପାରିବ । ଫେଡେରେସନ୍ ଅଫ୍ ଇଣ୍ଡିଆନ୍ ଆଲକୋହଲିକ୍ ବେୱରେଜ୍ କମ୍ପାନୀର ନିର୍ଦ୍ଦେଶକ ବିନୋଦ ଗିରି କହିଛନ୍ତି ଯେ, ଆମର ସମସ୍ତ ମୁଖ୍ୟ ପ୍ରସଙ୍ଗରେ ସରକାର ସହମତ ହୋଇଛନ୍ତି । ୱାର୍ଡରେ ତିନୋଟି ଦୋକାନ ଖୋଲିବାକୁ ବାଧ୍ୟତାକୁ ହଟାଇବା ସହିତ ମଦ ମୂଲ୍ୟ ଉପରେ ରିହାତି ପ୍ରଦାନର ନିର୍ଦ୍ଦିଷ୍ଟ ସୀମା ହଟାଇବାକୁ ପ୍ରସ୍ତୁତ ଅଛନ୍ତି । ଆଶା କରାଯାଉଛି ଯେ ଜୁନ ୧ ପରେ ବିକ୍ରେତାମାନେ ନିଜସ୍ୱ ଅନୁଯାୟୀ ମୂଲ୍ୟରେ ରିହାତି ପ୍ରଦାନ କରିପାରିବେ ।

ନୂଆଦିଲ୍ଲୀ: Delhi Liquor Discount: ଦେଶର ରାଜଧାନୀ ଦିଲ୍ଲୀ (Delhi) ରେ ମଦ (Liquor) ବିକ୍ରି ଉପରେ ସର୍ବାଧିକ ଖୁଚୁରା ମୂଲ୍ୟ (MRP) ଉପରେ ୨୫ ପ୍ରତିଶତ ପର୍ଯ୍ୟନ୍ତ ଛାଡ଼ ପରିସରକୁ ବଢ଼ିପାରେ । ୨୦୨୨-୨୩ ଆର୍ଥିକ ବର୍ଷ ପାଇଁ ସରକାର ଏକ୍ସାଇଜ୍ ପଲିସି ଘୋଷଣା କରିବାକୁ ଯାଉଛନ୍ତି, ଯେଉଁଥିରେ ନିର୍ଦ୍ଦିଷ୍ଟ ରିହାତି ସୀମା ହଟାଯାଇପାରେ । ଏହା ସହିତ ମଦ ଦୋକାନୀମାନେ ନିଜ ହିସାବରେ ମୂଲ୍ୟରେ ରିହାତି ଦେଇ ମଦ ବିକ୍ରି କରିବାକୁ ସକ୍ଷମ ହେବେ । ଜୁନ ୧ରୁ ଏହି ନୂତନ ନୀତି କାର୍ଯ୍ୟକାରୀ ହେବ, ଯେଉଁଥିରେ ଅନ୍ୟାନ୍ୟ ଅନେକ ପରିବର୍ତ୍ତନ ମଧ୍ୟ କରାଯିବ ।

ଏଥିରେ ସବୁଠାରୁ ବଡ଼ ଲାଭ ମଦ୍ୟପଙ୍କୁ ମିଳିବାର ସମ୍ଭାବନା ଅଛି । ନୂଆ ପଲିସି ଲାଗୁ ହେଲେ ମଦ୍ୟପଙ୍କୁ ପୂର୍ବାପେକ୍ଷା ଅଧିକ ଶସ୍ତା ମୂଲ୍ୟରେ ମଦ (Liquor) ଓ ବିୟର (Beer) ମିଳିବ । ଚଳିତ ଆର୍ଥିକ ବର୍ଷ ପାଇଁ ପ୍ରସ୍ତାବିତ ପଲିସି କ୍ୟାବିନେଟ୍ ଅନୁମୋଦନ କରିଛି । ଉପରାଜ୍ୟପାଳ (Delhi Lieutenant Governor) ଙ୍କ ଅନୁମୋଦନ ପାଇବା ପରେ ଏହା କାର୍ଯ୍ୟକାରୀ ହେବ । ସୂତ୍ରରୁ ପ୍ରକାଶ ଯେ LG ଙ୍କ ଅନୁମୋଦନ ପରେ ଅବକାରୀ ବିଭାଗ (Excise Department) ୨୫ ପ୍ରତିଶତ ଡିସକାଉଣ୍ଟ (ରିହାତି) ସୀମା ହଟାଇବ । 

୨୦୨୧-୨୨ ଆର୍ଥିକ ବର୍ଷ ପାଇଁ ଦିଆଯାଇଥିବା ଅବକାରୀ ପଲିସି ଅନୁଯାୟୀ, ମଦ ଦୋକାନୀମାନଙ୍କୁ ମଦ ବିକ୍ରୟ ଉପରେ ରିହାତି ଓ ଅନ୍ୟାନ୍ୟ ଅଫର ଦେବାକୁ ସରକାର ଅନୁମତି ଦେଇଥିଲେ । ଏହା ପରେ ବିକ୍ରେତାମାନେ ଫେବୃଆରୀ ଓ ମାର୍ଚ୍ଚରେ ବମ୍ପର ଅଫର୍ ଦେଇଥିଲେ । ମୂଲ୍ୟରେ ୩୦ରୁ ୪୦ ପ୍ରତିଶତ ରିହାତି ଦିଆଯାଇଥିଲା । ଏହା ସହିତ ଅନେକ ପ୍ରକାରର ଅଫର ମଧ୍ୟ ଦିଆଯାଇଥିଲା, ଯାହା ପରେ ମଦ ଦୋକାନ ବାହାରେ ଭିଡ଼ ଜମିଥିଲା ​​। ଅନେକ ସ୍ଥାନରେ ପରିସ୍ଥିତିକୁ ନିୟନ୍ତ୍ରଣ କରିବା ପାଇଁ ପୋଲିସକୁ ମଧ୍ୟ ଡାକିବାକୁ ପଡୁଥିଲା ।

ଏହା ପରେ ଅବକାରୀ ବିଭାଗ ରିହାତି ଦେବା ଉପରେ ରୋକ ଲଗାଇଥିଲା । କିଛି ଦିନ ପରେ ସରକାର ପୁନର୍ବାର ଏକ ନିର୍ଦ୍ଦେଶ ଜାରି କରିଛନ୍ତି ଯେଉଁଥିରେ କୁହାଯାଇଛି ଯେ ଆପଣ ଏମଆରପି ଉପରେ ୨୫ ପ୍ରତିଶତ ପର୍ଯ୍ୟନ୍ତ ରିହାତି ଦେଇପାରିବେ । ଏହି ବିଷୟରେ ବିକ୍ରେତାମାନଙ୍କ ମଧ୍ୟରେ ଅସନ୍ତୋଷ ଦେଖାଦେଇଥିଲା । ଏହା କରିବା ଦ୍ୱାରା ବିକ୍ରୟ ପ୍ରଭାବିତ ହେଉଛି ବୋଲି ସେମାନେ ସରକାରଙ୍କ ନିକଟରେ ଯୁକ୍ତି ବାଢ଼ଥିଲେ । ସେମାନେ କହିଛନ୍ତି ଯେ, ସରକାର ଛାଡ଼ର ବ୍ୟବସ୍ଥାକୁ ସମ୍ପୂର୍ଣ୍ଣ ରୂପେ ହଟାନ୍ତୁ ନଚେତ୍ ଛାଡ଼ ସୀମା ସ୍ଥିର କରନ୍ତୁ ନାହିଁ ।

ସୂତ୍ରରୁ ପ୍ରକାଶ ଯେ ସରକାରଙ୍କ ଦ୍ୱାରା ଗଠିତ କମିଟି ଏଥିରେ ସହମତ ହୋଇଛି । ଏହା ସହିତ ବିକ୍ରେତାମାନେ ପ୍ରଶ୍ନ ଉଠାଇଥିଲେ ଯେ ଦିଲ୍ଲୀର କିଛି ଅଞ୍ଚଳ ଅଛି ଯେଉଁଠାରେ ଦୋକାନଗୁଡ଼ିକର ସଂଖ୍ୟା ବୃଦ୍ଧି କରାଯାଇପାରିବ । ଫେଡେରେସନ୍ ଅଫ୍ ଇଣ୍ଡିଆନ୍ ଆଲକୋହଲିକ୍ ବେୱରେଜ୍ କମ୍ପାନୀର ନିର୍ଦ୍ଦେଶକ ବିନୋଦ ଗିରି କହିଛନ୍ତି ଯେ, ଆମର ସମସ୍ତ ମୁଖ୍ୟ ପ୍ରସଙ୍ଗରେ ସରକାର ସହମତ ହୋଇଛନ୍ତି । ୱାର୍ଡରେ ତିନୋଟି ଦୋକାନ ଖୋଲିବାକୁ ବାଧ୍ୟତାକୁ ହଟାଇବା ସହିତ ମଦ ମୂଲ୍ୟ ଉପରେ ରିହାତି ପ୍ରଦାନର ନିର୍ଦ୍ଦିଷ୍ଟ ସୀମା ହଟାଇବାକୁ ପ୍ରସ୍ତୁତ ଅଛନ୍ତି । ଆଶା କରାଯାଉଛି ଯେ ଜୁନ ୧ ପରେ ବିକ୍ରେତାମାନେ ନିଜସ୍ୱ ଅନୁଯାୟୀ ମୂଲ୍ୟରେ ରିହାତି ପ୍ରଦାନ କରିପାରିବେ ।

ଏହା ବି ପଢ଼ନ୍ତୁ:-ଅକ୍ଷୟ କୁମାର ଓ ଅଜୟ ଦେବଗନଙ୍କୁ ଟାର୍ଗେଟ କଲେ କଙ୍ଗନା ରାନାୱତ, କହିଲେ- ଏମାନେ ଲୁଚିଛପି ମୋତେ କଲ୍ କରି କୁହନ୍ତି...

ଏହା ବି ପଢ଼ନ୍ତୁ:-ସରକାରୀ କର୍ମଚାରୀଙ୍କ ଖାତାକୁ ଆସିବ ୧.୫୦ ଲକ୍ଷ ଟଙ୍କା! ମିଳିବ ୧୮ ମାସର DA ବକେୟା ରାଶି

ଏହା ବି ପଢ଼ନ୍ତୁ:-ଜ୍ଞାନବାପି ମସଜିଦରେ ମିଳିଲା ୧୨ ଫୁଟ ୮ ଇଞ୍ଚ ଲମ୍ୱର ଶିବଲିଙ୍ଗ! କୋର୍ଟ ଦେଲେ ଏହି ଆଦେଶ

କିଛି ଗୁରୁତ୍ୱପୂର୍ଣ୍ଣ ପ୍ରସଙ୍ଗରେ ପରିବର୍ତ୍ତନ ଆଣିବାକୁ ସରକାର ରାଜି ହୋଇଛନ୍ତି । କାରଣ ୨୦୨୧-୨୨ର ପଲିସି ଅନୁଯାୟୀ ରାଜଧାନୀରେ ୮୪୯ ମଦ ଦୋକାନ ଖୋଲିବାର ଯୋଜନା ଥିଲା, ସେଥିମଧ୍ୟରୁ କେବଳ ୬୩୯ ଦୋକାନ ଖୋଲିଛି । ଏପରିକି ଜୋନ୍ ୩୨ (ବିମାନବନ୍ଦର) କ୍ଷେତ୍ର ପାଇଁ ୧୦ଟି ଦୋକାନ ମଧ୍ୟ ନିର୍ଦ୍ଧାରିତ ଥିଲା, ସେଥିମଧ୍ୟରୁ କେବଳ ୬ଟି ସଞ୍ଚାଳନ ହୋଇପାରିଛି, ତାହା ମଧ୍ୟ ମାର୍ଚ୍ଚ ପର୍ଯ୍ୟନ୍ତ ଖୋଲିବାକୁ ସକ୍ଷମ ହୋଇଥିଲା ।